وزیراعظم شہبازشریف کل تین روزہ دورے پر سعودی روانہ ہوں گے
اشاعت کی تاریخ: 18th, March 2025 GMT
وزیراعظم شہبازشریف کل تین روزہ دورے پر سعودی روانہ ہوں گے WhatsAppFacebookTwitter 0 18 March, 2025 سب نیوز
اسلام آباد(آئی پی ایس)وزیراعظم شہباز شریف کل تین روزہ دورے پر سعودی عرب روانہ ہوں گے۔
ترجمان دفتر خارجہ شفقت علی خان کی جانب سے جاری بیان کے مطابق وزیراعظم 19 سے 22 مارچ سعودی عرب کا دورہ کریں گے، دورے کا مقصد دو طرفہ تعلقات معاشی تعاون اور سرمایہ کاری میں اضافہ کرنا ہے۔
دورے کے دوران نائب وزیراعظم و وزیر خارجہ اسحاق ڈار بھی شہباز شریف کے ہمراہ ہونگے, اہم وفاقی وزرا اور سنئیر سرکاری افسران بھی دورے کا حصہ ہونگے۔
ترجمان دفتر خارجہ نے کہا کہ دورے کے دوران وزیراعظم شہباز شریف سعودی ولی عہد اور وزیراعظم محمد بن سلمان سے ملاقات کریں گے، ملاقات کے دوران دونوں ممالک کے مابین تجارت سمیت مختلف شعبہ جات میں تعاون پر غور ہو گا۔
اس میں کہا گیا کہ ملاقات کے دوران مشرق وسطی سمیت فلسطین کی صورتحال پر بھی بات چیت کی جائے گی۔
.ذریعہ: Daily Sub News
پڑھیں:
اسلام آباد میں جناح میڈیکل سینٹر پاکستان میں دوسرا جان ہاپکنز ہوگا، شہباز شریف
وزیراعظم شہباز شریف نے کہا ہے کہ ہیپا ٹائٹس سی بہت تیزی سے پاکستان میں پھیلنے والی بیماری ہے، اسلام آباد میں جناح میڈیکل سینٹر کا آغاز کرنے جارہے ہیں، یہ پاکستان میں دوسرا جان ہاپکنز ہوگا۔
نجی ٹی وی کے مطابق گلگت بلتستان میں انسداد ہیپاٹائٹس سی کے پائلٹ پروجیکٹ کی کامیاب تکمیل پر وزیراعظم ہاؤس میں تقریب سے خطاب کرتے ہوئے وزیراعظم نے کہا کہ جس طرح پاکستان کڈنی اینڈ لیور ٹرانسپلانٹ انسٹیٹیوٹ (پی کے ایل آئی) کے حوالے سے ہمارا خواب تھا، اسے ڈاکٹر سعید اختر سمیت تمام شراکت داروں نے ملکر شرمندہ تعبیر کیا، اب ان شا اللہ جناح میڈیکل سینٹر کو بھی اسی طرح ہم تیزی سے آگے لیکر جارہے ہیں، اس کی پلاننگ کا کام مکمل ہوچکا ہے۔
پنجاب میں ہیپاٹائٹس کے علاج کے حوالے سے پہلے پی کے ایل آئی کے تحت یونٹ بنائے گئے، مریضوں کے لیے مفت تشخیص اور دوائیں دینے کا سلسلہ شروع کیا گیا، آج بھی یہ پروگرام صوبہ پنجاب میں جاری ہے، تاہم ماضی میں ہماری حکومت کو ہٹواکر آنے والی حکومت نے اس پروگرام کا خاتمہ کرکے ہیپاٹائٹس کو صرف جنرل ہسپتالوں تک علاج کے لیے محدود کر دیا تھا۔
انہوں نے کہا کہ ہیپاٹائٹس سی کے حوالے سے جو ذمہ داری گلگت بلتستان کے وزیراعلیٰ اور ان کی حکومت نے سنبھالی ہے، اور وفاقی حکومت کے ساتھ ملکر اس کے خاتمے کے لیے وہاں ج اقدامات شروع کیے گئے ہیں، میں ان پر وزیر صحت مصطفیٰ کمال اور ان کی ٹیم، وزیر منصوبہ بندی احسن اقبال اور آغا خان فاؤنڈیشن کے علاوہ عالمی ادارہ صحت کا شکریہ ادا کرتا ہوں۔
وزیراعظم نے کہا کہ وزیرصحت مصطفیٰ کمال، وزیر منصوبہ بندی احسن اقبال سمیت جن جن لوگوں کو آج شیلڈز دی گئی ہیں، وہ پاکستان کے حقیقی ہیروز ہیں، جنہوں نے گلگت بلتستان میں ہیپاٹائٹس کے خاتمے کے لیے کام کیا ہے۔
وزیراعظم شہباز شریف نے کہا کہ کراچی کے میئر رہنے والے مصطفیٰ کمال نے شہر قائد کے لیے بہت کام کیا، ان کی محنت اور لگن کو مد نظر رکھتے ہوئے انہیں محکمہ صحت کی ذمہ داری دی تاکہ عوام کو درپیش صحت کے مسائل کے حل کے لیے بھی وہ بطور وزیر صحت عوام کے لیے بہترین خدمات انجام دیں۔
Post Views: 1
بلڈ شوگر کو کنٹرول کرنے اور روزے کیلئے کون سی کھجوریں بہترین ہیں؟