یوم پاکستان برصغیر کے مسلمانوں کا وہ مطالبہ ہے جو اسلامی جمہوریہ پاکستان کے نام سے دنیا کے نقشے پر ابھرا۔
23 مارچ کومنایا جانے والا یوم پاکستان ملکی تاریخ میں تمام حب الوطن پاکستانیوں کے لیے انتہائی اہمیت کا حامل ہے۔
23 مارچ 1940 کو قرارداد لاہورپیش کی گئی جسے بعد ازاں قرارداد پاکستان کا نام دیاگیا۔
قرارداد پاکستان کی بنیاد پر مسلمانوں کی سیاسی جماعت مسلم لیگ نے مسلمانوں کے لیے الگ وطن کا مطالبہ کیا۔
پاکستانی عوام اس دن کی اہمیت کچھ ایسے بیان کرتے ہیں کہ پاکستان کے بننے کی بنیاد اس دن رکھی گئی، مسلمانوں نے ایک عہد کیا کہ ہمیں ایک الگ وطن حاصل ہوگا۔
عوام کا کہنا ہے کہ قرارداد پاکستان میں ملک کا نقشہ کھینچا گیا، ہمیں اپنے بچوں کو اس دن کی اہمیت کا احساس دلانا چاہیے۔
ان کا کہنا ہے کہ ہمارے بزرگوں نے اسلام کے نام پر اس ملک کو حاصل کیا، اس ملک کی حفاظت ہم سب پر فرض ہے۔
عوام کا کہنا ہے کہ 23 مارچ کی پریڈ دیکھ کر ہمارے حوصلے بلند ہو جاتے ہیں، ہمارے لیے فخر کی بات ہے کہ سرحدوں پر مامور فوجی جوان ہمہ وقت ملک کی حفاظت کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
23 مارچ pakistan day پیریڈ یوم پاکستان.ذریعہ: WE News
کلیدی لفظ: پیریڈ یوم پاکستان یوم پاکستان
پڑھیں:
23 مارچ کو یوم پاکستان کے موقع پر ایوان صدر میں تقریب ہوگی
اسلام آباد ( ڈیلی پاکستان آن لائن ) 23 مارچ کو یوم پاکستان کی مناسبت سے ایوان صدر میں تقریب منعقد کی جائے گی۔
نجی ٹی وی دنیا نیوز کے مطابق صدر مملکت آصف علی زرداری یوم پاکستان کی تقریب کے مہمان خصوصی ہوں گے، تقریب میں وزیر اعظم اور تمام سروسز چیفس شرکت کریں گے، تقریب کے دوران صدر مملکت قومی پرچم لہرائیں گے۔
اس موقع پر پاک آرمی کے دستے کی جانب سے صدر آصف علی زرداری کو سلامی پیش کی جائے گی۔
پاک فضائیہ کا دستہ بھی ایوان صدر کے اوپر فلائی پاسٹ کرے گا، تقریب میں غیرملکی سفیروں اور دیگر اہم شخصیات کو بھی مدعو کیا جائے گا۔
یاد رہے کہ یومِ پاکستان ہر سال 23 مارچ کو منایا جاتا ہے، جو 1940 میں قراردادِ لاہور کی یاد میں ہے، جب مسلم لیگ نے برصغیر کے مسلمانوں کیلئے ایک الگ وطن کے حصول کی تحریک شروع کی تھی، اس دن کی مناسبت سے ملک بھر میں خصوصی تقریبات اور مسلح افواج کی پریڈ کا اہتمام کیا جاتا ہے۔
حضرت علیؓ کے یوم شہادت پر تعلیمی اداروں میں چھٹی کا اعلان
مزید :
بلوچستان ٹرین حملہ: حکومت کا حملہ آوروں کو انجام تک پہنچانے کا عزم