عمران خان کی 8 مقدمات میں ضمانت کی درخواستوں کی جلد سماعت کی استدعا
اشاعت کی تاریخ: 18th, March 2025 GMT
بانئ پی ٹی آئی عمران خان---فائل فوٹو
بانئ پی ٹی آئی عمران خان نے لاہور ہائی کورٹ سے 8 مقدمات میں ضمانت کی درخواستوں کی جلد سماعت کی استدعا کر دی۔
بانئ پی ٹی آئی نے سانحۂ 9 مئی کے 8 مقدمات میں ضمانت کی درخواستیں لاہور ہائی کورٹ میں دائر کر دیں۔
لاہور ہائی کورٹ کے 2 رکنی بینچ نے فریقین کے وکلاء کو 24 مارچ کو بحث کے لیے طلب کر لیا۔
تحریک تحفظ آئین پاکستان کی مرکزی قیادت نے قومی سلامتی کمیٹی کے اجلاس میں شرکت سے انکار کردیا
جسٹس سید شہباز علی رضوی اور جسٹس طارق سلیم شیخ پر مشتمل بینچ نے سماعت کی۔
جسٹس شہباز رضوی نے ریمارکس میں کہا کہ مقدمات میں پراسیکیوٹر کا پیش نہ ہونا تکلیف دہ ہے۔
بانئ پی ٹی آئی کے وکیل نے کہا کہ ضمانت کی 21 درخواستیں منظور اور 8 مسترد ہوئی ہیں۔
پراسیکیوٹر جنرل نے کہا کہ منظور ضمانتوں کی منسوخی کے لیے درخواستیں دائر کر دی ہیں۔
.ذریعہ: Jang News
کلیدی لفظ: بانئ پی ٹی آئی مقدمات میں ضمانت کی
پڑھیں:
26 نومبر احتجاج، بشری بی بی کی 2 مقدمات میں عبوری ضمانت میں توسیع
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔17 مارچ ۔2025 )انسداد دہشت گردی عدالت نے 26 نومبر احتجاج کے دو مقدمات میں سابق خاتون اول بشری بی بی کی عبوری ضمانت توسیع کردی ہے اسلام آباد کی انسدادِدہشت گردی عدالت میں بشری بی بی کی عبوری ضمانت کی درخواستوں پر سماعت ہوئی، اے ٹی سی کے جج ابوالحسنات ذوالقرنین نے بشری بی بی کی درخواستوں پر سماعت کی. سابق خاتون اول کے وکیل انصر کیانی نے حاضری معافی کی درخواست دائر کرتے ہوئے موقف اپنایا کہ بشری بی بی 190 ملین پاﺅنڈ کیس میں گرفتار ہیں لہذاحاضری سے استثنی کی درخواست منظور کی جائے اور بشری بی بی کو دونوں مقدمات میں اڈیالہ جیل میں ہی شامل تفتیش کرنے کے لئے پولیس کو حکم دیا جائے.(جاری ہے)
بعدازاں عدالت نے بشری بی بی کی حاضری معافی کی درخواست منظور کر لی اور دونوں مقدمات میں بشری بی بی کی عبوری ضمانت میں پانچ مئی تک توسیع کے احکامات جاری کردیئے خیال رہے کہ سابق وزیراعظم عمران خان کی اہلیہ بشری بی بی کیخلاف تھانہ کھنہ اور کوہسار میں مقدمات درج ہیں.
دوسری جانب انسدادِ دہشت گردی عدالت اسلام آباد نے جوڈیشل کمپلیکس حملہ کیس میں مسلسل غیر حاضری پر پی ٹی آئی راہنما مراد سعید، حماد اظہر اور فرخ حبیب کو اشتہاری قرار دے دیا اے ٹی سی کے جج طاہرعباس سِپرا نے پی ٹی آئی راہنماﺅں کے خلاف کیس پر سماعت کی، پی ٹی آئی وکیل سردار مصروف خان عدالت میں پیش ہوئے. عدالت نے مسلسل غیر حاضری پر مراد سعید، حماد اظہر اور فرخ حبیب کو اشتہاری قرار دے دیا جبکہ واثق قیوم عباسی، راجہ بشارت سمیت متعدد غیر حاضر ملزمان کے وارنٹ گرفتاری بھی جاری کر دیئے انسدادِ دہشت گردی عدالت نے دستیاب ملزمان کی حاضری کے بعد دونوں کیسوں پر مزید سماعت 7 اپریل تک ملتوی کر دی پی ٹی آئی راہنماﺅں کے خلاف تھانہ رمنا میں 2 مقدمات درج ہیں.
بلوچستان اسمبلی کا اجلاس آج ہوگا