نصیبو لال کی شوہر سے صلح ہوگئی، گلوکارہ نے مقدمہ واپس لینے کی تصدیق کردی
اشاعت کی تاریخ: 16th, March 2025 GMT
لاہور ( اُردو پوائنٹ اخبارتازہ ترین۔ 16 مارچ 2025ء ) معروف گلوکارہ نصیبو لال اور ان کے شوہر نوید حسین کے درمیان صلح ہوگئی، گلوکارہ نصیبو لال نے شوہر نوید حسین کے خلاف مقدمہ واپس لینے کی تصدیق بھی کردی۔ جیو نیوز کے مطابق گلوکارہ کے بھائی شاہد لال نے بتایا کہ بہن اور بہنوئی کے درمیان اکثر چھوٹے موٹے جھگڑے ہو جاتے ہیں لیکن اس مرتبہ ہاتھا پائی ہوگئی تھی جس کی وجہ سے ایف آئی آر درج کروانے کی نوبت آئی تاہم اب دونوں میاں بیوی کے درمیان صلح ہوگئی ہے اور بہنوئی نے آئندہ ایسا کچھ نہ کرنے کی یقین دہانی بھی کروائی ہے۔
گزشتہ روز گلوکارہ نصیبو لال پر ان کے شوہر نے تشدد کیا اور گالم گلوچ کی، پولیس نے گلوکارہ کی درخواست پر مقدمہ درج کرلیا، درخواست گزار کی ایف آئی آر کے مطابق گلوکارہ کا کہنا تھا کہ میرے شوہر نوید نے گھر آتے ساتھ ہی میرے ساتھ بدزبانی شروع کر دی اور گالم گلوچ کرنے لگا، میں اپنے صحن میں بیٹھی تھی کہ شوہر نے قریب ہی پڑی اینٹ میرے چہرے پر دے ماری، اینٹ لگنے سے میرے چہرے، ناک اور منہ پرشدید چوٹیں آئیں ہیں، اس سے پہلے بھی میرا خاوند مجھے اکثر اوقات تشدد کا نشانہ بناتا رہتا ہے۔(جاری ہے)
اس حوالے سے پولیس نے کہا تھا کہ گلوکارہ نصیبو لال کی مدعیت میں نوید کیخلاف مقدمہ درج کرلیا گیا ہے، ملزم کو جلد گرفتار کرلیا جائے گا، اس سلسلے میں پولیس نے واقعہ کے حوالے سے مزید تفتیش شروع کرد ی ہے، تاہم بعد ازاں نصیبو لال نے شوہر کے مبینہ تشدد کے بعد طبی معائنہ کروانے سے انکار کردیا اور مقدمے کے اخراج کیلئے تحریری بیان پولیس کو جمع کروا دیا، جس میں انہوں نے مؤقف اپنایا کہ شوہر سے معمولی جھگڑا ہوا تھا قانونی کارروائی نہیں کروانا چاہتی۔ .ذریعہ: UrduPoint
کلیدی لفظ: تلاش کیجئے گلوکارہ نصیبو لال
پڑھیں:
ذوالفقار بھٹو جونئیر نے سیاست میں آنے کی تصدیق کردی
کراچی(آئی این پی)پاکستان کی سیاست میں ایک اور نوجوان بھٹو کی آمد ہے، سماجی کارکن اور انسانی حقوق کیلئے آواز اٹھانے والے ذوالفقار علی بھٹو جونئیر متنازع چھ نہروں پر کہنا ہے کہ یہ زندگی اور موت کا سوال ہے۔ذولفقار علی بھٹو جونئیر نے ایک ٹی وی انٹرویو میں کہا کہ سندھ میں پانی نہیں ہوگا تو ناصرف انسان بلکہ بہت سے جنگلی اور آبی حیات مر جائیں گی۔ یہ ہمارا کلچرل جینوسائیڈ (ثقافتی نسل کشی) ہوگا، والڈ لائف کا بھی اور انسانیت کا بھی۔
انہوں نے کہا کہ ہماری حکومت ابھی کانپ رہی ہے، کیونکہ انہوں نے دیکھا کہ کتنے لوگ احتجاج کر رہے ہیں، اسکول کے بچے بھی احتجاج کر رہے ہیں۔ اسی لئے یہ بیانیہ تبدیل کر رہے ہیں اور منصوبے بھی بالکل سامنے تبدیہل کرنے کی کوشش کر رہے ہیں۔ان کا کہنا تھا کہ یہ دریائے سندھ سے پانی نکالیں گے کیونکہ ستلج میں پانی نہیں ہے، یہ لنک کینال کی کیپیسٹی بڑھائیں گے اور دریائے سندھ کا پانی اس سے ستلج میں جائے گا۔
جرمنی نے پاکستان کو شکست دیکر جونیئر ہاکی سیریز 0-4 سے جیت لی
انہوں نے سیاست میں قدم رکھنے کے سوال پر کہا کہ میں نوڈیرو میں اعلان کیا تھا کہ میرا سیاست میں آنے کا ارادہ ہے، پاکستان پیپلز پارٹی کا شہید بھٹو گروپ ہے جو میرے بابا نے شروع کیا وہ ابھی تک موجود ہے اور امید ہے ہم اس کی قیادت کریں گے۔انہوں نے مزید کہا کہ مجھے چاہئیے کہ میں اس میں کچھ فریش نوجوان لوگ بھی شامل کروں، ہمارے ملک میں بہت سارے سیاسی یتیم ہیں جو بہت انرجیٹک ہیں لیکن ان کی کوئی تنظیم یا لیڈر شپ نہیں ہے۔
انہوں نے مزید کہا کہ مجھے اپنے ملک سے اپنے لوگوں سے بہت کچھ سیکھنا ہے، مجھے نہیں لگتا کہ میں سب کچھ جانتا ہوں، میں تیاری کر رہا ہوں۔
رواں سال کا پہلا مکمل چاند گرہن آج لیکن سورج گرہن کب ہوگا؟ جانیے
مزید :
پنجاب پولیس نے کے پی سرحد پر 24 گھنٹوں میں دہشتگردوں کا دوسرا حملہ پسپا کر دیا