تمنا بھاٹھیہ ’’سری دیوی‘‘ بننا چاہتی ہیں، ’’سپر آئیکونک‘‘ قرار دے دیا
اشاعت کی تاریخ: 17th, March 2025 GMT
بالی ووڈ کی مشہور اداکارہ تمنا بھاٹیہ نے آنجہانی سری دیوی کو ’’سپر آئیکونک‘‘ اداکارہ قرار دیتے ہوئے ان کے کردار کو پردے پر پیش کرنے کی خواہش کا اظہار کیا ہے۔
تمنا بھاٹیہ نے اپنی اس خواہش کا اظہار کیا کہ وہ فلمی پردے پر آنجہانی اداکارہ سری دیوی کا کردار ادا کرنا چاہیں گی، کیونکہ وہ ایک سپر آئیکونک اداکارہ تھیں۔
تمنا بھاٹیہ نے حال ہی میں بلینڈرز پرائیڈ فیشن ٹور میں شرکت کی تھی جہاں ان سے پوچھا گیا کہ اگر انھیں کسی مشہور شخصیت کا کردار ادا کرنے کا موقع ملا تو وہ کس کا انتخاب کریں گی؟ اس سوال پر انھوں نے 2018 میں حادثاتی طور پر ڈوب کر انتقال کرجانے والی اداکارہ سری دیوی کا نام لیا۔
تمنا بھاٹیا نے کہا کہ ’’وہ سری دیوی ہوں گی۔ میرے خیال میں وہ بہت ہی آئیکونک تھیں، اور وہ ایسی شخصیت ہیں جنہیں میں ہمیشہ سے پسند کرتی ہوں۔‘‘
سری دیوی جیسی ورسٹائل اداکارہ نے کامیڈی سے لے کر ڈراما تک مختلف زونز میں وسیع پیمانے پر کردار ادا کرکے دقیانوسی تصورات کو توڑا ہے۔
انڈین سنیما کی پہلی خاتون ’’سپر اسٹار‘‘ کے طور پر پہچانی جانے والی سری دیوی نے تیلگو، تامل، ہندی، ملیالم اور کنڑ زبان کی فلموں میں کام کیا۔ ان کا کیریئر 50 سال سے زیادہ عرصے پر محیط تھا، جس میں انہوں نے کئی یادگار فلموں میں کام کیا، جن میں مسٹر انڈیا، صدمہ، ہمت والا، خدا گواہ، لاڈلا، جدائی اور انگلش ونگلش جیسی فلمیں شامل ہیں۔
سری دیوی کی آخری فلم ’’موم‘‘ تھی، جو ایک کرائم تھرلر تھی اور 2017 میں ریلیز ہوئی تھی۔ اس فلم میں انہوں نے ایک ایسی خاتون کا کردار ادا کیا جو اپنی سوتیلی بیٹی کے ساتھ ہونے والے جنسی حملے کا بدلہ لینے کےلیے اٹھ کھڑی ہوتی ہے۔
یاد رہے کہ اداکارہ تمنا بھاٹیہ کو آخری بار نیرج پانڈے کی تھرلر فلم ’’سکندر کا مقدر‘‘ میں دیکھا گیا تھا، جس میں جمی شیرگل، اویناش تیواری، راجیو مہتا اور دیویا دتہ جیسے اداکاروں نے بھی کام کیا تھا۔
تمنا اس وقت تیلگو سپر نیچرل تھرلر فلم ’’اوڈیلا 2‘‘ میں کام کررہی ہیں، جس کی ہدایت کاری اشوک تیجا نے کی ہے اور اسے سمپتھ نندی نے لکھا ہے۔ اس فلم میں تمنا کے علاوہ ہیبا پٹیل، واسشتھ این سمہا، یووا، ناگا مہیش، ومسے، گگن وہاری، سریندر ریڈی، بھوپال اور پوجا ریڈی شامل ہیں۔
یہ فلم ’’اوڈیلا ریلوے اسٹیشن‘‘ کا سیکوئل ہے، جو تلنگانہ کے اوڈیلا گاؤں میں پیش آنے والے واقعات پر مبنی ہے۔ پہلی فلم میں ہیبا پٹیل، پوجیتا پونادا، واسشتھ این سمہا اور سائی رونک نے کام کیا تھا۔
.ذریعہ: Express News
پڑھیں:
اداکارہ نیلم منیر خوش کیوں؟ مداحوں کیساتھ خوشی شیئر کردی
دبئی(شوبز ڈیسک)پاکستان ڈرامہ اور فلم انڈسٹری کی اداکارہ نیلم منیرسوشل میڈیا پر متحرک رہتی ہیں اور اپنی مصروفیات کے بارے اپنے چاہنے والوں کو تقریباً باخبر بھی رکھتی ہیں، سوشل میڈیا پر اداکارہ کی نئی ویڈیو کافی وائرل ہورہی ہے جس میں وہ اپنی خوشی کو فینز کے ساتھ شیئر کررہی ہیں۔
تفصیلات کئےمطابق پاکستان کی مقبول اداکارہ نیلم منیر نے اس سال اپنے مداحوں ایسا سرپرائز دیا کہ سب حیران رہ گئے مگر بعد میں حقیقت سامنے آنے پر نیلم منیر کو مبارکباد دینے کا سلسلہ شروع ہوگیا، شوبز انڈسٹری کی اداکارؤں اور دیگر شخصیات کی جانب سے اداکارہ کے لئے نیک خواہشات کا اظہار کیا گیا اور ان کو ازدواجی زندگی کے بندھنے پر مبارکباد دی۔
اداکارہ نے رواں برس 3 جنوری کو نکاح کی تصاویر شیئر کرتے ہوئے نئی زندگی شروع کرنے کی تصدیق کی تھی، نیلم منیر نے پاکستانی نژاد کاروباری شخص محمد راشد سے شادی کی۔
نیلم منیر کی شوبز کو خیرباد کہنے کی خبریں بھی گردش کررہی تھیں جس میں اداکارہ نے تریدد کرتے کہا کچھ عرصہ قبل شادی کی ہے لیکن وہ شوبز چھوڑنے کا سوچ بھی نہیں سکتی، شوبز میں کام کرنا ان کا شوق اور جذبہ ہے اور اس میں کام کیے بغیر نہیں رہ سکتیں۔
اب اداکارہ نے اپنے آفیشل انسٹاگرام اکاؤنٹ پر ایک نئی ویڈیو شیئر کی جس میں وہ ’ ہیئر آئل‘ کی پروموشن کررہی ہیں، اداکارہ نے کہا وہ بہت خوش ہیں کیونکہ 3 ماہ قبل میری کزن میں ہیئر آئل گفٹ کیا جو میں آپ سے بھی شیئر کروں گی۔
اداکارہ نے اپنی اس ویڈیو میں ’ ہیئر آئل‘ کی خصوصیات بتاتے ہوئے کہا وہ اس کو آپ سب کے لئے بھی تجویز کرتی ہے۔
مزیدپڑھیں:’دل میں آرزو جاگی اللہ نے قبول فرمائی‘، بھارتی اداکارہ حنا نے عمرہ ادا کرلیا
صوبائی حکومت نے پشاور میں ہونیوالے ترقیاتی کاموں کی فہرست جاری کردی