دوسرے ٹی 20 میں پاکستان کو نیوزی لینڈ کے ہاتھوں پھر بدترین شکست
اشاعت کی تاریخ: 18th, March 2025 GMT
دوسرے ٹی20 میچ میں بھی نیوزی لینڈ نے پاکستان کو شکست دیکر سیریز میں 0-2 کی برتری حاصل کرلی۔ ڈنیڈن میں کھیلے جارہے میچ میں پہلے کھیلتے ہوئے پاکستان نے بارش سے متاثرہ 15 اوورز کے گیم میں 9 وکٹوں کے نقصان پر 135 رنز بنائے، پاکستانی اوپنرز ایک مرتبہ پھر ناکامی تصویر بنے نظر آئے، حسن نواز آج پھر کھاتہ کھولے بغیر صفر پر پویلین روانہ ہوئے۔ محمد حارث 11، خوشدل شاہ 2، جہانداد خان صفر، عرفان خان نیازی 11 رنز کے مہمان ثابت ہوئے۔ بارش سے متاثرہ میچ میں کپتان سلمان آغا نے 46 اور شاداب خان نے 26 رنز کی اننگز کھیلی جبکہ میچز کے اختتامی لمحات میں شاہین آفریدی نے 22 رنز کا اضافہ کیا تاہم انکے علاوہ کوئی بلےباز خاطر خواہ پرفارمنس کا مظاہرہ نہیں کرسکا۔ نیوزی لیںڈ کی جانب سے ایش سودھی، جیکب ڈفی، بین سیئرز، جیمز نیشم اور مائیکل بریسویل نے 2، 2 وکٹیں حاصل کیں۔ ہدف کے تعاقب میں نیوزی لیںڈ کے اوپنرز نے جارحانہ آغاز کیا اور 66 رنز کی اوپننگ پارٹنرشپ قائم کی تاہم ٹم سیفرٹ 22 گیندوں پر 45 رنز بناکر آؤٹ ہوئے، انکی اننگز میں 5 چھکے اور تین چوکے شامل تھے۔ بعدازاں فن ایلین 38، مارک چیمپین 1 اور جیمز نیشم 5 رنز بناکر پویلین لوٹے۔ تاہم مچل ہے نے 21 اور کپتان مائیکل بریسویل نے 5 رنز بناکر ٹیم کی فتح میں اہم کردار ادا کیا۔ پاکستان کی جانب سے حارث رؤف نے 2 جبکہ محمد علی، خوشدل شاہ اور جہانداد خان نے ایک ایک وکٹ حاصل کی۔ قبل ازیں بارش کے باعث آؤٹ فیلڈ گیلی ہونے کی وجہ سے میچ تاخیر کا شکار ہوا، جس کے بعد امپائرز نے میچ 15،15 اوورز تک محدود کردیا۔
.ذریعہ: Nawaiwaqt
پڑھیں:
پاکستان نے ٹی ٹوئنٹی تاریخ کا ناپسندیدہ ریکارڈ بنا دیا
پاکستان کرکٹ ٹیم نے نیوزی لینڈ کے خلاف پہلے ٹی ٹوئنٹی میں بدترین کارکردگی کا مظاہرہ کرتے ہوئے نہ صرف شکست کھائی بلکہ اپنی ٹی ٹوئنٹی تاریخ کا ایک ناپسندیدہ ریکارڈ بھی بنا دیا کرائسٹ چرچ میں کھیلے گئے میچ میں نیوزی لینڈ نے پاکستان کو 9 وکٹوں سے آؤٹ کلاس کر دیا اور 5 میچز کی سیریز میں 1-0 کی برتری حاصل کرلی نیوزی لینڈ کے کپتان نے ٹاس جیت کر پاکستان کو پہلے بیٹنگ کی دعوت دی لیکن قومی ٹیم کی بیٹنگ مکمل طور پر ناکام رہی پوری ٹیم محض 91 رنز پر ڈھیر ہوگئی جو کہ ٹی ٹوئنٹی کرکٹ میں پاکستان کے لیے ایک مایوس کن اسکور تھا نیوزی لینڈ کے باؤلرز نے ابتدا سے ہی پاکستانی بلے بازوں کو دباؤ میں رکھا، جس کی وجہ سے کوئی بھی کھلاڑی جم کر بیٹنگ نہ کرسکا نیوزی لینڈ نے 92 رنز کا معمولی ہدف انتہائی آسانی کے ساتھ محض 10.1 اوورز میں ایک وکٹ کے نقصان پر حاصل کر لیا کیوی بلے بازوں نے پاکستانی باؤلنگ کو مکمل بے اثر کر دیا اور بغیر کسی مشکل کے فتح اپنے نام کی اس شکست کے ساتھ پاکستان نے اپنی ٹی ٹوئنٹی انٹرنیشنل تاریخ کا بدترین ریکارڈ بھی قائم کر دیا نیوزی لینڈ نے ہدف 59 گیندیں قبل حاصل کر کے پاکستان کو سب سے بڑی گیندوں کے فرق سے شکست دی اس سے قبل 2018 میں آسٹریلیا نے پاکستان کے خلاف 55 گیندیں قبل ہدف حاصل کیا تھا لیکن نیوزی لینڈ نے اس شکست کو بھی پیچھے چھوڑ دیا یہ پہلا موقع نہیں جب پاکستان کو نیوزی لینڈ کے خلاف شرمناک شکست کا سامنا کرنا پڑا ہو اس سے پہلے 2016 میں ویلنگٹن میں پاکستان نے 196 رنز کے ہدف کا تعاقب کرتے ہوئے محض 101 رنز پر آل آؤٹ ہو کر 95 رنز کی بڑی شکست کھائی تھی جو اس وقت پاکستان کی ٹی ٹوئنٹی میں تعاقب کرتے ہوئے سب سے بدترین شکست تھی پاکستان اور نیوزی لینڈ کے درمیان 5 میچز کی سیریز کا دوسرا ٹی ٹوئنٹی منگل کے روز کھیلا جائے گا، جہاں قومی ٹیم کے پاس اپنی غلطیوں کو سدھارنے اور کم بیک کرنے کا موقع ہوگا
پاکستان پوسٹ میں خلاف قوائد 381 بھرتیوں کا انکشاف