کیا سوزوکی آلٹو کی مینوفیکچرنگ بند کر دی گئی؟
اشاعت کی تاریخ: 17th, March 2025 GMT
پاکستان میں متوسط طبقے کی پسندیدہ گاڑی سوزوکی آلٹو کے حوالے سے افواہوں نے گاڑی کے شائقین کو پریشان کردیا ہے۔
پاکستان سوزوکی موٹر کمپنی (پی ایس ایم سی) کی طرف سے ویگن آر کی بکنگ ہمیشہ کے لیے بند کرنے کی خبر نے آٹوموبائل کمیونٹی میں ہلچل مچادی ہے جو کہ اپنی سستی قیمت اور ایندھن کی بچت کے لیے مشہور ہے، ویگن آر برسوں سے درمیانے طبقے میں مقبول رہی ہے۔
یہ بھی پڑھیں: پاک سوزوکی نے ’ویگن آر‘ کی بکنگ معطل کردی، نیا ماڈل کب تک متوقع ہے؟
دوسری جانب سوشل میڈیا پر یہ خبریں زیر گردش ہیں کہ سوزوکی آلٹو، پی ایس ایم سی پاکستان میں بند کر دی گئی ہے، اس افواہ میں مزید تیزی آئی جب ایک اور خبر سامنے آئی کہ نیشنل ہائی وے اتھارٹی (این ایچ اے) نے آلٹو کو موٹر ویز پر چلانے پر پابندی لگا دی ہے۔
یہ افواہ ایک حالیہ حادثے کے بعد پھیلی جس میں ایک آلٹو ٹرک کے نیچے آ کر ٹکڑے ٹکڑے ہو گئی۔ حادثے کی ویڈیوز دل دہلا دینے والی تھیں، جس سے چھوٹی گاڑیوں کی ہائی ویز پر سیکیورٹی کے بارے میں بحث چھڑ گئی، سوشل میڈیا پر قیاس آرائیاں پھیل گئیں، کچھ لوگوں کا کہنا تھا کہ آلٹو پر ہائی اسپیڈ موٹر ویز پر داخلے پر پابندی لگا دی گئی ہے۔
حقیقت کیا ہے؟پی ایس ایم سی نے واضح کیا ہے کہ آلٹو کو بند نہیں کیا گیا بلکہ کمپنی آلٹو کے VX ویرنٹ کی پیداوار بند کرنے والی ہے، جو ایئربیگ اور اے بی ایس جیسی ضروری حفاظتی خصوصیات سے محروم ہے، یہ سننا کوئی حیرانی کی بات نہیں تھی کیونکہ ہم اس پر پہلے ایک مضمون بھی لکھ چکے تھے۔
موٹر وے پر پابندی: حقیقت یا افواہ؟پاک وہیل کے مطابق این ایچ اے نے آلٹو پر موٹر وے کے استعمال پر کوئی پابندی نہیں لگائی۔ نیشنل ہائی وے اور موٹر وے پولیس (این ایچ ایم پی) کے ترجمان نے اس معاملے کی وضاحت کرتے ہوئے کہا ہے کہ ایسی کوئی پابندی نہیں لگائی گئی ہے، یہ صرف قیاس آرائیاں جو موٹروے حادثے کے بعد پھیلیں۔‘
یاد رہے کہ آلٹو کے حادثات کی ویڈیوز وائرل ہو چکی ہیں، جن میں دکھایا گیا ہے کہ معمولی تصادم بھی گاڑی کو کچرے میں تبدیل کر دیتا ہے، بعض اوقات تو اس کے افسوسناک نتائج بھی نکلتے ہیں۔
یہ بھی پڑھیں: سوزوکی آلٹو اور راوی گاڑیوں کی قیمتوں میں اضافہ، نئی قیمتیں کیا ہوں گی؟
تاہم حقیقت یہ ہے کہ آلٹو اپنی سستی قیمت اور ایندھن کم اخراجات کے لیے اب بھی ایک مقبول انتخاب ہے، حالیہ اپ گریڈیشن ایک اچھا قدم ہے، اس سستی گاڑی کو کبھی نظرانداز نہیں کرنا چاہیے۔ فی الحال، آلٹو سڑکوں پر حکمرانی کرتی ہے، لیکن اس کا مستقبل اس بات پر منحصر ہوگا کہ یہ حفاظتی طور پر آگاہ صارفین کی بڑھتی ہوئی ضروریات کے مطابق کس طرح ڈھلتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آٹوموبائل کمیونٹی سوزوکی آلٹو سوزوکی موٹرز مینوفیکرچرنگ.ذریعہ: WE News
کلیدی لفظ: آٹوموبائل کمیونٹی سوزوکی ا لٹو سوزوکی موٹرز کے لیے
پڑھیں:
بلوچستان، پنجاب اور سندھ میں موٹر وے و شاہراہوں کے منصوبوں کی رفتار تیز کرنےکا فیصلہ
اسلام آباد ( ڈیلی پاکستان آن لائن ) وزیر برائے منصوبہ بندی، ترقی و خصوصی اقدامات احسن اقبال کی زیر صدارت ایس آئی ایف سی کی ایگزیکٹو کمیٹی کا تیرھواں اجلاس ہوا۔وفاقی وزراء، نیشنل کوآرڈینیٹر ایس آئی ایف سی اور اعلیٰ حکام نے اجلاس میں شرکت کی ۔اجلاس میں مختلف منصوبوں اور پالیسی اقدامات کی پیش رفت کا تفصیلی جائزہ لیا گیا
اجلاس کے دوران اہم شعبوں، بشمول کنیکٹیویٹی و انفراسٹرکچر، تیل و گیس، اور بندرگاہوں و بحری امور سے متعلق اہم پالیسی معاملات پر تبادلۂ خیال کیا گیا ۔اجلاس میں بلوچستان، پنجاب اور سندھ میں موٹر وے و شاہراہوں کے منصوبوں کی رفتار تیز کرنے کی ہدایت کی گئی اوربندرگاہوں سے منسلک سڑکوں کی تعمیر میں پبلک-پرائیویٹ پارٹنرشپ ماڈل اپنانے پر زور دیا گیا ۔
تحریک انصاف نے نفرت انگیز مہم چلانے کے الزام میں بنی گالا سے گرفتار کارکن سے لا تعلقی کا اعلان کردیا
اجلاس میں کمیٹی نے اہم ترقیاتی منصوبوں کی بروقت تکمیل کے لیے واضح حکمت عملی مرتب کی اوربین الوزارتی امور کے حل کے لیے پالیسی اقدامات اور متعلقہ فریقین سے مشاورت تیز کرنے کی ہدایت کی گئی ۔
مزید :
47 افسروں کی گریڈ 22 میں ترقی