کراچی؛ خواتین سے بات کرنے سے روکنے پر سفاک شوہر نے بیوی کو زندہ جلا دیا
اشاعت کی تاریخ: 18th, March 2025 GMT
کراچی:
دوسری خواتین سے بات کرنے سے روکنے پر سفاک شوہر نے اپنی بیوی کو پیٹرول چھڑک کر زندہ جلا دیا۔
شہر قائد میں سفاک شوہر نے دوسری خواتین سے بات کرنے سے منع کرنے پر اپنی بیوی کو پہلے تشدد کا نشانہ بنایا اور پھر پیٹرول چھڑک کر آگ لگادی، جس سے وہ جھلس کر شدید زخمی ہو گئی۔ پولیس نے ملزم کو گرفتار کرلیا۔
کورنگی صنعتی ایریا تھانے کے علاقے مہران ٹاؤن میں سفاک شوہر نے بیوی کوتشدد کے بعد پیٹرول چھڑک کرآگ لگادی۔ آگ سے رابعہ نامی خاتون جھلس کر شدید زخمی ہوگئی، جسے فوری سول اسپتال کے برنس وارڈ منتقل کردیا گیا۔
طبی ذرائع کے مطابق متاثرہ خاتون 40 فیصد جھلس چکی ہے جب کہ واقعے کا مقدمہ متاثرہ خاتون کی مدعیت میں کورنگی صنعتی ایریا تھانے میں اقدام قتل کی دفعہ کے تحت درج کرلیا گیا ہے۔
متاثرہ خاتون نے پولیس کو بتایا کہ2سال قبل وقاص سے پسند کی شادی کی تھی۔ شادی کے بعد سے ہی وقاص کا رویہ ٹھیک نہیں تھا۔ ان کی کوئی اولاد نہیں ہے، شوہروقاص اکثرمارپیٹ اورتشدد کا نشانہ بناتا تھا۔ شوہروقاص کے دوسری خواتین سے تعلقات بھی تھے۔
14 مارچ کو شوہروقاص رات دیرتک گھرنہیں آیا توآمنہ نامی لڑکی کے نمبرپرکال کی تو فون وقاص نے اٹھایا اورطیش میں آکرمغلظات بکیں۔ وقاص رات 11 بج کر45 پرگھرآیا اور مجھ پرتشدد کیا اورپیٹرول چھڑک کرآگ لگادی۔
متاثرہ خاتون کے بھائی محمد جمال نے بتایا کہ بہن کے شوہر نے دھمکیاں دی ہیں کہ اگر مقدمہ درج کرایا تو بہت پچھتاؤ گے۔ انہوں نے انصاف فراہم کرنے کا مطالبہ کیا ہے۔
پولیس کے مطابق واقعہ 14 مارچ کو پیش آیا اور 16 مارچ کو مقدمہدمہ درج کرلیا گیا ہے۔ پولیس نےمقدمے کے اندراج کے بعد تفتیش انویسٹی گیشن پولیس کے سپرد کردی تھی، جس نے منگل کی صبح عظیم پورہ کےعلاقے میں کارروائی کرتے ہوئے شوہروقاص کوگرفتارکرلیا۔
انویسٹی گیشن پولیس کے مطابق گرفتارملزم فیکٹری میں ملازمت کرتا ہے۔ ملزم وقاص کی دوسری خواتین سے دوستی تھی، اور منع کرنے پرملزم وقاص نے اپنی بیوی پرپیٹرول چھڑک کر آگ لگادی۔
.ذریعہ: Express News
کلیدی لفظ: دوسری خواتین سے متاثرہ خاتون بیوی کو چھڑک کر
پڑھیں:
ٹائمز اسکوائر میں 45 سالہ شخص کو آگ لگا دی گئی، حملہ آور فرار
نیویارک: ٹائمز اسکوائر میں اتوار کی صبح ایک 45 سالہ شخص کو آگ لگا دی گئی، جس کے بعد پولیس نے تحقیقات شروع کر دی ہیں۔
پولیس کے مطابق یہ واقعہ صبح 4 بجے پیش آیا، جب متاثرہ شخص کو آگ میں لپٹا پایا گیا۔ تاحال یہ واضح نہیں ہو سکا کہ حملہ جان بوجھ کر کیا گیا یا اتفاقیہ تھا۔
حملہ آور نے مبینہ طور پر پیٹرون ٹیکیلا بوتل میں آتش گیر مادہ بھر کر متاثرہ شخص پر چھڑکا اور اسے آگ لگا دی۔ متاثرہ شخص 100 فٹ تک بھاگتا رہا اور مدد کے لیے پکارا۔ ایک راہگیر نے گاڑی سے چھلانگ لگا کر پاؤڈر فائر ایکسٹنگوئشر کی مدد سے آگ بجھا دی۔
پولیس کے مطابق حملہ آور موقع سے فرار ہو گیا اور اس کی تلاش جاری ہے۔ حکام واقعے کی وجوہات جاننے کی کوشش کر رہے ہیں اور یہ معلوم نہیں ہو سکا کہ یہ ٹارگٹڈ اٹیک تھا یا نہیں۔
یہ حملہ نیویارک میں بڑھتے ہوئے جرائم پر تشویش میں مزید اضافہ کر رہا ہے۔ تین ماہ قبل بھی ایک خاتون کو سب وے میں آگ لگا کر ہلاک کر دیا گیا تھا، جس کے ملزم کو بعد میں گرفتار کر لیا گیا تھا۔
ریاست کو بدلنا ہو گا