سعودی عرب اور پاکستان یک جان اور ایک سر پر دو آنکھوں کی مانند ہیں، امام مسجد الحرام
اشاعت کی تاریخ: 17th, March 2025 GMT
امام حرم شیخ عبدالرحمن السدیس نے اسلامی افواج کے درمیان پل تعمیر کرنے کے ضمن میں سعودی وزارت دفاع اور مسلح افواج کی کاوشوں کو سراہتے ہوئے اس سے جڑے پاکستانی فوج کے نمایاں کردار کو سراہا ہے۔
پاکستان میں تعینات سعودی پریس اتاشی ڈاکٹر نائف العتیبی کی جانب سے ایکس پر پوسٹ کی گئی ایک ویڈیو کے مطابق امام حرم نے پاکستانی عسکری وفد سے ملاقات کے دوران گفتگو کرتے ہوئے دونوں ممالک کے دیرینہ تعلقات سمیت پاک فوج کے کردار کو سراہا۔
???? امام حرم شیخ عبدالرحمن السدیس نے ایک پاکستانی عسکری وفد کا استقبال کیا۔
انہوں نے کہا کہ "سعودیہ اور پاکستان ایک جسم اور ایک سر پہ دو آنکھوں کی مانند ہیں۔" pic.
— Dr. Naif Alotaibi (@Dr_Naif777) March 17, 2025
وفد کو خوش آمدید کہتے ہوئے امام حرم شیخ عبدالرحمن السدیس کا کہنا تھا کہ وہ سعودی حکومت خاص طور پر خادم الحرمین شریفین ان کے ولی عہد اور وزیر دفاع کی کاوشوں کو قدر کی نگاہ سے دیکھتے ہیں۔
’اسی طرح ہم وزارت دفاع اور سعودی مسلح افواج میں ہمارے دینی بھائیوں کی ان عظیم کوششوں کو سراہتے ہیں جو وہ اسلامی افواج کے درمیان پل تعمیر کرنے، انہیں مضبوط بنانے اور ان کے تعلقات کو گہرا کرنے کے لیے کررہے ہیں۔‘
یہ بھی پڑھیں: حرم نبوی ﷺ کی زیارت گھر بیٹھے، ورچوئل ٹور کا منفرد منصوبہ
امام حرم کے مطابق اس سلسلے میں پاکستانی فوج کا نمایاں کردارہے، کیونکہ ہمیں پورا یقین ہے کہ وہ مسلمانوں کے تمام مقدسات خصوصاً حرمین شریفین کے دفاع کے لیے اپنی کوششوں میں سنجیدہ ہیں۔
امام حرم نے سعودی عرب اور پاکستان کو یک جان اور ایک سر پر دو آنکھوں کی مانند قرار دیا۔ ’تمام اقدامات ان کے سچے عقیدے، اخلاص، ایمان اور مملکت سعودی عرب سے محبت اس کے مقدسات کے احترام اور حرمین شریفین کے زائرین، حجاج کرام اور معتمرین کی خدمت کے جذبات کی عکاسی کرتے ہیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امام حرم پاک فوج پاکستان پریس اتاشی سعودی عرب شیخ عبدالرحمن السدیس عسکری وفدذریعہ: WE News
کلیدی لفظ: پاک فوج پاکستان پریس اتاشی شیخ عبدالرحمن السدیس عسکری وفد شیخ عبدالرحمن السدیس
پڑھیں:
فیملی کو پاکستان کیوں چھوڑنا پڑا؟ ہاجرہ یامین نے وجہ بتا دی
شوبز انڈسٹری کی معروف اور خوبرو اداکارہ ہاجرہ یامین نے حال ہی میں اپنے بچپن سے متعلق کچھ دلچسپ باتیں شیئر کی ہیں۔
ایک حالیہ انٹرویو میں انہوں نے نہ صرف اپنے کیریئر کے آغاز کے حوالے سے گفتگو کی، بلکہ اپنے بچپن کے حسین لمحات اور سعودی عرب میں گزری زندگی کی یادیں بھی تازہ کیں۔
اداکارہ ہاجرہ یامین نے انکشاف کیا کہ ان کی پیدائش پاکستان کے شہر ملتان میں ہوئی تھی، تاہم ان کے والد کی ایئر لائنز میں ملازمت کے سبب وہ اپنے خاندان کے ہمراہ سعودی عرب کے شہر جدہ منتقل ہوگئے تھے۔
ہاجرہ کا کہنا تھا کہ سعودی عرب میں بچپن بہت محفوظ اور خوشگوار گزرا، جہاں انہوں نے زندگی کے بہت سے اہم اسباق سیکھے۔
ہاجرہ یامین نے بتایا کہ ان کا بچپن مکہ اور مدینہ کے درمیان سفر کرتے ہوئے گزرا، باقی لوگ عمرہ کر رہے ہوتے تھے اور میں حرم شریف میں چور پولیس کھیلا کرتی تھی۔
اداکارہ کا کہنا تھا کہ سعودی عرب میں بچپن گزارنے کے باوجود جب وہ پاکستان آئیں، تو یہاں آ کر انہیں زندگی کی مختلف چیزیں سیکھنے کو ملیں اور پاکستانی ثقافت کے بارے میں گہری سمجھ آئی۔
ان کا کہنا تھا کہ ”پاکستان آ کر میں نے وہ چیزیں سیکھیں جو سعودی عرب میں رہتے ہوئے نہیں سیکھ سکی تھی، اور یہی تجربات میرے لیے بہت قیمتی ہیں۔“
مزیدپڑھیں:معروف گلوکارہ نصیبو لال پر تشدد، خاوند کیخلاف مقدمہ درج
صوبائی حکومت نے پشاور میں ہونیوالے ترقیاتی کاموں کی فہرست جاری کردی