ملک میں را اور سی آئی اے آزادانہ طریقے سے کام کر رہی ہیں، حافظ نعیم الرحمن
اشاعت کی تاریخ: 17th, March 2025 GMT
امیر جماعت اسلامی پاکستان نے کہا کہ پاکستان اس وقت بہت مشکل حالات سے گزر رہا ہے۔ گزشتہ ایک ماہ میں کے پی کے میں سینکٹروں حملے ہو چکے ہیں۔ گزشتہ 24 گھنٹے میں 27 حملے ہوئے۔ بلوچستان میں جعفر ایکسپریس کو یرغمال بنا لیا گیا۔ اسلام ٹائمز۔ امیر جماعت اسلامی پاکستان حافظ نعیم الرحمن نے کہا ہے کہ ملک میں بھارتی را اور امریکی سی آئی اے آزادانہ طریقے سے کام کر رہی ہیں، اس پورے عمل نے حکومت پاکستان کیلئے داخلی تحفظ ار حکومتی رٹ پر سوالیہ نشان بنا دیا ہے۔ امیر جماعت اسلامی حافظ نعیم الرحمن نے جماعت اسلامی ضلع ائیر پورٹ کے تحت آر سی ڈی گراؤنڈ ملیر سعود آباد میں عوامی دعوت افطار سے خطاب کرتے ہوئے کہا کہ پاکستان اس وقت بہت مشکل حالات سے گزر رہا ہے۔ گزشتہ ایک ماہ میں کے پی کے میں سینکٹروں حملے ہو چکے ہیں۔ گزشتہ 24 گھنٹے میں 27 حملے ہوئے۔ بلوچستان میں جعفر ایکسپریس کو یرغمال بنا لیا گیا اور بڑی تعداد میں مسافروں کو یرغمال بنا لیا گیا۔ ملک میں بھارتی را اور امریکی سی آئی اے آزادانہ طریقے سے کام کر رہی ہیں۔ اس پورے عمل نے حکومت پاکستان کے لیے داخلی تحفظ اور حکومتی رٹ پر سوالیہ نشان بنا دیا ہے۔ ارباب اختیار کو پیغام دینا چاہتے ہیں جب تک وہ اپنے فیصلے درست نہیں کریں گے عوام اور فوج کے درمیان فاصلے بڑھتے رہیں گے اور حکمران طبقہ جب تک زبردستی مسلط ہوتا رہے گا مسائل حل نہیں ہوں گے۔ اسٹیبلشمنٹ اور تمام ادارے اپنی اپنی آئینی ذمہ داری پوری کریں۔ عوام کے حقیقی نمائندوں کو آگے آنے دیں، عوام ان کا ساتھ دیں گے۔
.ذریعہ: Islam Times
کلیدی لفظ: جماعت اسلامی
پڑھیں:
ایک جماعت نے سیاست کو ملکی مفادات سے اوپر رکھا ہوا ہے، احسن اقبال
ایک جماعت نے سیاست کو ملکی مفادات سے اوپر رکھا ہوا ہے، احسن اقبال WhatsAppFacebookTwitter 0 16 March, 2025 سب نیوز
شکرگڑھ(آئی پی ایس )وفاقی وزیر احسن اقبال نے کہا ہے کہ ایک سیاسی جماعت نے سیاست کو ملکی مفادات سے اوپر رکھا ہے۔اپنے آبائی حلقے شکرگڑھ میں میڈیا سے گفتگو کرتے احسن کا کہنا تھا کہ مولانا فضل الرحمان ہمارے دوست ہیں، انہیں کہیں نہیں جانے دیں گے۔انہوں نے کہا کہ بہادر جوانوں کے ہوتے ہوئے ملک کو کوئی میلی آنکھ سے نہیں دیکھ سکتا، ہمارے دشمن سی پیک اور بلوچستان کی معدنیاتی ترقی کو روکنے کی مذموم کوشش کر رہے ہیں، ہم 2013 میں اس سے بدترین دہشت گردی کو شکست دے چکے ہیں۔
وفاقی وزیر کا کہنا تھا کہ 2018 میں ملک میں مکمل امن ہو چکا تھا، پی ٹی آئی حکومت کی نرمی نے دہشتگردی کو پنپنے کا موقع دیا، ایک سیاسی جماعت نے سیاست کو ملکی مفادات سے اوپر رکھا ہے، جہاں ملک کے مفادات کا سوال ہے اس کے سامنے کسی قسم کی کوئی سیاست نہیں ہوتی۔احسن اقبال نے کہا کہ ہمیں مکمل اتحاد اور یکجہتی کے ساتھ چیلنجز کا سامنا کرنے کے لیے ایک دوسرے کی طاقت بننا چاہیے، بزدلانہ دہشت گردی کے واقعہ کی دوست ممالک نے شدید مذمت کی، سکیورٹی کونسل نے اس پر ایک بہت پرزور قرارداد کے ذریعے سانحہ کی مذمت بھی کی ہے۔ان کا کہنا تھا کہ سلامتی کونسل کی کارروائی سفارتی سطح پر پاکستان کی بڑی کامیابی ہے، پاکستان افغانستان کے ساتھ پہلے بھی اس معاملے کو ٹیک اپ کر چکا ہے، کسی کو یہ حق نہیں ہے کہ وہ اپنی سرزمین سے ہمارے ملک کے اندر دہشت گردی کی اجازت دیں۔
وفاقی وزیر نے کہا کہ دہشت گردی کے ایسے واقعات کے آگے تو امریکہ روس جیسے ممالک بھی بے بس ہوتے ہیں، واقعہ کی جلدی کلیئرنس کرنا ہمارے سکیورٹی اداروں کی بہت بڑی کامیابی ہے، بیرون ممالک سے ٹریننگ لے کر آنے والے ایجنڈے کے تحت آرہے ہیں۔احسن اقبال کا کہنا تھا کہ آئی ایم ایف کا بھی وفد اپنا کام مکمل کر کے جا رہا ہے اور انہوں نے اطمینان کا اظہار کیا، پاکستان کو کسی سیاسی گرینڈ الائنس کی ضرورت نہیں ہے، ہمیں اڑان پاکستان کے اہداف کو حاصل کرنے کے لیے ایک گرینڈ معاشی اور اقتصادی الائنس کی ضرورت ہے۔انہوں نے مزید کہا کہ بانی پی ٹی آئی کی چار سال کی حکومت میں پاکستان دیوالیہ ہوا، پاکستان دنیا کے سامنے ایک لافنگ سٹاک بنا۔
کراچی، پولیس یونیفارم پہن کر شہریوں کے اغوا اور ڈکیٹی میں ملوث ملزمان گرفتار