غزہ: اسرائیلی فوج کی بمباری میں القدس بریگیڈ کے ترجمان ابو حمزہ شہید
اشاعت کی تاریخ: 18th, March 2025 GMT
اسرائیلی فوج نے جنگ بندی کے باوجود غزہ پر فضائی حملے شروع کردیے ہیں، جس کے نتیجے میں حماس کے عسکری ونگ القدس بریگیڈ کے ترجمان ابو حمزہ شہید ہوگئے ہیں۔
عرب میڈیا کے مطابق اسرائیلی فوج نے غزہ کے علاقے النصیرات میں حملہ کیا، جس کے نتیجے میں ابو حمزہ اہلیہ اور خاندان کے متعدد افراد سمیت شہید ہوگئے ہیں۔
یہ بھی پڑھیں ’یہ یرغمالیوں کو سزائے موت سنانے کے مترادف ہے‘،حماس کی اسرائیل کو بڑی دھمکی
دوسری جانب اسرائیلی میڈیا کی جانب سے بھی دعویٰ کیا جارہا ہے کہ اسرائیلی فوج کے حملے میں ابو حمزہ اور ان کے خاندان کی شہادت ہوگئی ہے۔
اس کے علاوہ اسلامی جہاد نے بھی تصدیق کی ہے کہ ابو حمزہ اسرائیل کی جانب سے کیے گئے حملے میں شہید ہوگئے ہیں۔
واضح رہے کہ القدس بریگیڈ کے ترجمان ابو حمزہ نے اپنی شناخت ظاہر نہیں کی تھی، وہ جب بھی منظر عام پر آتے تو چہرہ چھپا ہوتا تھا۔
فلسطینی میڈیا کے مطابق القدس بریگیڈ کے ترجمان کا اصل نام ناجی ابو سیف تھا اور ابو حمزہ ان کی کنیت تھی۔
عرب میڈیا کا کہنا ہے کہ اسرائیلی فوج کے حملے میں اسلامی جہاد کے رہنما حسن الناعم کی بھی شہادت ہوئی ہے، وہ اسرائیل کے خلاف راکٹ حملوں کی منصوبہ بندی کرتے تھے۔
یہ بھی پڑھیں جنگ بندی کے باوجود اسرائیل کی غزہ میں شدید بمباری، شہدا کی تعداد 400 سے بڑھ گئی
واضح رہے کہ اسرائیلی کی جانب سے جنگ بندی کے باوجود کی گئی بمباری میں 400 سے زیادہ فلسطینی شہید اور 500 سے زیادہ زخمی ہوگئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ابو حمزہ شہید اسرائیلی فوج القسام بریگیڈ بمباری ترجمان غزہ وی نیوز.ذریعہ: WE News
کلیدی لفظ: ابو حمزہ شہید اسرائیلی فوج القسام بریگیڈ وی نیوز القدس بریگیڈ کے ترجمان اسرائیلی فوج ہوگئے ہیں
پڑھیں:
چین کا غزہ میں اسرائیلی طیاروں کی وحشیانہ بمباری اور سینکڑوں اموات پر گہری تشویش کا اظہار
چین نے غزہ میں انسانی بحران کو روکنے کے لیے فوری اقدامات کا مطالبہ کیا ہے، کیونکہ اسرائیل نے جنگ بندی کے بعد اب تک کے سب سے شدید فضائی حملے کیے ہیں۔
چینی وزارت خارجہ کی ترجمان ماؤ ننگ نے اپنے بیان میں کہا کہ چین اسرائیل اور فلسطین کے درمیان موجودہ صورتحال پر گہری تشویش رکھتا ہے اور تمام فریقین سے ایسے اقدامات سے گریز کرنے کا مطالبہ کرتا ہے جو حالات کو مزید خراب کر سکتے ہیں۔
بیان میں بڑے پیمانے پر انسانی بحران کے خدشے کا اظہار کرتے ہوئے کہا گیا کہ تمام فریقین کو ضبط و تحمل کا مظاہرہ کرنا چاہیے اور کشیدگی کو بڑھنے سے روکنے کے لیے اقدامات کرنے چاہئیں۔
غزہ میں اسرائیلی حملوں کے نتیجے میں درجنوں فلسطینی شہید اور سینکڑوں زخمی ہو چکے ہیں، جبکہ اسپتالوں میں طبی سہولیات کی شدید قلت پیدا ہو چکی ہے۔ چین نے بین الاقوامی برادری سے مطالبہ کیا ہے کہ وہ انسانی حقوق کی سنگین خلاف ورزیوں کو روکنے کے لیے اقدامات کرے۔
کے پی میں سینیٹ الیکشن نہ ہونے کی ذمہ دار پی ٹی آئی، آرٹیکل 6 نہیں لگا رہے، وزیر قانون