نیوزی لینڈ کے خلاف میچ میں بولر سے ٹکرانے پر خوشدل شاہ پر جرمانہ
اشاعت کی تاریخ: 17th, March 2025 GMT
انٹرنیشنل کرکٹ کونسل (آئی سی سی) نے نیوزی لینڈ کے خلاف پہلے ٹی 20 میچ کے دوران ضابطہ اخلاق کی خلاف ورزی پر پاکستان کے آل راؤنڈر خوشدل شاہ کو جرمانہ عائد کردیا۔
یہ بھی پڑھیں: نیوزی لینڈ نے پہلے ٹی20 میچ میں پاکستان کو 9 وکٹوں سے شکست دیدی
خوشدل شاہ پر آئی سی سی کے ضابطہ اخلاق کی لیول ٹو کی خلاف ورزی پر میچ فیس کا 50 فیصد جرمانہ عائد کیا گیا ہے۔
آئی سی سی کے مطابق انہوں نے کھلاڑیوں اور سپورٹ اسٹاف کے لیے آئی سی سی کوڈ آف کنڈکٹ کے آرٹیکل 2.
یہ آرٹیکل کھلاڑی، پلیئر سپورٹ اسٹاف، امپائر، میچ ریفری یا کسی دوسرے شخص (بین الاقوامی میچ کے دوران تماشائی سمیت) کے ساتھ نامناسب جسمانی رابطے سے متعلق ہے۔
یہ واقعہ پاکستان کی اننگز کے 8ویں اوور کے دوران اس وقت پیش آیا جب خوشدل مخالف ٹیم کے بولر زکریا فولکس سے پیچھے سے بہت زور سے ٹکرا گئے۔
اس عمل کو ’قابل ذکر طاقت کے ساتھ نامناسب جسمانی رابطہ‘ کے طور پر درجہ بند کیا گیا اور اسے لاپرواہی گردانا گیا۔
مزید پڑھیے: نیوزی لینڈ کیخلاف پہلے ٹی20 میچ میں کون سا ناپسندیدہ ریکارڈ پاکستان کے نام رہا؟
خوشدل شاہ نے امپائر اور میچ ریفری جیف کرو کی جانب سے عائد کی گئی پابندیوں کو قبول کرلیا جس کے نتیجے میں باضابطہ سماعت کی ضرورت نہیں پڑی۔
خوشدل کو 24 ماہ کی مدت کے اندر اپنے پہلے جرم کے لیے ان کے ڈسپلنری ریکارڈ میں تین ڈی میرٹ پوائنٹس شامل کیے گئے ہیں۔
یہاں یہ بات قابل ذکر ہے کہ اگر کوئی کھلاڑی اس ٹائم فریم کے اندر 4 یا اس سے زیادہ ڈی میرٹ پوائنٹس جمع کرتا ہے تو ان پوائنٹس کو معطلی پوائنٹس میں تبدیل کردیا جاتا ہے۔
2 معطلی پوائنٹس کی وجہ سے ایک ٹیسٹ میچ، 2 ایک روزہ بین الاقوامی (ون ڈے) یا دو ٹی 20 بین الاقوامی (ٹی 20 آئی) سے پابندی عائد ہوجاتی ہے جو اس بات پر منحصر ہے کہ کھلاڑی کے لیے پہلے کس قسم کا میچ ہوتا ہے۔
مزید پڑھیں: انگلینڈ ٹیسٹ اور جنوبی افریقہ ٹور میں قومی کھلاڑیوں پر کتنا جرمانہ ہوا؟
واضح رہے کہ خوشدل شاہ پہلے ٹی 20 میں پاکستان کی جانب سے ’ٹاپ اسکورر‘ رہے تھے گرچہ پوری ٹیم ہی 18.4 اوورز میں صرف 91 رنز بنا کر آؤٹ ہوگئی تھی۔
مذکورہ میچ میں نیوزی لینڈ نے پاکستان کو پہلے ٹی 20 میچ میں 9 وکٹوں سے شکست دے کر 5 میچوں کی سیریز میں صفر کے مقابلے میں ایک کی برتری حاصل کرلی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی پاکستان بمقابلہ نیوزی لینڈ خوشدل شاہ خوشدل شاہ پر جرمانہذریعہ: WE News
کلیدی لفظ: پاکستان بمقابلہ نیوزی لینڈ خوشدل شاہ خوشدل شاہ پر جرمانہ نیوزی لینڈ خوشدل شاہ میچ میں پہلے ٹی کے لیے
پڑھیں:
پہلے بیٹرز ناکام، پھر بولرز کی پٹائی، پاکستان کو نیوزی لینڈ کے ہاتھوں عبرتناک شکست
پہلے بیٹرز ناکام، پھر بولرز کی پٹائی، پاکستان کو نیوزی لینڈ کے ہاتھوں عبرتناک شکست WhatsAppFacebookTwitter 0 16 March, 2025 سب نیوز
کرائسٹ چرچ :(آئی پی ایس) نیوزی لینڈ نے پہلے ٹی ٹوئنٹی میچ میں پاکستان کو آؤٹ کلاس کرتے ہوئے 9 وکٹوں سے شکست دیدی۔
کرائسٹ چرچ کے ہیگلے اوول گراؤنڈ میں کھیلے گئے میچ میں نیوزی لینڈ نے پاکستان کی جانب سے دیا گیا 92 رنز کا ہدف باآسانی ایک وکٹ کے نقصان پر 11 ویں اوور میں پورا کر لیا۔
نیوزی لینڈ کی جانب سے ٹم سائفرٹ نے 44 رنز کی اننگز کھیلی جبکہ فن ایلن 29 اور ٹم رابنسن 18 رنز بنا کر ناقابل شکست رہے۔ پاکستان کی جانب سے ابرار احمد نے ایک وکٹ حاصل کی۔
قبل ازیں نیوزی لینڈ کے کپتان نے ٹاس جیت کر پاکستان کو پہلے بیٹنگ کی دعوت دی لیکن پاکستان کی ٹیم نیوزی لینڈ کےخلاف پہلے بیٹنگ کرتے ہوئے 91 رنز بنا کر آل آؤٹ ہوگئی۔
نیوزی لینڈ کے خلاف پاکستانی بیٹنگ لائن میچ کے آغاز سے ہی مشکلات کا شکار رہی اور صرف 14 رنز پر پاکستان کے 4 کھلاڑی پویلین لوٹ گئے تھے۔
اوپنر محمد حارث اور حسن نواز صفر پر آؤٹ ہوئے، عرفان خان ایک رن جبکہ شاداب خان 3 رنز بنا کر آؤٹ ہوگئے۔
پاکستان کی جانب سے عبدالصمد، محمد علی اور حسن نواز نے ڈیبیو کیا۔
نیوزی لینڈ کی جانب سے جیکب ڈفی نے 4، کائل جیمیسن نے 3 اور اش سوڈھی نے 2 کھلاڑیوں کو آؤٹ کیا، ایک وکٹ زیرکے فالکس کے حصے میں آئی۔
پائی نیٹ ورک کوائن کی قدر میں ایک دن میں ہی بڑی کمی، ماہرین کی بڑی پیشگوئی