.ایف آئی اے سائبر کرائم سرکل کی بڑی کارروائی، ریاستی اداروں کے خلاف مہم چلانے والا ملزم گرفتار
اشاعت کی تاریخ: 17th, March 2025 GMT
وفاقی تحقیقاتی ایجنسی کے سائبر کرائم سرکل اسلام آباد نے اہم کارروائی کرتے ہوئے سوشل میڈیا پر ریاستی اداروں کے خلاف نفرت انگیز مہم چلانے والے ایک ملزم کو گرفتار کر لیا ایف آئی اے کے مطابق یہ گرفتاری بنی گالا اسلام آباد میں ایک چھاپہ مار کارروائی کے دوران عمل میں لائی گئی ترجمان ایف آئی اے کے مطابق گرفتار ملزم کی شناخت حیدر سعید کے نام سے ہوئی ہے ابتدائی تحقیقات میں یہ بات سامنے آئی ہے کہ ملزم نے جعفر ایکسپریس سانحے کے دوران ریاستی اداروں کے خلاف منفی پروپیگنڈا اور تضحیک آمیز مواد سوشل میڈیا پر شیئر کیا تھا اس کے علاوہ ملزم مختلف پلیٹ فارمز پر کالعدم دہشت گرد تنظیموں کی حمایت میں مواد پھیلانے میں بھی ملوث پایا گیا تحقیقات سے یہ بھی معلوم ہوا ہے کہ ملزم سوشل میڈیا پر ریاستی اداروں کے خلاف زہریلی مہم چلا رہا تھا اور دہشت گردوں کے حق میں اشتعال انگیز بیانات اور مواد شیئر کر رہا تھا ایف آئی اے نے اس کے سوشل میڈیا اکاؤنٹس اور ڈیجیٹل شواہد کو قبضے میں لے کر مزید تحقیقات شروع کر دی ہیں ایف آئی اے حکام کا کہنا ہے کہ ملزم کے خلاف قانون کے مطابق سخت کارروائی کی جائے گی اور اس کے خلاف درج مقدمے میں انسدادِ دہشت گردی سمیت دیگر متعلقہ دفعات شامل کی جا سکتی ہیں مزید تحقیقات کے دوران یہ بھی دیکھا جائے گا کہ آیا ملزم کسی منظم نیٹ ورک کا حصہ تھا یا تنہا کارروائی کر رہا تھا حکام کے مطابق سوشل میڈیا پر نفرت انگیز مہم چلانے اور دہشت گردی سے متعلق مواد پھیلانے والوں کے خلاف کریک ڈاؤن جاری رہے گا اور ایسے عناصر کو قانون کے مطابق سخت سے سخت سزا دی جائے گی
.ذریعہ: Nawaiwaqt
کلیدی لفظ: ریاستی اداروں کے خلاف سوشل میڈیا پر ایف آئی اے کے مطابق
پڑھیں:
نوجوان حیدرسعید ہماری آفیشل ٹیم کا حصہ نہیں لیکن ہر احتجاج میں شریک ہوتا ہے؛ سیکرٹری اطلاعات پی ٹی آئی
سٹی 42: پاکستان تحریک انصاف کے مرکزی سیکرٹری اطلاعات شیخ وقاص اکرم نے کہا ہے کہ اداروں کیخلاف نفرت انگیز مہم چلانے کے الزام میں گرفتار حیدر سعید ہماری آفیشل ٹیم کا حصہ نہیں لیکن ہر احتجاج میں شریک ہوتا ہے۔
پشاور میں پریس کانفرنس کرتے ہوئے شیخ وقاص اکرم کا کہناتھاکہ بانی پی ٹی آئی کی رہائی وقت کی ضرورت ہے۔انہوں نے کہا کہ ایک نوجوان حیدرسعید ہماری آفیشل ٹیم کا حصہ نہیں لیکن عمران خان کے ہر احتجاج میں شریک ہوتا ہے، لوگوں پر ایف آئی آر کٹوائیں اور تحقیقات کریں لیکن گھروں سے لوگوں کو اٹھانا غلط ہے
سٹاک مارکیٹ میں کاروبار کے آغاز پر تیزی ، ڈالر سستا
پی ٹی آئی نے حسب سابق اپنے ہی کارکنوں سے ہاتھ اٹھا لیا ،گرفتار ہونے والے نوجوان حیدر سعید نے پی ٹی آئی کے ایجنڈے کے مطابق پوسٹس کیں اور منفی منافرت پھیلائی مگر جب قانون حرکت میں آیا تو پی ٹی آئی نے اپنے ورکر کو لاوارث چھوڑ دیا ، اور کہا کہ وہ ہماری آفیشل ٹیم کا حصہ نہیں لیکن ہر احتجاج میں ہمارا ساتھ ضرور دیتا ہے ۔
شیخ وقاص اکرم کا کہنا تھاکہ نوجوانوں کے جعلی پیج بنائے گئے ہیں انہیں اٹھایا گیا ہے، اغوا کیے گئے نوجوانوں پر کہیں تشدد نہ کیا جارہا ہو، نئی نسل کو اپنے حقوق کا پتا ہے اور انہیں اپنی طاقت کا اندازہ بھی ہے۔
لاہور میں سورج کرنیں بکھیرنے لگا،بارش سے متعلق پیشگوئی
خیال رہے کہ ایف آئی اے سائبر کرائم سرکل اسلام آباد نے ریاستی اداروں کے خلاف نفرت انگیز مہم چلانے والے ملزم حیدر سعید کو بنی گالا سے گرفتار کر لیا۔ایف آئی اے کے مطابق ملزم نےجعفرایکسپریس واقعہ پرمنفی پراپیگنڈہ اورتضحیک آمیزمواد شیئرکیا۔ عدالت نے 3 روزہ جسمانی ریمانڈ پر ملزم کو ایف آئی اے کے حوالے کردیا اور ملزم کو دوبارہ 20 مارچ کو عدالت میں پیش کیا جائے گا۔
ایف آئی اے کے مطابق ملزم کو چھاپہ مار کارروائی میں بنی گالا اسلام آباد سے گرفتار کیا گیا ،ملزم نے جعفر ایکسپریس سانحہ کے دوران اداروں کے خلاف منفی پراپیگنڈہ اور تضحیک آمیز مواد شئیر کیا،ملزم سوشل میڈیا پر کالعدم دہشت گرد تنظیموں کی حمایت اور اس کی تشہیر کرنے میں بھی ملوث پایا گیا۔ایف آئی اے کا کہناہے کہ ملزم نہ صرف ریاستی اداروں کے خلاف زہر آلود مہم چلا رہا تھا بلکہ دہشت گردوں کے حق میں اشتعال انگیز بیانات اور مواد بھی شیئر کرتا رہا،ملزم کے سوشل میڈیا اکاؤنٹس اور ڈیجیٹل شواہد قبضے میں لے کر تحقیقات کا آغاز کر دیا ہے، ملزم کے خلاف قانون کے مطابق سخت کارروائی عمل میں لائی جائے گی۔
نوشہروفیروز، تیل منتقلی کے دوران ٹینکر میں آگ لگ گئی، گھروں اور دکانوں کو نقصان
صوبائی حکومت نے پشاور میں ہونیوالے ترقیاتی کاموں کی فہرست جاری کردی