پیٹرولیم لیوی میں 10 روپے فی لیٹر اضافہ
اشاعت کی تاریخ: 16th, March 2025 GMT
حکومت نے پیٹرولیم مصنوعات کی آئندہ 15روزہ قیمتوں میں استحکام اعلان کے اگلے ہی روز پیٹرول لیوی میں 10 روپے فی لیٹر کا اضافہ کر دیا۔
یہ بھی پڑھیں:بجلی اور پیٹرول کی قیمت میں حیرت انگیز کمی، شہباز شریف کے لیے خوشخبری
وفاقی حکومت کی جانب سے جاری نوٹیفکیشن کے مطابق پیٹرول اور ڈیزل پر لیوی 60 سے بڑھا کر 70 روپے فی لیٹر کردی گئی ہے۔
وزارت خزانہ کے نوٹیفکیشن کے مطابق پیٹرول پر لیوی میں اضافےکا اطلاق آج (16 مارچ) سے ہوگا۔
یاد رہے کہ پیٹرولیم لیوی میں اضافہ اس وقت ہوا ہے جب ایک روز قبل ہی حکومت نے پیٹرولیم مصنوعات کی آئندہ 15روزہ قیمتوں میں استحکام کا اعلان کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان پیٹرول پیٹرولیم لیوی.ذریعہ: WE News
کلیدی لفظ: پاکستان پیٹرول پیٹرولیم لیوی لیوی میں
پڑھیں:
ایل پی جی کی قیمتوں میں غیر اعلانیہ اضافہ، غریب عوام رُل گئے
لاہور: ماہ رمضان کے آغاز میں حکومت کی جانب سے ایل پی جی کی قیمت میں کمی کی گئی تھی، مگر بغیر کسی سرکاری نوٹیفکیشن کے ایل پی جی مافیا نے قیمتوں میں اضافہ کر دیا۔
چیئرمین ایل پی جی ایسوسی ایشن عرفان کھوکھر نے اس غیر قانونی اضافے پر شدید تشویش کا اظہار کیا ہے۔ چیئرمین ایل پی جی انڈسٹریزایسوسی ایشن پاکستان کا کہنا ہے کہ حکومت کی جانب سے سرکاری قیمت 248 روپے فی کلو مقرر کی گئی تھی، جس کے مطابق گھریلو سلنڈر 2925 روپے میں دستیاب ہونا چاہیے تھا، مگر منافع خور مافیا کی جانب سے من مانے اضافے کے بعد قیمت میں حیران کن اضافہ دیکھنے میں آیا ہے۔
انہوں نے بتایا کہ شہروں میں ایل پی جی 320 روپے فی کلو، دیہی علاقوں میں 350 روپے فی کلو جبکہ پہاڑی علاقوں میں 400 روپے فی کلو تک جا پہنچی ہے۔ جس کی وجہ سے گھریلو سلنڈر کی قیمت 3700 روپے سے تجاوز کر چکا ہے، جبکہ کمرشل سلنڈر کی قیمت 14500 روپے سے بھی زیادہ ہو گئی ہے۔
عرفان کھوکھر نے خبردار کیا کہ اگر مافیا کے خلاف فوری اقدامات نہ کیے گئے تو آئندہ دنوں میں قیمتوں میں مزید اضافہ ہو سکتا ہے، جو کہ عوام کے لیے مزید مشکلات پیدا کرے گا۔
ان کے مطابق ملک میں یومیہ 6000 ٹن ایل پی جی فروخت کی جاتی ہے، اور منافع خور مافیا بلاجواز قیمتیں بڑھا کر اربوں روپے کی لوٹ مار میں مصروف ہے۔
انہوں نے حکومت سے مطالبہ کیا کہ غریب دکان داروں کے خلاف کاروائیاں بند کی جائیں، کیونکہ دوکاندار ایل پی جی خود تیار نہیں کرتا۔ حکومت کو چاہیے کہ وہ پلانٹس پر سرکاری قیمت کو یقینی بنائے اور مافیا کو لگام ڈالنے میں اپنا کردار ادا کرے، بجائے اس کے کہ سارا بوجھ غریب ایل پی جی دوکانداروں پر ڈال دیا جائے۔
عرفان کھوکھر نے حکومت سے اپیل کی کہ وہ طاقتور مافیا کے خلاف سخت کارروائی کرے اور عوام کو مہنگائی کے اس طوفان سے نجات دلائے۔
پنجاب پولیس نے کے پی سرحد پر 24 گھنٹوں میں دہشتگردوں کا دوسرا حملہ پسپا کر دیا