بلوچستان اور خیبرپختونخوا میں دہشت گردی کے بڑھتے واقعات پر وفاقی حکومت کا قومی پالیسی بنانے کا فیصلہ
اشاعت کی تاریخ: 16th, March 2025 GMT
کراچی:
وفاقی حکومت نے بلوچستان اور خیبر پختونخوا میں دہشت گردی کے بڑھتے ہوئے واقعات کی روک تھام کے لیے قومی پالیسی بنانے کے ساتھ نیشنل ایکشن پلان کو مزید مربوط بنانے کا فیصلہ کرلیا یے۔
ایکسپریس نیوز کے مطابق دہشت گردی کے خاتمے کے لیے پارلیمانی جماعتوں ۔صوبائی حکومتوں اور عسکری قیادت کی مشاورت سے اہم پالیسی اور مربوط اقدامات کیے جائیں گے جبکہ ریاست کے خلاف متحرک گروپس اور سیکورٹی اداروں پر حملہ کرنے والوں کے خلاف مذید سخت ترین ایکشن لیا جائے گا۔
وفاقی حکومت کے حکام نے بتایا کہ وزیراعظم نے کے پی کے اور بلوچستان میں حالیہ دہشت گردی کے واقعات اور سیکورٹی فورسز پر حملوں کے بعد پیدا ہونے والی صورتحال پر قریبی اور اہم اسٹیک ہولڈرز سے حالات پر تفصیلی مشاورت کی ہے۔
اس مشاورت میں طے کیا گیا یے کہ قومی سلامتی کے حوالے سے پارلیمانی کمیٹی کا ان کیمرااجلاس آئندہ دنوں میں بلوایا جائے گا جس میں اس صورتحال کا جائزہ لیا جائے گا۔
دہشت گردی کے خاتمے کے لیے بنائے گئے قومی ایکشن پلان میں اصلاحات کے لیے تجاویز مرتب کی جائیں گی۔ ان تجاویز کی روشنی میں قومی سلامتی کمیٹی کے اجلاس میں حتمی پالیسی طے کی جائے گی۔
وفاق حکومت دہشت گردی کے لیے قومی پالیسی کی تشکیل پر پارلیمان کو بھی اعتماد میں لے گی ۔حتمی پالیسی طے کرنے سے قبل تمام اسٹیک ہولڈرز سے مشاورت کی جائے گی۔
دہشت گردی سے متاثرہ علاقوں میں ریاست کے خلاف گروپوں کے خلاف فیصلہ کن آپریشن کے لیے اہم فیصلہ کیا جاسکتا ہے ۔وفاقی حکومت کے حکام نے بتایا کہ اس آپشن کو برقرار رکھا جائے گا جو گروپ ریاست کی رٹ کو تسلیم کرنے کے ساتھ سرینڈر کرے گا۔
اس کے حوالے سے ریاستی پالیسی کے مطابق اقدام ہوگا۔مذاکرات کا آپشن استعمال کرنا ہے یا نہیں اس کا فیصلہ بھی ریاست اسٹیک ہولڈرز کی مشاورت سے طے کرے گی۔
وفاقی حکومت نے حالیہ دہشت گردی کے واقعات میں بھارت کے ملوث ہونے اور افغان سرزمین کے استعمال کے معاملہ کو عالمی سطح پر اٹھانے کا فیصلہ کیا یے۔
اس حوالے سے اقوام متحدہ اور تمام عالمی فورمز پر وفاقی حکومت یہ معاملہ اٹھائے گی اور عالمی فورمز کو کہا جائے گا کہ وہ دونوں ممالک سے دہشت گردی کو روکنے کے لیے اقدامات کرنے کو کہیں۔
وفاقی حکام نے بتایا کہ دہشت گردی کے خاتمے کے لیے قومی پالیسی کی تشکیل اور نیشنل ایکشن پلان میں اصلاحات میں قلیل درمیان اور طویل حکمت عملی بنائے گی۔
فورسز کو جدید آلات اور اسلحہ کی فراہمی کے لیے بھی ہنگامی اقدام کیے جائیں گے، دہشت گردی سے متاثرہ علاقوں میں رہائشی افراد کے لیے ترقیاتی اور روزگار پیکجز دیا جاسکتا ہے۔
.ذریعہ: Express News
کلیدی لفظ: دہشت گردی کے وفاقی حکومت قومی پالیسی کا فیصلہ کے خلاف جائے گا کے لیے
پڑھیں:
دہشتگردی کے بڑھتے واقعات، آئی جی اسلام آباد نے اہم احکامات جاری کردیے
محمد اویس:آئی جی اسلام آباد کے سیکیورٹی مذید سخت کرنے کے احکامات، آئی جی اسلام آباد سید علی ناصر رضوی نے پولیس افسران کو احکامات جاری کردیے۔
تفصیلات کےمطابق آئی جی اسلام آباد سید علی ناصر رضوی نے احکامات جاری کرتے ہوئے کہا کہ مارکیٹوں میں رش بڑھ رہا جس کے لئے مارکیٹ ڈیوٹی کو مزید موثربنایا جائے۔
ضلع بھر میں پٹرولنگ، سرپرائز چیکنگ کو موثر بنایا جائے، تمام 15 کالز پر فوری اور بروقت ریسپانس دیا جائے، افسران باہمی رابطہ کو مزید بہتر بناتے ہوئے معلومات کا تبادلہ کریں۔
پاکستان سے آٹے اور چاول کی آخری کھیپ بنگلہ دیش پہنچ گئی
افسران ڈیوٹی پر مامور جوانوں کو چیک کریں اور ڈیوٹیز کے متعلق بریف کرتے رہیں، سیف سٹی کیمروں کے ذریعے شہر کی نگرانی کو مزید موثر بنایا جائے۔
عبادتگاہوں،تجارتی مراکز اور دیگر اہم مقامات پر سکیورٹی سخت رکھی جائے، شہر بھر میں سرویلنس اور مانیٹرنگ کے نظام کو موثر بنایا جائے۔
پیپلز پارٹی ہمارے ساتھ تھی اور رہے گی، رانا تنویر حسین