آرمی چیف جنرل عاصم منیر سے کمانڈر بحرین نیشنل گارڈ کی ملاقات، سکیورٹی امور پر تبادلہ خیال
اشاعت کی تاریخ: 18th, March 2025 GMT
راولپنڈی ( اُردو پوائنٹ اخبارتازہ ترین۔ 18 مارچ 2025ء ) آرمی چیف جنرل عاصم منیر سے کمانڈر بحرین نیشنل گارڈ نے ملاقات کی ہے جس میں سکیورٹی امور پر تبادلہ خیال کیا گیا۔ مسلح افواج کے شعبہ تعلقات عامہ (آئی ایس پی آر) کے مطابق آرمی چیف جنرل عاصم منیر سے کمانڈر بحرین نیشنل گارڈ شیخ محمد بن عیسیٰ بن سلمان الخلیفہ نے ملاقات کی، اس ملاقات میں دوطرفہ فوجی تعلقات پر تبادلہ خیال کیا گیا۔
آئی ایس پی آر کی جانب سے جاری بیان میں کہا گیا ہے کہ جی ایچ کیو راولپنڈی میں آرمی چیف جنرل عاصم منیر سے بحرین نیشنل گارڈ کے کمانڈرشیخ محمد بن عیسیٰ بن سلمان الخلیفہ نے ملاقات کی، جس میں باہمی دلچسپی، خطے کی سکیورٹی اور دوطرفہ فوجی تعلقات کو مزید مستحکم کرنے پر تبادلہ خیال ہوا۔(جاری ہے)
مسلح افواج کے شعبہ تعلقات عامہ کا کہنا ہے کہ اس ملاقات میں سیکیورٹی چیلنجز سے نمٹنے اور امن و استحکام کے فروغ کی اہمیت پر بھی زور دیا گیا، اس موقع پر کمانڈر بحرین شیخ محمد بن عیسیٰ بن سلمان الخلیفہ نے پاکستان کی مسلح افواج کی پیشہ ورانہ مہارت کو سراہا اور دہشت گردی کے خلاف جنگ میں پاکستان کی کوششوں کی تعریف کی۔
آئی ایس پی آر نے بتایا کہ آرمی چیف جنرل عاصم منیر نے ملاقات میں مشترکہ سکیورٹی چیلنجز سے نمٹنے کی اہمیت کو اجاگر کیا اور خطے میں امن و استحکام کے فروغ کے لیے تعاون میں اضافے کی اہمیت پر بھی روشنی ڈالی، جب کہ کمانڈر بحرین نے ملاقات کے دوران کہا کہ پاک افواج کا کردار عالمی سطح پر امن قائم رکھنے میں اہمیت رکھتا ہے اور بحرین ان کی کوششوں کو قدر کی نگاہ سے دیکھتا ہے۔.ذریعہ: UrduPoint
کلیدی لفظ: تلاش کیجئے آرمی چیف جنرل عاصم منیر سے بحرین نیشنل گارڈ پر تبادلہ خیال نے ملاقات
پڑھیں:
وزیراعظم سے عون چوہدری کی ملاقات، ملکی و سیاسی صورتحال پر تبادلہ خیال
وزیراعظم شہباز شریف سے وزیر مملکت برائے اوورسیز پاکستانیز عون چوہدری نے ملاقات کی.جس میں ملکی و سیاسی صورتحال پر تبادلہ خیال بھی کیا گیا۔ملاقات کے دوران عون چوہدری نے وزیراعظم کو اوورسیز پاکستانیز کے مسائل کے بارے میں آگاہ کیا۔وزیراعظم نے عون چوہدری کو وزارت کے متعلق ٹاسک دیا، جس کے جواب میں عون چوہدری نے وزیراعظم کو ٹاسک مکمل کرنے کی یقین دہانی کرائی۔ملاقات میں عون چوہدری کے ساتھ معروف کاروباری شخصیت میاں احسن بھی موجود تھے۔
پاکستان پوسٹ میں خلاف قوائد 381 بھرتیوں کا انکشاف