یمن پر امریکی حملے بین الاقوامی قوانین کی کھلی خلاف ورزی ہے، حماس
اشاعت کی تاریخ: 16th, March 2025 GMT
بیان میں کہا گیا ہے کہ ہم یمن اور یمنی عوام کے ساتھ اپنی مکمل یکجہتی کا اظہار کرتے ہیں اور غزہ کی پٹی میں فلسطینی عوام کی نسل کشی کی جنگ جو انسانیت کی تذلیل ہے، اس جنگ کے مقابلے میں ثابت قدمی کیساتھ حمایت میں یمن کے مبارک اقدامات کو سراہتے ہیں۔ اسلام ٹائمز۔ اسلامی مزاحمتی تحریک حماس نے یمن کے دارالحکومت صنعا کے علاقوں پر امریکی، برطانوی اور صہیونی طیاروں کی وحشیانہ بمباری کی شدید مذمت کی ہے۔ حماس کی جانب سے جاری کیے گئے بیان میں ان حملوں کو صنعاء کے رہائشی محلے کے خلاف فضائی جارحیت، بین الاقوامی قانون کی کھلی خلاف ورزی اور یمن کی خودمختاری اور استحکام پر حملہ قرار دیا گیا ہے۔ بیان میں کہا گیا ہے کہ ہم یمن اور یمنی عوام کے ساتھ اپنی مکمل یکجہتی کا اظہار کرتے ہیں اور غزہ کی پٹی میں فلسطینی عوام کی نسل کشی کی جنگ جو انسانیت کی تذلیل ہے، اس جنگ کے مقابلے میں ثابت قدمی کیساتھ حمایت میں یمن کے مبارک اقدامات کو سراہتے ہیں۔
.ذریعہ: Islam Times
پڑھیں:
ایران کی یمن کے متعدد علاقوں پر امریکی فضائی حملوں کی شدید مذمت
ایران کی یمن کے متعدد علاقوں پر امریکی فضائی حملوں کی شدید مذمت WhatsAppFacebookTwitter 0 16 March, 2025 سب نیوز
تہران:
ایران کی وزارت خارجہ کے ترجمان اسماعیل بقائی نے ایک بیان جاری کرتے ہوئے یمن میں متعدد مقامات پر فضائی حملے کرنے کے امریکی اقدامات کی شدید مذمت کی جس میں خواتین اور بچوں سمیت کئی ہلاکتیں ہوئیں۔
اتوار کے روز بقائی نے کہا کہ امریکا کی فوجی کارروائی اقوام متحدہ کے منشور اور بین الاقوامی قانون کی سنگین خلاف ورزی ہے اور اقوام متحدہ کی سلامتی کونسل کی ذمہ داری ہے کہ وہ بین الاقوامی امن و سلامتی کے لئے کسی بھی خلاف ورزی اور خطرے کو روکے۔
ایرانی ترجمان نے نشاندہی کی کہ مغربی ایشیائی خطے میں موجودہ افراتفری کی بنیادی وجہ اسرائیل کی جانب سے فلسطینی عوام کے قتل عام اور ان کے علاقوں پر قبضے کے لئے مغربی ممالک کی مسلسل حمایت ہے ،جس سے علاقائی اور بین الاقوامی امن و سلامتی کو انتہائی خطرات لاحق ہیں۔بقائی نے بین الاقوامی برادری پر زور دیا کہ وہ علاقائی بحران سے نمٹنے کے لیے اقدامات اٹھائے۔
ایران کے پاسداران انقلاب کے کمانڈر انچیف سلامی نے 15 مارچ کو کہا کہ ایران کسی بھی دھمکی کا ڈٹ کر مقابلہ کرےگا اور اگر کسی بھی دھمکی پر عمل درآمد کیا گیا تو ایران سخت ترین انداز میں جواب دے گا۔
سلامی نے کہا کہ ایران کے دشمن ماضی کی غلطیوں کو دہرا رہے ہیں اور وہ غزہ کی پٹی، لبنان، یمن اور افغانستان سے سبق نہیں سیکھ رہے ہیں جو ان کیلئے ایک اور شکست کا باعث بنیں گی۔
پنجاب پولیس نے کے پی سرحد پر 24 گھنٹوں میں دہشتگردوں کا دوسرا حملہ پسپا کر دیا