مصطفیٰ کمال کا سندھ میں پولیو کے بڑھتے کیسز پر تشویش کا اظہار
اشاعت کی تاریخ: 16th, March 2025 GMT
وفاقی وزیر صحت نے پولیو کے خاتمے کے لیے تمام وسائل بروئے کار لانے کی ہدایت کرتے ہوئے کہا کہ پولیو فری پاکستان کے لیے مزید جدید اور مربوط حکمت عملی اپنانا ناگزیر ہے، پولیو کے مکمل خاتمے کے لیے وفاقی حکومت سندھ کے شانہ بشانہ کھڑی ہے اسلام ٹائمز۔ وفاقی وزیر صحت مصطفیٰ کمال نے صوبائی ایمرجنسی آپریشن سینٹر کراچی کا دورہ کیا۔ صوبائی کوآرڈینیٹر ارشاد علی سوڈھر نے وزیر صحت کو پولیو کی موجودہ صورتحال پر بریفنگ دی۔ وزیر صحت نے رواں سال کے 6 میں سے 4 پولیو کیسز سندھ سے ہونے پر تشویش کا اظہار کیا اور فرنٹ لائن ورکرز اور ضلعی انتظامیہ کے کردار کو سراہا۔ مصطفیٰ کمال نے پولیو کے خاتمے کے لیے تمام وسائل بروئے کار لانے کی ہدایت کرتے ہوئے کہا کہ پولیو فری پاکستان کے لیے مزید جدید اور مربوط حکمت عملی اپنانا ناگزیر ہے۔ انہوں نے کہا کہ پولیو کے مکمل خاتمے کے لیے وفاقی حکومت سندھ کے شانہ بشانہ کھڑی ہے، سندھ میں 43،000 والدین ویکسینیشن سے انکاری ہیں، تقریباً 42،000 کراچی سے ہیں۔
.ذریعہ: Islam Times
کلیدی لفظ: خاتمے کے لیے پولیو کے
پڑھیں:
چینی قیمت پر سٹہ بازی کی جاتی ہے، مصد ق ملک
وفاقی وزیر سینیٹر مصدق ملک : فوٹو فائلوفاقی وزیر سینیٹر مصدق ملک نے کہا ہے کہ ملک میں چینی کی قیمتوں پر سٹہ بازی کی جاتی ہے، جان بوجھ کر فائدہ اٹھانے کے لیے خبریں پھیلائی جاتی ہیں۔
جیو نیوز کے پروگرام آج شاہزیب خانزادہ میں گفتگو کے دوران مصدق ملک نے کہا کہ بعض باتوں میں حقیقت ہوتی ہے کچھ باتیں مارکیٹ تبدیل کرنے کے لیے پھیلائی جاتی ہیں۔
انہوں نے کہا کہ صرف میری وزارت نہیں قیمت کے اتار چڑھاؤ میں دیگر وزارتوں کا بھی کام ہے، میرا دائرہ اختیار ایک وزارت تھی، ایسی شخصیت کو کمیٹی میں لگایا گیا جن کا اختیار زیادہ وزارتوں پر ہو۔
وفاقی وزیر نے مزید کہا کہ فیصلہ ہوا کہ زیادہ اختیارات کے لیے ڈپٹی وزیراعظم کو کمیٹی کا سربراہ لگایا جائے۔
اُن کا کہنا تھا کہ ملک میں چینی کی قلت نہیں ہورہی ، ملک میں چینی کی قیمت جب باہر سے زیادہ ہوگی چینی درآمد ہوگی، ملک میں چینی کی قیمت عالمی مارکیٹ اور ٹرانسپورٹیشن خرچ کے برابر ہوگی۔
مصدق ملک نے یہ بھی کہا کہ گنے کی قیمت کو بھی ڈی ریگولیٹ کرنے کی ضرورت ہے ،احسن اقبال کی قیادت میں کمیٹی تمام عوامل کا جائزہ لے رہی ہے۔
امریکا کا حماس کے حامیوں کے ویزے اور گرین کارڈ منسوخ کرنے کا اعلان