کراچی: بلدیہ ٹاؤن میں راشن تقسیم کے دوران بھگڈر مچنے سے خاتون جاں بحق
اشاعت کی تاریخ: 16th, March 2025 GMT
بلدیہ ٹاؤن کراچی میں راشن کی تقسیم کے دوران بھگدڑ مچنے سے ایک خاتون جاں بحق اور ایک شدید زخمی ہوگئی۔
پولیس کے مطابق مدینہ کالونی کے مقامی پارک میں یو سی چیئرمین اور دیگر مخیر حضرات کی جانب سے راشن تقسیم کیا جارہا تھا۔
بھگدڑ مچنے سے کچھ خواتین گر گئیں جو کچلی گئیں، ان میں سے ایک خاتون جاں بحق اور ایک زخمی ہوئی ہے۔
پولیس کے مطابق ہلاک ہونے والی خاتون کی عمر 20 سے 25 برس کے درمیان بتائی جارہی ہے، جس کی فوری طور پر شناخت نہیں ہوسکی۔
پولیس حکام کے مطابق حادثے میں شدید زخمی ہونے والی خاتون اسپتال میں زیر علاج ہے۔
حکام کے مطابق راشن تقسیم کےلیے پولیس سے اجازت نامہ بھی حاصل کیا گیا تھا، راشن کی تقسیم یوسی چیئرمین اور مخیرحضرات کی جانب سے کی جا رہی تھی۔
.ذریعہ: Jang News
کلیدی لفظ: کے مطابق
پڑھیں:
اسرائیلی فورسز کا ڈرون حملہ، صحافی سمیت 9 فلسطینی شہید ،متعدد زخمی
غزہ :اسرائیلی فورسز کا ڈرون حملہ، صحافی سمیت 9 فلسطینی شہید، متعدد زخمی ہو گئے۔
عرب میڈیا کے مطابق اسرائیلی بحریہ کی غزہ ساحل پر بمباری سے ایک فلسطینی شہید، متعدد زخمی ہو گئے۔
غزہ وزارت صحت کے مطابق غزہ پر اسرائیل کی جنگ میں 48 ہزار524 فلسطینی شہید ہوچکے ہیں، 7 اکتوبر 2023 سے اب تک 1 لاکھ 11 ہزار 955 افراد زخمی بھی ہوئے۔
حماس کا کہنا ہے کہ نیتن یاہو جنگ بندی کے کامیاب نفاذ سے خوفزدہ ہیں، غزہ کی پٹی کے محاصرے سے رہائشی اور اسرائیلی قیدی بھوک سے مر رہے ہیں۔
اقوام متحدہ نے مقبوضہ مغربی کنارے میں اسرائیلی آبادکاروں کے تشدد میں اضافے پر مذمت کی ہے، یواین کے مطابق مقبوضہ مغربی کنارے میں اسرائیلی آباد کاروں کے پُرتشدد حملے بڑھ رہے ہیں۔
یواین کے مطابق اسرائیلی آباد کاروں کے 4 سے 10 مارچ کے دوران 16 حملوں میں دو فلسطینی زخمی ہوئے، اس دوران 1400سے زیادہ بھیڑیں اور بکریاں چوری یا ہلاک ہوئیں۔
اقوام متحدہ کے مطابق اس دوران زیتون اور پھلوں کے 380 سے زیادہ درختوں کو توڑ پھوڑ کا نشانہ بنایا گیا۔
آئی سی سی چیمپئنز ٹرافی فائنل میں پاکستان مکمل نظر انداز