اسلام آباد: ون ویلنگ اور ڈرفٹنگ میں ملوث عناصر کے خلاف سخت کریک ڈاؤن کا فیصلہ
اشاعت کی تاریخ: 17th, March 2025 GMT
اسلام آباد ٹریفک پولیس نے ٹریفک قوانین کی خلاف ورزی کرنے والوں کے خلاف سخت فیصلے کرلیے۔
چیف ٹریفک آفیسر اسلام آباد کیپٹن (ر) ذیشان حیدر کی زیر صدارت اہم اجلاس ہوا، جس میں ون ویلرز اور ڈرفٹنگ میں ملوث عناصر کے خلاف سخت کریک ڈاؤن کا فیصلہ کیا گیا، اجلاس میں ایس پی ٹریفک، زونل ڈی ایس پیز اور بیٹ افسران نے شرکت کی۔
یہ بھی پڑھیں ’روک سکو تو روک لو‘، ون ویلنگ کرتے نوجوان کا اسلام آباد پولیس کو چیلنج، ویڈیو وائرل
زونل ڈی ایس پیز نے شاپنگ سینٹرز، مارکیٹوں میں ٹریفک کے بہاؤ اور رش کے متعلق بریفنگ دی۔
چیف ٹریفک آفیسر نے کہاکہ رمضان المبارک کی مناسبت سے مساجد، مارکیٹوں اور مراکز میں ٹریفک پولیس کی اضافی نفری تعینات کی گئی ہے۔
انہوں نے کہاکہ تمام چیکنگ افسران ضلع بھر کی مساجد، مارکیٹوں میں تعینات جوانوں کو روزانہ کی بنیاد پر بریف کریں، رمضان المبارک کے آخری عشرے میں مارکیٹوں میں ٹریفک کا رش ہوگا جس کو مؤثر حکمت عملی سے کم کرنا ہوگا۔
چیف ٹریفک آفیسر نے کہاکہ مارکیٹوں میں رش کے اوقات میں ٹریفک کو مؤثر طریقے سے کنٹرول کریں، اور ٹریفک قوانین کی خلاف ورزی کرنے والوں کے خلاف سخت کاروائیاں کریں۔
انہوں نے ہدایت کی کہ ون ویلرز اور ڈرفٹنگ میں ملوث عناصر کے خلاف سخت کریک ڈاؤن کریں۔
یہ بھی پڑھیں پولیس اہلکار کو گرانے کی کوشش کرنے والے ملزم کیخلاف قانونی کارروائی کا حکم
ان کا مزید کہنا تھا کہ ٹریفک کے بہاؤ میں خلل پیدا کرنے والی گاڑیوں کے خلاف سخت کارروائیاں عمل میں لائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام آباد ٹریفک پولیس ٹریفک قوانین چیف ٹریفک آفیسر ڈرفٹ کریک ڈاؤن ون ویلنگ وی نیوز.ذریعہ: WE News
کلیدی لفظ: اسلام آباد ٹریفک پولیس ٹریفک قوانین چیف ٹریفک آفیسر ڈرفٹ کریک ڈاؤن ون ویلنگ وی نیوز مارکیٹوں میں کے خلاف سخت اسلام آباد کریک ڈاؤن میں ٹریفک
پڑھیں:
سندھ حکومت کا عید پر اضافی کرایہ وصولی پر کریک ڈاؤن کا حکم
کراچی:سندھ حکومت نے عید پر اضافی کرایہ وصول کرنے والے ٹرانسپورٹرز کے خلاف کریک ڈاؤن کا حکم دے دیا۔
سندھ حکومت نے عوام کو ریلیف دینے کا فیصلہ کرتے ہوئے ٹرانسپورٹ حکام کو کرایہ کنٹرول کرنے کے احکامات جاری کر دیے، ڈی آئی جی ٹریفک اور کمشنرز کو غیر قانونی کرایہ بڑھانے والوں کے خلاف فوری ایکشن لینے کی ہدایات دی گئی ہیں۔
وزیر ٹرانسپورٹ سندھ شرجیل انعام میمن نے کہا کہ عید کے موقع پر عوام کو اضافی مالی بوجھ سے بچانے کے لیے سندھ حکومت ہر ممکن اقدامات کر رہی ہے۔
انہوں نے مزید کہا کہ زائد کرایہ وصول کرنے والوں کے خلاف سخت کارروائی ہوگی اور کسی کو عوام کا استحصال کرنے کی اجازت نہیں دی جائے گی۔
شرجیل میمن نے کہا کہ ٹرانسپورٹ مالکان کو متعین کردہ کرایوں پر عملدرآمد یقینی بنانا ہوگا بصورت دیگر ان کے خلاف جرمانہ اور قانونی کارروائی کی جائے گی۔
شرجیل انعام میمن نے عوام سے اپیل کی کہ اگر کسی ٹرانسپورٹر کی جانب سے زائد کرایہ وصول کیا جا رہا ہو تو وہ فوری طور پر شکایت درج کرائیں۔
سندھ بھر میں بس اڈوں اور ٹرمینلز پر چیکنگ کی جائے گی اور زائد کرایہ لینے والوں کے خلاف روزانہ کی بنیاد پر کارروائی کے احکامات جاری کیے گئے ہیں۔
عوام زائد کرایہ وصولی کی شکایات واٹس ایپ نمبر 0300-3495375 پر درج کراسکتے ہیں اور [email protected] پر بھی بھیج سکتے ہیں۔
صوبائی حکومت نے پشاور میں ہونیوالے ترقیاتی کاموں کی فہرست جاری کردی