ایرا خان رو پڑیں، وجہ عامر خان کی گرل فرینڈ یا خود کی طلاق؟
اشاعت کی تاریخ: 18th, March 2025 GMT
ممبئی(شوبز ڈیسک)بھارتی اداکار عامر خان کی بیٹی ایرا خان کو جذباتی ہوتے اور روتے دیکھ کر سوشل میڈیا صارفین نے وجہ والد کی نئی گرل فرینڈ گوری اسپراٹ کو قرار دیا جانے لگا۔
عامر خان کو بالی وڈ کی دنیا میں مسٹر پرفیکشنسٹ کے نام سے جانا جاتا ہے کیونکہ جب بات آتی ہے فلم میں کام کرنے کی تو وہ تعداد کے اوپر کوالٹی کو ترجیح دیتے ہیں۔
عامر خان نے بالی وڈ کو متعدد سپر ہٹ فلموں اور ڈائیلاگز سے نوازا اور اسی کے ساتھ بھارتی فلم نگری میں ایک ایسا مقام حاصل کیا جو بہت کم کو نصیب ہوتا ہے۔
عامر خان کا اگرچہ کریئر کھلی کتاب کی طرح سب پر واضح رہا ہے لیکن انکی نجی زندگی بہت پیچیدہ ہے۔
دراصل عامر خان کا دل کسی ایک حسینہ پر رُک نہ سکا بلکہ انہوں نے نہ صرف گرل فرینڈز بلکہ بیویاں بھی بدلیں۔
عامرخان بالی وڈ میں کامیابی ملنے سے بہت پہلے رینا دتہ سے شادی کرچکے تھے، جوڑے نے 1986 میں شادی کی اور ان کے دو بچے جنید خان اور ایرا خان ہیں۔
طویل عرصے ازدواجی زندگی ایک ساتھ گزار کر وہ 2002 میں الگ ہو گئے تھے اور اس کے فوراً بعد عامر نے اپنی دوسری بیوی کرن راؤ سے ڈیٹنگ شروع کر دی تھی۔
بعدازاں 28 دسمبر 2005 کو عامر خان اور کرن راؤ شادی کے بندھن میں بندھ گئے تھے تاہم جولائی 2021 میں شادی کے 16 سال بعد انہوں نے اپنے راستے جدا کرلیے تھے، علیحدگی کے باوجود، عامر اور کرن نہ صرف دوست رہے ہیں بلکہ پیشہ ورانہ اور ذاتی طور پر بھی ایک دوسرے کے ساتھ جڑے ہوئے ہیں۔
کرن راؤ کے بعد عامر خان کا دل نوجوان اداکارہ فاطمہ ثناء شیخ پر آگیا اور دونوں کوالٹی ٹائم ساتھ گزارنے لگے لیکن اب عامر خان نے اپنے 60ویں سالگرہ پر چونکا دینے والا اعلان کرتے ہوئے اپنی نئی گرل فرینڈ سے سب کو متعارف کروادیا۔
عامر خان نے اپنی 60ویں سالگرہ کے موقع پر دنیا کو حیران کن خبر دی کہ وہ ایک رشتہ میں ہیں۔ انہوں نے اپنی پارٹنر گوری اسپراٹ کو میڈیا کے سامنے متعارف کرایا جنکا تعلق بنگلور سے ہے۔
گوری نے اس تقریب میں زیادہ بات نہیں کی، بس یہ کہا کہ ’انہوں نے عامر خان کی صرف دو فلمیں ’لگان‘ اور ’دل چاہتا ہے‘ دیکھی ہیں۔
متعدد رپورٹس کے مطابق عامر خان نے گوری کو سب سے پہلے شاہ رخ خان اور سلمان خان سے ملوایا۔ ابھی تک عامر خان کے خاندان کی جانب سے اس نئی محبت پر کوئی ردعمل سامنے نہیں آیا۔
جہاں ابھی عامر خان کی زندگی میں آنے والی نئی محبت چرچوں میں تھی وہیں دوسری جانب عامر خان کی بیٹی ایرا خان حال ہی میں اپنی گاڑی میں جذباتی حالت میں دکھائی دیں۔
سوشل میڈیا پر وائرل ویڈیو میں ایرا خان کو اپنے والد سے ملنے کے بعد جذباتی ہوتے دیکھا جاسکتا ہے جو کئی سوالات کو جنم دے گیا۔
View this post on InstagramA post shared by Pinkvilla (@pinkvilla)
ایرا خان روتے ہوئے تصاویر وائرل ہو گئیں جن پر سوشل میڈیا صارفین نے مختلف تبصرے کرنے شروع کردیے۔
ایک صارف نے کہا کہ ’عامر خان تیسری بار شادی کر رہے ہیں اسی لیے وہ جذباتی ہو گئی ہیں، کسی بھی بیٹی کو یہ قبول ہو ہی نہیں سکتا‘ جبکہ ایک اور صارف نے لکھا کہ ’ہوسکتا ہے ایرا کو ہونے والی نئی ماں پسند نہ آئی ہوں‘۔
ایک سوشل میڈیا صارف نے ایرا کی نجی زندگی کے حوالے سے اندازہ لگاتے ہوئے لکھا کہ ’کہیں ایرا خان کی طلاق تو نہیں ہونے والی؟‘
مزیدپڑھیں:مہوش حیات کی یو یو ہنی سنگھ کو خاص انداز سےسالگرہ کی مبارکباد
ذریعہ: Daily Ausaf
کلیدی لفظ: عامر خان کی سوشل میڈیا ایرا خان انہوں نے
پڑھیں:
مصطفی عامر کی لاش ٹھکانے لگانے کا آئیڈیا کس کا تھا؛ والدہ کے حیران کن انکشافات
کراچی:مصطفی عامر قتل کیس میں مقتول کی والدہ نے اہم انکشافات کیے ہیں، انہوں نے گفتگو میں بتایا کہ ان کے بیٹے کی لاش ٹھکانے لگانے کا آئیڈیا کس کا تھا۔
ایکسپریس نیوز کے مطابق مصطفیٰ عامر قتل کیس کی تحقیقات کے حوالے سے مقتول کی والدہ وجیہہ عامر نے گفتگو میں بتایا کہ تفتیش سے مطمئن ہوں، ملزم ارمضان ایک جملہ بولنے کے بعد گھنٹوں کے لیے سُن ہو جاتا ہے۔ ارمغان کو ہینڈل کرنا آسان نہیں، اس لیے پولیس اس کا بار بار ریمانڈ حاصل کررہی ہے۔
انہوں نے کہا کہ ملزم شیراز کے بیان کی کوئی حیثیت نہیں، اس نے اپنے آپ کو بچانے کے لیے بیان دیا۔ مصطفیٰ کے کیس میں ارمغان کے حوالے سے پہلے دن سے مجھے ڈرایا جا رہا ہے۔ شیراز نے من گھڑت کہانی بناکر سنائی، وہ وعدہ معاف گواہ نہیں بنے گا۔
مصطفی کی والدہ نے کہا کہ شیراز گواہ نہیں بلکہ میرے بیٹے کے قتل کے جرم میں برابر کا شریک ہے۔ مصطفیٰ کی لاش بلوچستان میں ٹھکانے لگانے کا آئیڈیا شیراز کا ہی تھا۔ شیراز جھوٹ بول رہا ہے اور اس کا بیان معنی نہیں رکھتا۔
وجیہہ عامر نے گفتگو میں کہا کہ مصطفیٰ، ارمغان کے گھر منشیات فروخت کرنے نہیں گیا تھا۔ ارمغان نے اپنے والد کو واقعے کا بتایا تو اس نے کہا کہ تم فرار ہو جاؤ۔ ارمغان کے والد کامران قریشی کو بھی تو شاملِ تفتیش کیا جائے۔ پولیس کے مطابق ملزمان نے مصطفیٰ کا موبائل فون توڑکرپھینک دیا تھا۔
انہوں نے کہا کہ میں نے یہ کبھی نہیں کہا کہ ارمغان نے مجھے تاوان کے لیے کال کی۔ جنوری میں ارمغان سے میری بحث ہوئی، اس کے بعد مجھے تاوان کے لیے کال آئی۔ کال کرنے والوں کے پاس ایسا کوئی ثبوت نہیں تھا کہ مصطفیٰ ان کے پاس ہے۔
کے پی میں سینیٹ الیکشن نہ ہونے کی ذمہ دار پی ٹی آئی، آرٹیکل 6 نہیں لگا رہے، وزیر قانون