جاوید اختر لیاقت علی خان کے پڑپوتے معظم علی خان کی آواز کے گرویدہ
اشاعت کی تاریخ: 18th, March 2025 GMT
بھارتی معروف شاعر و نغمہ نگار جاوید اختر پاکستانی گلوکار معظم علی خان کی آواز کے گرویدہ ہو گئے۔
جاوید اختر نے مائیکرو بلاگنگ ویب سائٹ ایکس پر ایک پیغام شیئر کرتے ہوئے معظم علی خان سے رابطے کی خواہش کا اظہار اور درخواست کی ہے تاکہ وہ ان کے ساتھ کام کر سکیں۔
جاوید اختر نے اپنے پیغام میں لکھا ہے کہ ابھی ابھی میں نے ایک جینٹل مین معظم صاحب کو یوٹیوب پر ’یہ نین ڈرے ڈرے‘ گاتے ہوئے سنا ہے، براہِ کرم وہ مجھ سے رابطہ کریں، اگر وہ ہمارے لیے کچھ گانے گا سکیں تو میں بے حد مشکور رہوں گا۔
جاوید اختر کی یہ پوسٹ وائرل ہوتے ہی مداحوں نے ان کی مدد کرتے ہوئے گلوکار معظم علی خان کی ویڈیوز شیئر کرنا شروع کر دیں۔
یاد رہے کہ معظم علی خان پاکستان شوبز انڈسٹری سے تعلق رکھتے ہیں، وہ گلوکار، وائس اوور آرٹسٹ اور اداکار ہیں۔
معظم علی خان نے 2020ء میں نشر ہونے والے سُپر ہٹ ڈرامے ’ثبات‘ میں جاندار اداکارہ کے ذریعے خوب شہرت حاصل کی، انہیں شوبز انڈسٹری سے وابستگی اختیار کیے چند برس ہی ہوئے ہیں۔
انہیں بلاک بسٹر ڈرامہ سیریل ’عشقِ لاء‘ میں بھی دیکھا گیا تھا۔
View this post on Instagram
A post shared by Moazzam Ali khan (Official) (@moazzamali258)
معظم علی خان سے متعلق یہ بات بہت کم لوگ جانتے ہیں کہ وہ پاکستان کے پہلے وزیرِ اعظم قائدِ ملّت لیاقت علی خان کے پڑ پوتے ہیں۔
معظم علی خان کے والد مشرف علی خان اور والدہ ممتاز پروین بھی پی ٹی وی کے ڈرامے’سُنہرے دِن‘میں کام کر چکے ہیں۔
معظم علی خان کے چھوٹے بھائی عباس علی خان معروف موسیقار ہیں، عباس علی خان نے استاد فتح علی خان سے فنِ گائیکی کی تربیت حاصل کی تھی۔
Post Views: 1.ذریعہ: Daily Mumtaz
کلیدی لفظ: معظم علی خان جاوید اختر علی خان کے
پڑھیں:
’دانیہ بچی تم نے غلط کیا، پلٹ کر واپس نہیں آؤں گا‘: عامر لیاقت کے آخری الفاظ پھر وائرل ہوگئے
کراچی(شوبز ڈیسک)پاکستان کے معروف اسکالر اور کئی شوز کے میزبان رہ چکے عامر لیاقت حسین جون 2022 میں انتقال کر گئے تھے، وہ اپنی رہائش گاہ پر بیہوش پائے گئے تھے، جس کے بعد انہیں ہسپتال منتقل کیا گیا جہاں ان کی موت کی تصدیق ہوئی تھی۔
اپنی وفات سے قبل عامر لیاقت حسین شدید ذہنی دباؤ کا شکار تھے، انتقال سے چند ہفتے قبل ان کی سب سے آخری اہلیہ دانیہ ملک کے ہمراہ نامناسب ویڈیوز وائرل ہوئی تھیں۔
نامناسب ویڈیوز وائرل ہونے کے بعد عامر لیاقت حسین کا انتقال ہوا تھا۔
لیکن انتقال سے قبل ان کے آخری الفاظ خوب وائرل ہوئے تھے، آج نیوز نے ان کے مبینہ آخری الفاظ پر مشتمل ایک ویڈیو 10 جون 2022 کو پبلش کی تھی جو اب دوبارہ وائرل ہو رہی ہے۔
ویڈیو کے مطابق مرحوم عامر لیاقت کہتے ہیں کہ، ’میں مدینے شریف جانے والا ہوں، بلاوا آگیا ہے‘۔
انہوں نے مزید کہا کہ ’یہ شرابی، نشئی اور آئس والوں کو جلدی نہیں بلاتے رسول اللہ ﷺ، تھوڑا ٹائم لگتا ہے‘۔
ان کا مزید کہنا تھا کہ ’دانیہ بچی تم نے غلط کیا‘۔
عامر لیاقت نے کہا کہ اس کے بعد حج کا موقع ہے، اس دوران میں کسی سے رابطہ نہیں رکھوں گا، لیکن حج کے بعد میں پلٹ کر واپس نہیں آؤں گا، میں کہاں جا رہا ہوں بتانا نہیں چاہتا میں گم نامی کی زندگی گزارا چاہتا ہوں، نام بہت کما لیا، نام رہے بس اللہ کا۔
اس کے بعد عامر لیاقت اپنے کمرے میں مردہ پائے گئے۔
ڈاکٹر عامر لیاقت نجی ٹی وی چینلز پر رمضان نشریات کے حوالے سے مشہور تھے اور ان کے اخری بیان پر مبنی ویڈیو بھی رمضان میں وائرل ہو رہی ہے۔
عامر لیاقت کی موت کے چند ہفتوں بعد جولائی 2022 میں مرحوم کی سابق اور پہلی اہلیہ بشریٰ اقبال نے اپنے بیٹے اور بیٹی کے ہمراہ دانیہ ملک کے خلاف وفاقی تحقیقاتی ادارے کراچی میں کیس دائر کرنے کے لیے درخواست دی تھی۔
بعد ازاں ایف آئی اے نے نازیبا ویڈیوز لیک کرنے کے الزامات کے تحت دانیہ شاہ کے خلاف پیکا ایکٹ 2016 کی دفعہ 20، 21، 24 کے تحت 10 اکتوبر 2022 کو مقدمہ درج کیا گیا تھا۔
ایف آئی اے میں کیس دائر ہونے کے بعد دسمبر 2022 میں ایف آئی اے نے پنجاب کے شہر لودھراں سے دانیہ ملک کو گرفتار کرلیا تھا، جسے بعد ازاں کراچی کی عدالت نے ضمانت پر رہا کردیا تھا۔
مزیدپڑھیں:بالی وڈ اداکار ہریتک روشن لاٹھی پکڑ کر چلنے پر مجبور ہوگئے
بلڈ شوگر کو کنٹرول کرنے اور روزے کیلئے کون سی کھجوریں بہترین ہیں؟