کون سی بات نے گوری کو عامر خان سے محبت میں مبتلا کیا؟
اشاعت کی تاریخ: 17th, March 2025 GMT
بالی ووڈ سپر اسٹار عامر خان کی گرل فرینڈ گوری سپراٹ نے ان سے محبت میں مبتلا ہونے کی وجہ بتا دی۔
عامر خان کی ذاتی زندگی ایک بار پھر سرخیوں میں ہے، جب انہوں نے اپنی گرل فرینڈ گوری سپراٹ کو میڈیا کے سامنے متعارف کرایا۔
یہ ملاقات 13 مارچ کو عامر خان کی پری برتھ ڈے تقریب میں ہوئی جہاں انہوں نے اپنی محبت کی کہانی کا انکشاف کیا۔
عامر خان اور گوری کی پہلی ملاقات 25 سال پہلے ہوئی تھی لیکن وہ طویل عرصے تک ایک دوسرے کے رابطے میں نہیں رہے، 2 سال پہلے دوبارہ ملاقات ہوئی اور محبت کا آغاز ہوا۔
گوری سپراٹ کا تعلق بنگلورو سے ہے اور وہ اس وقت عامر خان کی پروڈکشن کمپنی کے ساتھ کام کر رہی ہیں۔
میڈیا سے بات کرتے ہوئے گوری نے بتایا کہ میں اپنے پارٹنر میں شرافت، شفقت اور خیال رکھنے والا شخص تلاش کر رہی تھی۔
انہوں نے کہا کہ میں چاہتی تھی کہ میرا ساتھی ایک اچھا انسان ہو، نرم دل ہو، جو میری پرواہ کرے۔
اس پر عامر خان نے مزاحیہ انداز میں کہا اور اتنا سب کچھ سوچنے کے بعد تمہیں میں ملا؟
عامر نے اپنی محبت کی وجہ بیان کرتے ہوئے کہا کہ میں کسی ایسے شخص کی تلاش میں تھا جو میرے لیے سکون کا ذریعہ بنے، جو مجھے ذہنی سکون دے اور وہ میرے سامنے آ گئیں۔
گوری سپراٹ نے بالی ووڈ میں زیادہ دلچسپی نہیں لی، یہاں تک کہ انہوں نے عامر خان کی زیادہ تر فلمیں بھی نہیں دیکھیں۔
عامر خان نے وضاحت کرتے ہوئے کہا کہ وہ بنگلور میں پلی بڑھی ہیں، ان کا جھکاؤ مختلف قسم کی فلموں اور آرٹس کی طرف تھا، وہ ہندی فلمیں نہیں دیکھتیں اور شاید انہوں نے میری زیادہ فلمیں بھی نہیں دیکھیں۔
گوری نے تصدیق کی کہ میں نے دل چاہتا ہے اور لگان برسوں پہلے دیکھی تھیں۔
جب عامر خان سے پوچھا گیا کہ کیا گوری کی فلموں سے دوری ان کے تعلق کو زیادہ مضبوط بناتی ہے؟ تو عامر خان نے جواب دیا کہ وہ مجھے سپر اسٹار کی طرح نہیں، بلکہ ایک ساتھی کی طرح دیکھتی ہیں، میں چاہتے ہوں کہ گوری تارے زمین پر ضرور دیکھیں۔
Post Views: 1.ذریعہ: Daily Mumtaz
کلیدی لفظ: عامر خان کی انہوں نے کہ میں
پڑھیں:
شدید بیماری میں مبتلا پوپ فرانسس کی پہلی تصویر اسپتال سے جاری
ویٹی کن نے پوپ فرانسس کی پہلی تصویر جاری کر دی ہے، جو ایک ماہ سے روم کے جیمیلی اسپتال میں زیر علاج ہیں۔ وہ دونوں پھیپھڑوں میں نمونیا کی وجہ سے اسپتال میں داخل ہیں اور ان کی صحت نازک مگر مستحکم بتائی جا رہی ہے۔
تصویر میں 88 سالہ پوپ فرانسس سفید لباس اور جامنی شال میں ملبوس، وہیل چیئر پر بیٹھے دعا کرتے نظر آ رہے ہیں۔ یہ تصویر اسپتال کی چیپل میں لی گئی جہاں وہ ایک سادہ سے مذبح کے سامنے موجود ہیں اور دیوار پر ایک صلیب لگی ہوئی ہے۔
یہ ان کی 14 فروری کو اسپتال میں داخلے کے بعد پہلی عوامی جھلک ہے۔ گزشتہ کئی ہفتوں سے ویٹی کن مسلسل ان کی نازک حالت کی اطلاع دے رہا تھا اور ڈاکٹرز ان کی صحت پر گہری نظر رکھے ہوئے تھے۔
ویٹی کن کے مطابق، پوپ فرانسس نے اسپتال کی چیپل میں ایک خصوصی عبادت میں شرکت کی، جو ان کی صحت میں بہتری کی علامت سمجھی جا رہی ہے۔ وہ دن کے وقت ہائی فلو آکسیجن تھراپی لے رہے ہیں، جبکہ رات میں نان-انویسیو مکینیکل وینٹیلیشن استعمال کر رہے ہیں۔
اتوار کے روز پوپ فرانسس نے اپنے ہفتہ وار اینجلُس دعا کے دوران اپنے چاہنے والوں کا شکریہ ادا کیا۔ خاص طور پر انہوں نے ان بچوں کا ذکر کیا جو اسپتال کے باہر ان کے لیے دعا اور نغمے گا رہے تھے۔ بچے ویٹی کن کے علامتی رنگوں، پیلے اور سفید غبارے تھامے کھڑے تھے اور پوپ کی جلد صحت یابی کی دعا کر رہے تھے۔
اپنے پیغام میں، پوپ فرانسس نے اپنی صحت کو آزمائش کا دور قرار دیا اور دنیا کے مختلف جنگ زدہ ممالک بشمول یوکرین، فلسطین، اسرائیل، لبنان، میانمار، سوڈان اور جمہوریہ کانگو کے لیے دعا کی اپیل کی۔
ویٹی کن نے تصدیق کی ہے کہ پوپ فرانسس تاحال کسی سے ملاقات نہیں کر رہے اور مکمل صحت یابی کے لیے طبی عملے کی نگرانی میں ہیں۔ تاہم، وہ اپنی ذمہ داریوں سے دستبردار نہیں ہونا چاہتے اور حال ہی میں کیتھولک چرچ میں تین سالہ اصلاحاتی منصوبے کی منظوری بھی دی ہے۔
اسلام آباد ہائیکورٹ: داڑھی چھوٹی ہونے پر امتحان سے روکنے کیخلاف درخواست پر فیصلہ جاری