یونیورسٹی سے فارغ التحصیل طالب علم نے 64 سال بعد کتاب لائبریری کو لوٹا دی
اشاعت کی تاریخ: 17th, March 2025 GMT
یونیورسٹی سے فارغ التحصیل طالب علم نے 64 سال بعد اسکول کی لائبریری کو کتاب واپس کردی ہے۔
برٹس کولمبیا یونیورسٹی کی لائبریرین سوسن پارکر نے کہا ہے کہ انہیں رواں سال جنوری میں ایک پیکج آیا، جس کے اندر سے Horace Kephart کی کتاب کیمپنگ اینڈ ووڈ کرافٹ ہینڈ بک فار ویکیشن کیمپرز اینڈ ٹریولرز ان دی وائلڈرنس کے 1931 کے ایڈیشن نکلی۔
یہ بھی پڑھیں: گائے کی سہیلیاں، OMG کتنا پرانا؟ جانیے دلچسپ و عجیب حقائق
اس کتاب کو 1960 میں اس وقت کے طالب علم رابرٹ مرے نے لائبریری سے چیک کیا تھا۔ پارکر نے یونیورسٹی کی ایک نیوز ریلیز میں کہا کہ ’زیادہ تر لوگ زائد المیعاد کتابیں چھپ کر یا گمنام طور پر واپس کر دیتے ہیں، تاہم میں نے اتنا التوا کے بعد کتاب واپس کسی نے نہیں کی۔‘
اس کتاب کے ساتھ 83 سالہ رابرٹ مرے نے ایک خط، تقریباً 70 ڈالر کا چیک اور 2013 کا ایک اخباری تراشہ بھی شامل تھا جس میں اسی کتاب کے 1965 کے ایڈیشن کے بارے میں لکھا گیا تھا کہ یہ کتاب 30 سال بعد پرنس جارج پبلک لائبریری کو واپس کی گئی ہے۔
یہ بھی پڑھیں: داستاں سرائے، راجا گدھ اور بانو آپا
لائبریرین سوسن پارکر کا کہنا ہے کہ رابرٹ مرے نے کتاب کی اچھی دیکھ بھال کی۔ انہوں نے کہا ’اگرچہ اس نے یہ کتاب 6 دہائیوں کی تاخیر سے واپس کی لیکن وہ لائبریری کی کتابوں کا ایک مثالی نگران تھا،میں نے ایسی کتابیں زیادہ خراب ہوتی دیکھی ہیں جن کو بہت کم وقت کے لیے ادھار دیا گیا تھا۔‘
پارکر نے کہا کہ کتاب کو کافی عرصہ پہلے لائبریری سے ہٹا دیا گیا تھا، رابرٹ مرے کی طرف سے لیٹ فیس کی مد میں بھیجی گئی رقم لائبریری کے اخراجات کو پورا کرنے کے لیے استعمال کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news برٹس کولمبیا طالب علم کامرے لائبریری یونیورسٹی.ذریعہ: WE News
کلیدی لفظ: برٹس کولمبیا طالب علم کامرے لائبریری یونیورسٹی طالب علم
پڑھیں:
شہریوں کا اتحاد دیکھ کر لگتا ہے کہ ایم کیو ایم واپس آ رہی ہے، گورنر سندھ
کراچی:گورنر سندھ کامران ٹیسوری رمضان المبارک کی 17 ویں سحری پر نارتھ ناظم آباد میں خطاب کرتے ہوئے کہا کہ اتحاد اور یکجہتی دیکھ کر ایسا محسوس ہو رہا ہے جیسے ایم کیو ایم ایک مرتبہ پھر اپنے لوگوں کی خدمت کے لیے واپس آ رہی ہے۔
تفصیلات کے مطابق گورنر سندھ کامران خان ٹیسوری نے رمضان المبارک کی 17 ویں سحری کی تقریب کے لیے نارتھ ناظم آباد کے ایک نجی ریسٹورنٹ کا دورہ کیا، جہاں شہریوں نے ان کا پرتپاک استقبال کیا۔
ان کی آمد پر آتشبازی کا شاندار مظاہرہ بھی کیا گیا، جس نے شہر کے ماحول کو مزید خوشگوار بنا دیا۔ اس موقع پر نارتھ ناظم آباد کے شہریوں نے سحری کے دوران استقبال کا ریکارڈ توڑ دیا۔
انہوں نے کہا کہ پاکستان میں دہشت گردی کا قلع قمع کرنے کے لیے ضروری ہے کہ ہم سوشل میڈیا کا درست استعمال کریں اور بغیر تصدیق کے کسی بھی خبر کو آگے نہ بڑھائیں۔
کامران ٹیسوری نے مزید کہا کہ امن ڈائیلاگ کے بعد سعودی عرب اور ایران کے اعلیٰ سطحی وفود پاکستان آئے ہیں، جس سے پاکستان کی معیشت میں ترقی کی نئی امید پیدا ہوئی ہے۔
انہوں نے چین کے جنرل قونصل کے دورے کا ذکر کرتے ہوئے کہا کہ چین پاکستان اقتصادی راہداری (CPEC) مکمل ہو گا اور اس سے پاکستان کی معیشت کو مستحکم کرنے میں مدد ملے گی۔
گورنر سندھ نے اس بات کا بھی یقین دلایا کہ سعودی عرب، چین اور ترکیہ نے پاکستان کے لیے بڑی سرمایہ کاری مختص کی ہے، جس کے اثرات بہت جلد شہریوں تک پہنچیں گے۔
اس سرمایہ کاری سے نئے اسپتال، اسکولز اور تعلیمی ادارے قائم ہوں گے، جس سے شہریوں کو بہتر تعلیم اور صحت کی سہولتیں میسر آئیں گی۔
انہوں نے گورنر ہاؤس میں جاری آئی ٹی کورسز کی معلومات بھی فراہم کی، جہاں 50 ہزار بچے اور بچیاں مفت آئی ٹی کورسز کر رہے ہیں، اور ان کورسز کے لیے کوئی فیس نہیں لی جا رہی۔
اس کے علاوہ، گورنر سندھ نے کہا کہ کئی لاکھ باکسز راشن عوام میں تقسیم کیے گئے ہیں اور ہزاروں موٹرسائیکلیں شہریوں میں دی گئیں۔ 11 ہزار لیپ ٹاپ بھی بچوں اور بچیوں میں تقسیم کیے گئے ہیں۔
گورنر سندھ کامران خان ٹیسوری نے نے اپنی خطاب کا اختتام کرتے ہوئے کہا کہ ہمیں روزگار کے مواقع پیدا کرنے کے لیے کام کرنا ہے اور ہر شہری کو اپنے ذاتی گھر کا حق ملنا چاہیے۔
انہوں نے کہا کہ سندھی، پنجابی، بلوچی اور پشتون سب کو مل کر اپنے حقوق کے لیے جنگ لڑنی ہے اور پاکستان کی ترقی میں اپنا کردار ادا کرنا ہے۔
وزیراعلیٰ سندھ مراد علی شاہ کا رواں سال گندم نہ خریدنے کا اعلان