میرے کتے نے مجھے گولی مارکر زخمی کردیا، امریکی شخص کا دعویٰ
اشاعت کی تاریخ: 19th, March 2025 GMT
امریکی شہری نے دعویٰ کیا ہے کہ اس کے پالتو کتے نے اسے گولی مار دی تھی جس سے وہ زخمی ہوگیا۔
امریکا کے علاقے میمفس، ٹینیسی سے تعلق رکھنے والے جیرالڈ کرک ووڈ نے کہا ہے کہ پیر کی صبح اپنے بیڈ روم میں اپنی دوست خاتون کے ساتھ آرام کررہے تھے کہ میرے پالتو کتے اوریو نے بستر پر چھلانگ لگا دی۔
یہ بھی پڑھیں: عجیب و غریب مچھلی نے خاتون کو حیران کر دیا
اوریو کمرے میں داخل ہونے کے لیے اتنا پرجوش تھا کہ مبینہ طور پر فرش پر پڑی بندوق پر اس کا پاؤں پڑا، اس کا پنجا بندوق کے ٹریگر میں پھنس گیا، جس سے بندوق سے گولی چل گئی۔
گولی چلنے سے جیرالڈ کرک ووڈ کی بائیں ران پر زخم آیا، پیرامیڈیکس نے جائے وقوعہ پر اس کا علاج کیا ، تاہم اسے بعد میں علاج کے لیے اسپتال منتقل کردیا گیا۔
یہ بھی پڑھیں: مائیکرو چپ کا کمال، مالکان کو 10 سال سے لاپتا کتا واپس مل گیا
پیرامیڈیکس کے پہنچنے سے پہلےکرک ووڈ کی خاتون دوست مبینہ طور پر جائے وقوعہ سے بندوق ساتھ لے کر چلی گئی۔
جائے وقوعہ سے ایک خول برآمد ہوا ہے، جبکہ پولیس نے واقعہ کو ‘حادثاتی چوٹ’ قرار دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا بندوق پالتو کتا گولی.ذریعہ: WE News
پڑھیں:
کراچی: بلدیہ ٹاؤن میں راشن تقسیم کے دوران بھگڈر مچنے سے خاتون جاں بحق
بلدیہ ٹاؤن کراچی میں راشن کی تقسیم کے دوران بھگدڑ مچنے سے ایک خاتون جاں بحق اور ایک شدید زخمی ہوگئی۔
پولیس کے مطابق مدینہ کالونی کے مقامی پارک میں یو سی چیئرمین اور دیگر مخیر حضرات کی جانب سے راشن تقسیم کیا جارہا تھا۔
بھگدڑ مچنے سے کچھ خواتین گر گئیں جو کچلی گئیں، ان میں سے ایک خاتون جاں بحق اور ایک زخمی ہوئی ہے۔
پولیس کے مطابق ہلاک ہونے والی خاتون کی عمر 20 سے 25 برس کے درمیان بتائی جارہی ہے، جس کی فوری طور پر شناخت نہیں ہوسکی۔
پولیس حکام کے مطابق حادثے میں شدید زخمی ہونے والی خاتون اسپتال میں زیر علاج ہے۔
حکام کے مطابق راشن تقسیم کےلیے پولیس سے اجازت نامہ بھی حاصل کیا گیا تھا، راشن کی تقسیم یوسی چیئرمین اور مخیرحضرات کی جانب سے کی جا رہی تھی۔
دہشت گردی کے سائے میں جکڑا پاکستان