بنگلا دیش میں انقلاب کے بعد پاکستانی اعلیٰ وزارتی سطح کا پہلا دورہ طے پا گیا
اشاعت کی تاریخ: 18th, March 2025 GMT
بنگلا دیش میں انقلاب کے بعد پاکستانی اعلیٰ وزارتی سطح کا پہلا دورہ طے پا گیا WhatsAppFacebookTwitter 0 18 March, 2025 سب نیوز
اسلام آباد(آئی پی ایس)بنگلا دیش میں انقلاب کے بعد پاکستانی وزیرخارجہ اسحاق ڈار کا پہلا اعلیٰ وزارتی سطح کا دورہ طے پا گیا ہے۔
میڈیا رپورٹس کے مطابق وزیر خارجہ اسحاق ڈار 22 سے 24 اپریل تک بنگلا دیش کا دورہ کریں گے، جہاں وہ بنگلا دیش کے مشیر خارجہ توحید حسین سے مذاکرات کریں گے۔
اس دورے کے دوران نائب وزیراعظم اسحاق ڈار بنگلا دیش کی قیادت سے بھی ملاقات کریں گے اور متعدد معاہدوں پر دستخط ہوں گے۔
اس دورے میں منشیات اور انسانی اسمگلنگ کے خلاف تعاون پر بھی معاہدہ ہو سکتا ہے۔ علاوہ ازیں تجارتی اور معاشی تعاون کے فروغ پر بھی بات چیت کی جائے گی۔
یاد رہے فروری 2025 میں بنگلہ دیش نے 1971 میں آزادی کے بعد پہلی بار پاکستان کے ساتھ براہ راست تجارت کا آغاز کیا، اس سلسلے میں 50 ہزار ٹن چاول کی پہلی کھیپ پورٹ قاسم سے روانہ کی گئی تھی۔
یہ معاہدہ بنگلہ دیش میں نوبل انعام یافتہ محمد یونس کی قیادت میں عبوری حکومت کے اقتدار سنبھالنے کے بعد پاکستان اور بنگلہ دیش کے سفارتی تعلقات میں بہتری کے نتیجے میں طے پایا تھا۔
سابق وزیر اعظم شیخ حسینہ کے خلاف مظاہروں کے بعد ان کی حکومت کا خاتمہ ہوا، جس کے بعد دونوں ممالک کے درمیان تجارتی روابط میں پیش رفت ہوئی۔
.ذریعہ: Daily Sub News
پڑھیں:
وزیراعظمشہباز شریف 19 سے 22 مارچ تک سعودی عرب کا سرکاری دورہ کریں گے، دفتر خارجہ
وزیراعظم شہباز شریف 19 سے 22 مارچ تک سعودی عرب کا سرکاری دورہ کریں گے۔
ترجمان دفتر خارجہ کے مطابق وزیراعظم شہباز شریف بدھ کے روز 4 روزہ سرکاری دورے پر سعودی عرب روانہ ہوں گے، وزیر اعظم کے دورے کا مقصد دوطرفہ تعلقات کو مضبوط بنانا، اقتصادی تعاون کو بڑھانا اور دونوں ممالک کے درمیان سرمایہ کاری کو فروغ دینا ہے۔
یہ بھی پڑھیں: وزیراعظم شہباز شریف اپریل میں بیلاروس کا سرکاری دورہ کریں گے
پاکستانی وفد میں نائب وزیراعظم و وزیر خارجہ اسحاق ڈار سمیت دیگر وفاقی وزرا اور اعلیٰ حکام بھی شامل ہوں گے۔ دورے کے دوران وزیراعظم سعودی ولی عہد اور وزیراعظم محمد بن سلمان سے ملاقات کریں گے۔
دونوں رہنما تجارت کو فروغ دینے، کلیدی شعبوں میں شراکت داری کو بڑھانے اور وسیع تر اقتصادی تعاون کو آسان بنانے کے طریقوں پر تبادلہ خیال اور غور و خوض کریں گے۔
بیان میں مزید کہا گیا ہے کہ باہمی دلچسپی اور تشویش کے امور بشمول عالمی اور علاقائی پیش رفت بالخصوص غزہ کی صورت حال کے علاوہ مشرق وسطیٰ کی ابھرتی ہوئی صورتحال کے ساتھ ساتھ امت مسلمہ سے متعلق مسائل ایجنڈے میں سرفہرست ہوں گے۔
یہ بھی پڑھیں: وزیرخارجہ اسحاق ڈار اپریل میں بنگلہ دیش کا دورہ کریں گے
بیان کے مطابق وزیراعظم کا دورہ پاکستان اور سعودی عرب کے درمیان گہرے تاریخی تعلقات کو اجاگر کرتا ہے اور باہمی افہام و تفہیم میں اضافے، تجارت، سرمایہ کاری میں تعاون بڑھانے اور دوطرفہ، علاقائی اور عالمی معاملات پر وسیع سفارتی رابطوں کی راہ ہموار کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان دفتر خارجہ دورہ سعودی عرب وزیراعظم شہباز شریف
ریاست کو بدلنا ہو گا