WE News:
2025-03-19@01:43:38 GMT
ملک بھر میں سونے کی قیمت میں بڑا اضافہ
اشاعت کی تاریخ: 18th, March 2025 GMT
پاکستان اور عالمی مارکیٹ میں سونے کی قیمت میں بڑا اضافہ دیکھنے میں آ رہاہے۔
پاکستان میں فی تولہ سونے کی قیمت میں 2550 روپے کا اضافہ ہوگیا۔
ملک میں فی تولہ سونا 2550 روپے اضافے کے بعد 317350 روپے کا ہوگیا جب کہ 10 گرام سونا 2186 روپے اضافے کے بعد 272076 روپے کا ہو گیاہے۔
اس کے علاوہ 10 گرام 22 قیراط سونے کی قیمت 249412 روپے ہوگئی۔
جبکہ عالمی بازار میں سونا 25 ڈالر اضافے کے بعد 3022 ڈالر فی اونس کا ہوگیاہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈالر سونے کی قیمت سونے کی قیمت میں اضافہ فی تولہ سونا.ذریعہ: WE News
کلیدی لفظ: ڈالر سونے کی قیمت سونے کی قیمت میں اضافہ فی تولہ سونا سونے کی قیمت میں
پڑھیں:
روپیہ کی قدر میں کمی، ڈالر کی قیمت 14 ماہ کی بلند ترین سطح پر پہنچ گئی
لاہور (اُردو پوائنٹ اخبارتازہ ترین۔ 18 مارچ 2025ء) روپیہ کی قدر میں کمی، ڈالر کی قیمت 14 ماہ کی بلند ترین سطح پر پہنچ گئی، کرنٹ اکاونٹ خسارہ بڑھنے، غیر ملکی سرمایہ کاری کا حجم کم ہونے اور ڈالر کی طلب میں اضافہ ہونے کی وجہ سے پاکستانی روپیہ مزید کمزور ہو گیا۔ تفصیلات کے مطابق پاکستان کی کرنسی مارکیٹ میں ڈالر کی اونچی اڑان پھر سے بے قابو ہونا شروع ہو گئی۔ انٹربینک مارکیٹ میں منگل کے روز ڈالر کی قیمت 14 ماہ کی بلند ترین سطح پر آ گئی۔ جنوری 2023 کے بعد پہلی مرتبہ انٹربینک مارکیٹ میں ڈالر کی قیمت سوا 280 روپے کی سطح سے اوپر چلی گئی۔ منگل کے روز انٹربینک مارکیٹ میں ایک موقع پر ڈالر کی قدر 10پیسے کی کمی سے 280روپے 06پیسے کی سطح پر بھی آگئی تھی۔ تاہم امریکی کرنسی کی طلب بڑھنے سے کاروبار کے اختتام پر ڈالر کی قدر 20پیسے کے اضافے سے 280روپے 26پیسے کی سطح پر بند ہوئی۔(جاری ہے)
جبکہ اوپن کرنسی مارکیٹ میں بھی ڈالر کی قدر 09پیسے کے اضافے سے 282روپے 07پیسے کی سطح پر بند ہوئی۔ ماہرین معیشت کے مطابق فروری کے ماہ میں غیر ملکی سرمایہ کاری میں 45 فیصد کی بڑی کمی ہوئی۔ جبکہ مارکیٹ میں سپلائی کے مقابلے میں ڈالر کی طلب میں زیادہ اضافہ دیکھنے میں آ رہا ہے۔ اسی باعث فروری 2025 میں کرنٹ اکاونٹ خسارہ بھی بڑھ گیا۔ اس کے علاوہ حکومت دعووں کے باوجود آئی ایم ایف اور پاکستان کے درمیان اسٹاف لیول معاہدہ نہیں ہو سکا۔ حکومت کی جانب سے دعوے کیے جا رہے ہیں کہ آئی ایم ایف حکومت کی کارکردگی سے مطمئن ہے، تاہم اس کے باوجود پاکستان آنے والے آئی ایم ایف وفد نے پاکستان کے ساتھ اسٹاف لیول معاہدہ نہیں کیا۔ ان ہی عوامل کی وجہ سے کرنسی مارکیٹ میں ڈالر کی قیمت 14 ماہ کی بلند ترین سطح پر پہنچ گئی ہے۔
صدر مملکت کی جعفرایکسپریس پر دہشتگردوں کے حملے کی مذمت