فیصل آباد ایئرپورٹ پر خاتون کو ہراساں کرکے ساڑھے 3 لاکھ رشوت لینے والا کسٹم انسپکٹر جیل منتقل
اشاعت کی تاریخ: 17th, March 2025 GMT
فوٹو: فائل
پنجاب کے شہر فیصل آباد کے ایئرپورٹ پر خاتون کو ہراساں کرکے اس سے ساڑھے 3 لاکھ رشوت لینے والے کسٹم انسپکٹر سمیت 2 ملزمان کو جیل بھیج دیا گیا۔
فیصل آباد ایئرپورٹ پر فروری 2024 میں خاتون مسافر سے رشوت لینے کے کیس کی سماعت کے دوران ایف آئی اے نے گرفتار کسٹم انسپکٹرز اور 2 کانسٹیبل کو عدالت میں پیش کر دیا۔
سینئر سول جج نے ملزمان کو 14روزہ جوڈیشل ریمانڈ پر جیل بھیج دیا۔
ایف آئی اے کا کہنا ہے کہ ملزمان نے ایئرپورٹ پر خاتون کے پاس 2 آئی فون ہونے پر ہراساں کیا، ملزمان نے 50 ہزار رشوت، ساڑھے 3 لاکھ بینک اکاؤنٹ میں منتقل کروائے۔
وفاقی تحقیقاتی ادارے کا کہنا ہے کہ انکوائری کے بعد ملزمان کےخلاف مقدمہ درج کرکے گرفتار کیا گیا۔
.ذریعہ: Jang News
کلیدی لفظ: ایئرپورٹ پر
پڑھیں:
افغان طالبان نے گرفتار برطانوی جوڑے کو ہائی سیکیورٹی جیل میں منتقل کردیا
افغان طالبان نے گرفتار برطانوی جوڑے کو ہائی سیکیورٹی جیل میں منتقل کردیا ہے۔
غیر ملکی خبر رساں ادارے کے مطابق ایک بزرگ برطانوی جوڑے، پیٹر رینولڈز اور باربی رینولڈز، جنہیں افغان طالبان حکام نے گزشتہ ماہ گرفتار کیا تھا، کو الگ کر کے ایک اعلیٰ سکیورٹی والی جیل میں منتقل کردیا گیا ہے۔
دونوں کی عمر 70 سال سے زیادہ ہے، جن کو ان کے امریکی دوست فائی ہال کے ساتھ بامیان صوبے میں اپنے گھر جاتے ہوئے حراست میں لیا گیا۔
یہ بھی پڑھیں: افغانستان میں طالبان کے ہاتھوں گرفتار برطانوی جوڑا کون ہے؟
ان کی بیٹی، سارہ اینٹ وِسٹل نے سخت حفاظتی حصار والی جیل میں جانے کو حیران کن قرار دیا ہے، اس نے اپنے والد پیٹر کے لیے خاص طور پر تشویش کا اظہار کیا ہے جو اپریل میں 80 سال کے ہونے والے ہیں، مبینہ طور پر انہیں ’مارا پیٹا اور بیڑیوں سے جکڑا گیا‘ جس کی وجہ سے انہیں بے حد تکلیف ہوئی۔
ایک معتبر ذریعے کی معلومات کے مطابق پیٹر سینے میں انفیکشن، آنکھوں میں انفیکشن اور ناقص غذائیت کی وجہ سے ہاضمے کے سنگین مسائل میں مبتلا ہیں۔ مناسب طبی دیکھ بھال کے بغیر، سارہ کو اپنے والد کی جان جانے کا خوف ہے۔
سارہ نے کہا کہ ’انہوں (طالبان) نے میری والدہ کو میرے والد سے ملنے کے حق سے انکار کر دیا ہے، طالبان سے ہماری اپیل ہے کہ وہ انہیں ان کے گھر چھوڑ دیں، جہاں ان کے پاس وہ ادویات موجود ہیں جو اسے زندہ رہنے کے لیے درکار ہیں۔‘
یہ بھی پڑھیں: عالمی دباؤ کے بعد افغان طالبان نے برطانوی جوڑے کی گرفتاری کی وجہ ’غلط فہمی‘ قرار دیدی
یاد رہے کہ 1970 میں کابل میں شادی کرنے والے رینالڈز جوڑے نے 18 سال تک افغانستان میں اسکول ٹریننگ پروگرام چلاتے ہوئے کام کیا۔ 2021 میں طالبان کی اقتدار میں واپسی اور برطانوی سفارتخانے کی جانب سے اپنا عملہ واپس بلانے کے باوجود انہوں نے افغانستان میں ہی رہنے کا انتخاب کیا۔
یکم فروری کو ان کی گرفتاری کے بعد، ان کے گھر میں توڑ پھوڑ کی گئی، اور عملے سے اس بارے میں پوچھ گچھ کی گئی کہ آیا ان کی فراہم کردہ تربیت میں کوئی مشنری حصہ تھا، جس کا عملہ اور خاندان دونوں سختی سے تردید کرتے ہیں
طالبان کی وزارت داخلہ کے ترجمان نے ایک امریکی شہری اور ان کے افغان مترجم کو حراست میں لینے کی تصدیق کی ہے لیکن الزامات کی صحیح نوعیت کا انکشاف نہیں کیا ہے۔
یہ بھی پڑھیں: افغانستان میں گرفتار برطانوی جوڑے کے بچوں کا طالبان کو خط، والدین کی رہائی کی اپیل
ترجمان نے کہا کہ صورتحال کو حل کرنے کی کوششیں جاری ہیں۔
واضح رہے کہ 2021 میں افغانستان پر دوبارہ کنٹرول حاصل کرنے کے بعد سے طالبان نے سخت پابندیاں عائد کر دی ہیں، جن میں 12 سال سے زیادہ عمر کی لڑکیوں کی تعلیم پر پابندی بھی شامل ہے، جس کی وجہ سے اقوام متحدہ نے ان کے اقدامات کو ’جنسی امتیاز‘ قرار دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افغان طالبان افغانستان باربی رینولڈ برطانوی جوڑا پیٹر رینولڈز ہائی پروفائل جیل
پائی نیٹ ورک کوائن کی قدر میں ایک دن میں ہی بڑی کمی، ماہرین کی بڑی پیشگوئی