وفاق دہشتگردی کیخلاف جنگ میں سیاسی بیان بازی سے گریز کرے: بیرسٹر سیف
اشاعت کی تاریخ: 17th, March 2025 GMT
پشاور (نیوز ڈیسک) مشیر اطلاعات خیبرپختونخوا بیرسٹر ڈاکٹر سیف نے کہا ہے کہ وفاق دہشت گردی کے خلاف جنگ میں تعاون کی بجائے سیاسی بیان بازی سے گریز کرے۔
اپنے ایک بیان میں بیرسٹر سیف کا کہنا تھا کہ خیبر پختونخوا پولیس دہشت گردوں کا بہادری سے مقابلہ کر رہی ہے، گزشتہ تین دنوں میں پولیس نے دہشت گردوں کے متعدد حملے ناکام بنا دیئے، بنوں اور لکی مروت میں عوام نے پولیس کے شانہ بشانہ دہشت گرد حملوں کو پسپا کیا۔
انہوں نے کہا کہ خیبر پختونخوا حکومت بہادر پولیس اور غیور عوام کو خراجِ تحسین پیش کرتی ہے، عوام اور پولیس دہشت گردی کے خلاف جنگ میں یکجہت ہیں، عوام کے تعاون کے بغیر شرپسند عناصر کا خاتمہ ممکن نہیں۔
ان کا کہنا تھا کہ وفاقی حکومت دہشت گردی کے خلاف جنگ میں تعاون کی بجائے سیاسی بیان بازی سے گریز کرے، دہشت گردی صوبائی نہیں بلکہ قومی مسئلہ ہے، وفاقی حکومت دہشت گردی کے خلاف خاموش تماشائی بنی ہوئی ہے، وفاق نے دہشت گردی کے خلاف جنگ میں مدد کے بجائے صوبے کے فنڈز روک رکھے ہیں۔
بیرسٹر سیف نے کہا کہ صوبے کو معاشی طور پر کمزور کرنا درحقیقت دہشت گردی کو فروغ دینے کے مترادف ہے، فاٹا انضمام کے بعد خیبرپختونخوا کی آبادی میں اضافہ ہوا لیکن این ایف سی ایوارڈ میں اس کے مطابق حصہ نہیں دیا جا رہا۔
صوبائی مشیر اطلاعات کا مزید کہنا تھا کہ اے آئی پی پروگرام کے تحت وفاق کے ذمے 700 ارب روپے واجب الادا ہیں، لیکن اب تک صرف 132 ارب روپے جاری کئے گئے ہیں، نیٹ ہائیڈل کے 2 ہزار ارب روپے کے بقایا جات بھی صوبے کو ادا نہیں کئے جا رہے ہیں۔
Post Views: 1.ذریعہ: Daily Mumtaz
کلیدی لفظ: دہشت گردی کے خلاف جنگ میں
پڑھیں:
دہشت گردی کیخلاف جنگ: غیر ملکی سفارت کاروں، سیاست دانوں، معروف سکالرز کا پاکستان کیساتھ یک زبان ہونے کا عزم
ویب ڈیسک:پاکستان میں ایک مرتبہ پھر دہشت گردی نے سر اٹھا لیا ہے،امن کے دشمن، بزلانہ کارروائیوں میں ملوث ان عناصر کے خلاف ایک اہم پیشرفت سامنے آئی ہے۔
غیر ملکی سفارت کاروں، سیاست دانوں، معروف سکالرز نے متفقہ طور پر پاکستان کی سلامتی اور خودمختاری کو سبوتاژ کرنے والے دہشت گرد عناصر کے خلاف یک آواز ہونے کا عزم کیا ہے اور ریاست کے تمام ستونوں کے ساتھ ساتھ عوام کے ساتھ متحد رہنے کا عزم ظاہر کیا ہے تاکہ اس لعنت کو ہمیشہ کے لیے ختم کرنے میں پاکستان کی مدد کی جا سکے۔
سٹاک مارکیٹ میں کاروبار کے آغاز پر تیزی ، ڈالر سستا
امور خارجہ کے ماہر محمد مہدی کی جانب سے ان کی رہائش گاہ پر افطار پارٹی میں وفاقی کابینہ کے نئے رکن طلحہ برکی، ترکی کے قونصل جنرل درماس بستگ، ایران کے قونصل جنرل مہر مواحد فار، چین کے قائم مقام قونصل جنرل مسٹر کاو، چین کے پولیٹیکل آفیسر مسٹر فان، جاپان کے پولیٹیکل آفیسر موچی زوکی، ایران کے ڈی جی خانا فرہنگ مسعودی، فرانس کے کلچرل قونصلر اے بی بی، فرانس کے چیف ایگزیکیٹو جنرل آف چائنا نے شرکت کی۔ ہائی کمیشن مسٹر بین وارنگٹن، وائس چیئرمین ایل ڈی اے میاں مرغوب احمد، ملک ریاض ممبر پنجاب اسمبلی، ڈاکٹر امجد مگسی صدر پروفیسرز اینڈ لیکچررز ایسوسی ایشن آف پنجاب یونیورسٹی وغیرہ نے افطاری میں شرکت کی۔
لاہور میں سورج کرنیں بکھیرنے لگا،بارش سے متعلق پیشگوئی
اس موقع پر شرکاء نے پاکستان میں دہشت گردی کے خلاف اتحاد اور یکجہتی کی صدائیں بلند کیں۔ شرکاء نے واضح الفاظ میں کہا کہ وہ انتہا پسندی اور دہشت گردی کے خلاف جنگ میں پاکستان کے شانہ بشانہ کھڑے ہیں۔ اس موقع پر شرکاء نے دہشت گردی کے خاتمے کی کوششوں میں پاکستانی فوج، ارکان پارلیمنٹ اور سول سوسائٹی کی کاوشوں کو سراہتے ہوئے کہا کہ عالمی برادری اس نازک مرحلے پر پاکستان کو ہر ممکن تعاون فراہم کرے گی۔
نوشہروفیروز، تیل منتقلی کے دوران ٹینکر میں آگ لگ گئی، گھروں اور دکانوں کو نقصان
تقریب کے میزبان و خارجہ امور کے ماہر محمد مہدی نے کہا کہ دہشت گردی کے خلاف جنگ جیتنے کے لیے تمام اداروں اور لوگوں کے درمیان ذہنی ہم آہنگی، اتحاد اور مقصد کی وضاحت ضروری ہے۔ انہوں نے کہا کہ تمام سیاسی قوتوں کی باہمی مشاورت سے اتحاد مضبوط ہوتا ہے جو دہشت گردوں کے عزائم کو خاک میں ملا دیتا ہے۔
انہوں نے مزید کہا کہ تمام اسٹیک ہولڈرز کو اپنے ذاتی مفادات سے اوپر اٹھ کر دہشت گردی کے خلاف متحد ہو جانا چاہیے تاکہ ہم اپنی آنے والی نسلوں کو امن اور استحکام پہنچا سکیں۔
سلمان خان کی نئی ویڈیو نے مداحوں میں تشویش کی لہر دوڑا دی
میں وہ گورنر نہیں جو صرف باؤنڈری پر رہ کر باتیں کروں، کامران خان ٹیسوری