کراچی: سفاک شوہر نے بیوی پر پیٹرول چھڑک کر آگ لگا دی
اشاعت کی تاریخ: 18th, March 2025 GMT
— فائل فوٹو
کراچی کے علاقے کورنگی مہران ٹاؤن میں سفاک شوہر نے بیوی کو پیٹرول چھڑک کر آگ لگا دی۔
پولیس حکام کے مطابق متاثرہ خاتون رابعہ بی بی 40 فیصد جھلس چکی ہیں۔
ابتدائی تحقیقات کے مطابق ملزم وقاص اپنی بیوی رابعہ پر تشدد کرتا تھا اور دوسری خواتین سے دوستی رکھتا تھا جب رابعہ نے اسے منع کیا تو وقاص نے طیش میں آ کر اس پر پیٹرول چھڑک کر آگ لگا دی۔
کراچیشادی کی سالگرہ منانے کے بہانے شوہر نے بیوی.
واقعے کا مقدمہ تھانہ کورنگی انڈسٹریل ایریا میں درج کر لیا گیا ہے۔
پولیس نے کارروائی کرتے ہوئے سفاک ملزم وقاص کو عظیم پورہ کے علاقے سے گرفتار کر لیا ہے۔
رابعہ کو سول اسپتال کے برنس وارڈ میں داخل کر دیا گیا ہے، جہاں اس کی حالت تشویش ناک ہے۔
پولیس ملزم سے تفتیش کر رہی ہے۔
ذریعہ: Jang News
کلیدی لفظ: شوہر نے بیوی
پڑھیں:
کراچی میں خلع کیلیے عدالت جانے والی خاتون کو شوہر نے قتل کردیا، حملے میں بیٹی زخمی
کراچی:کراچی کے علاقے ملیر میں خلع کیلیے درخواست دینے والی خاتون کو شوہر نے عدالت میں پیشی کے بعد تیز دھار آلے کے وار سے قتل جبکہ بیٹی کو زخمی کردیا۔
تفصیلات کے مطابق یہ واقعہ ملیر سٹی کے علاقے میں پیش آیا جہاں شوہر نے علیحدگی کیلیے عدالت سے رجوع کرنے والی خاتون کو تیز دھار آلے کے وار جو بچی کے ساتھ تھی اُس پر تیز دھار آلے سے حملہ کیا۔
حملے کے نتیجے میں خاتون موقع پر جاں بحق جبکہ بیٹی زخمی ہوئی جنہیں طبی امداد کے لیے اسپتال منتقل کیا گیا جبکہ واقعے کی اطلاع ملتے ہی پولیس نے موقع پر پہنچ کر ملزم کو گرفتار کر کے آلہ قتل برآمد کرلیا۔
اس حوالے سے ایس ایچ او ملیر سٹی فراست شاہ نے بتایا کہ مقتول کی شناخت 45 سالہ رحمت بیگم کے نام سے کی گئی جسے پسلی کے قریب تیز دھار آلے کا وار لگا تھا جو جان لیوا ثابت ہوا جبکہ مقتولہ کی بیٹی 18 سالہ رابعہ ماں کو بچاتے ہوئے تیز دھار آلے کے وار لگنے سے زخمی ہوگئی جسے طبی امداد فراہم کی جا رہی ہے ۔
انھوں نے بتایا کہ پولیس نے مقتولہ کے شوہر سرور کو گرفتار کر کے آلہ قتل برآمد کرلیا جبکہ ابتدائی تحقیقات کے مطابق رحمت بیگم نے شوہر سے علیحدگی کے لیے ملیر کورٹ میں خلع کی درخواست دائر کی تھی جس کی ہفتے کو پیشی تھی اور کورٹ سے باہر نکلنے کے بعد میاں بیوی میں کسی بات پر تکرار ہوئی اور اس دوران شوہر نے طیش میں آکر بیوی کو تیز دھار آلے کے وار سے قتل کر دیا۔ مقتولہ 4 بچوں کی ماں تھی جبکہ گرفتار ملزم نان بائی ہے ۔
بجلی کی قیمتوں میں کمی