ابراہیم علی خان پاکستانی صارف کو دھمکیاں کیوں دینے لگے؟
اشاعت کی تاریخ: 16th, March 2025 GMT
بالی ووڈ کے مشہور اداکار سیف علی خان کے بیٹے ابراہیم علی خان نے ایک پاکستانی صارف پر شدید غصہ کرتے ہوئے انھیں دھمکیاں دی ہیں۔
ابراہیم علی خان جو حال ہی میں فلم ’نادانیاں‘ سے اپنے کریئر کا آغاز کر چکے ہیں، اپنی اداکاری پر ہونے والی تنقید پر بہت زیادہ حساس نظر آئے۔ خاص طور پر، جب ایک پاکستانی نقاد تیمور اقبال نے ان کی اداکاری اور ان کی ناک پر طنز کیا، تو ابراہیم نے غصے میں آ کر نقاد کو دھمکی آمیز پیغامات بھیج دیے۔
پاکستانی صارف تیمور اقبال نے اپنی انسٹاگرام اسٹوری پر فلم ’نادانیاں‘ پر تنقید کرتے ہوئے ابراہیم کی اداکاری کا مذاق اڑایا اور ان کی ناک پر طنز کیا۔
View this post on InstagramA post shared by Tamur Iqbal (@taimooriqbal12)
صارف کی تنقید پر ابراہیم نے براہ راست پیغام کرتے ہوئے لکھا ’’تمہارا نام میرے بھائی تیمور کی طرح ہے، لیکن تمہارے پاس اس کا چہرہ نہیں۔ تم بدصورت اور کچرے کے ڈھیر کی طرح ہو۔ اگر میں تمہیں سڑک پر دیکھوں گا، تو تمہاری حالت اور بھی خراب کر دوں گا۔ تم چلتے پھرتے گندگی کے ڈھیر ہو۔‘‘
پاکستانی صارف تیمور نے ابراہیم کے اس پیغام پر ردعمل دیتے ہوئے کہا، ’’یہ ہوئی نا بات! یہی وہ شخص ہے جسے میں فلم میں دیکھنا چاہتا تھا، نہ کہ ایک جعلی سا اداکار۔ لیکن ہاں، ناک کے متعلق میرا تبصرہ واقعی غلط تھا۔ باقی سب پر میں قائم ہوں۔ آپ کے والد کا بہت بڑا مداح ہوں، انہیں مایوس مت کرنا۔‘‘
تیمور نے ابراہیم کے پیغام کا اسکرین شاٹ اپنی انسٹاگرام پوسٹ میں شیئر کیا، جس پر بہت سے صارفین نے تبصرے کیے۔ ایک صارف نے ابراہیم کی اہلیہ، اداکارہ کرینہ کپور خان کو ٹیگ کرتے ہوئے لکھا، ’’براہ کرم انہیں سکھائیں کہ تنقید کو اچھے طریقے سے قبول کریں اور نرمی سے جواب دیں۔‘‘
جب کہ ایک صارف نے ابراہیم کا دفاع کرتے ہوئے لکھا، ’’اگر آپ سب کچھ سامنے لا رہے ہیں، تو وہ بھی دکھائیں جو آپ نے لکھا تھا۔ پھر دیکھتے ہیں کہ آیا آپ کو اس جواب کی ضرورت تھی یا نہیں۔‘‘
ابراہیم علی خان کو اپنی پہلی فلم ’نادانیاں‘ کی ناکامی اور فلم میں ان کی اداکاری پر تنقید کا سامنا ہے۔
.ذریعہ: Express News
کلیدی لفظ: ابراہیم علی خان پاکستانی صارف نے ابراہیم کرتے ہوئے
پڑھیں:
گلگت بلتستان کے وکلاء کی ہڑتال 5 اپریل تک توسیع دینے کا اعلان
ہفتہ میں دو دن تمام اضلاع میں روڈ پر احتجاج ہو گا، البتہ سائلین کی مشکلات کو مدنظر رکھتے ہوئے ضمانت، نیا حکم امتناعی، سپر داری کی درخواستوں میں دائری کی حد تک وکلاء کو عدالتوں میں پیش ہونے کی اجازت دی گئی ہے۔ اسلام ٹائمز۔ گلگت بلتستان ہائی کورٹ بار ایسوسی ایشن نے وکلاء کی جانب سے جاری ہڑتال کو 5 اپریل 2025ء تک توثیق دی ہے جبکہ ہفتہ میں دو دن تمام اضلاع میں روڈ پر احتجاج ہو گا، البتہ سائلین کی مشکلات کو مدنظر رکھتے ہوئے ضمانت، نیا حکم امتناعی، سپر داری کی درخواستوں میں دائری کی حد تک وکلاء کو عدالتوں میں پیش ہونے کی اجازت دی گئی ہے۔ گلگت بلتستان بار کونسل، ہائی کورٹ بار ایسوسی ایشن، گلگت بلتستان سپریم اپیلیٹ کورٹ بار اور بین الاضلاعی صدور و جنرل سیکریٹریز کا مشترکہ اجلاس ہائی کورٹ بار بلڈنگ کنوداس گلگت میں زیر صدارت صدر ہائی کورٹ بار ایسوسی ایشن تنویر اختر خان ایڈووکیٹ منعقد ہوا۔ اجلاس میں تمام بارز کے ذمہ داران نے شرکت کی اور گلگت بلتستان میں وکلاء کی جانب سے اپنی ڈیمانڈز کی تائید میں گزشتہ چار پانچ مہینوں سے جاری ہڑتال اور صوبائی حکومت کی جانب سے کئے گئے وعدوں اور وزیر اعلی کی طرف سے وکلاء کی ڈیمانڈز کی نسبت جاری کئے گئے احکامات / Directives پر عمل درآمد نہ ہونے پر متفقہ قرارداد منظور کی گئی۔
وکلاء کی جانب سے مورخہ 16 نومبر 2024ء کو لائرز کنونشن / کانفرنس میں پاس کی گئی قرارداد /اعلامیہ پر حکومت کی جانب سے عمل درآمد اب تک عمل میں نہ لانے پر شدید تشویش کا اظہار کیا گیا۔ سابقہ احتجاج اور حکومتی کمیٹی اور وکلاء کمیٹی کی سفارشات پر 29 نومبر 2024ء کو وزیر اعلیٰ گلگت بلتستان کی طرف سے ڈائریکٹیوز جاری ہونے کے باوجود اب تک عمل درآمد نہ ہونا اور وکلاء کے احتجاج کو خاطر میں نہ لانے کو حکومت کی نااہلی قرار دیتے ہوئے حکومتی رویہ کی شدید مذمت کرتے ہوئے متفقہ طور پر فیصلہ کیا گیا کہ وکلاء کی جانب سے جاری ہڑتال کو مورخہ 5 اپریل 2025ء تک توثیق دی جاتی ہے اور ہفتہ میں دو دن تمام اضلاع میں روڈ پر احتجاج ہو گا، البتہ سائلین کی مشکلات کو مدنظر رکھتے ہوئے ضمانت اور نیا حکم امتناعی، سپر داری کی درخواستوں میں دائری کی حد تک وکلاء کو عدالتوں میں پیش ہونے کی اجازت ہو گی اور 5 اپریل 2025ء تک مطالبات حل نہ ہونے کی صورت میں 5 اپریل 2025ء کو تمام ذمہ داران / عہدے داران کا مشترکہ اجلاس ہائی کورٹ بار روم کونو داس گلگت میں منعقد ہو گا۔
قرارداد میں مزید کہا گیا کہ 5 اپریل سے آگے سخت اقدامات اٹھائے جائیں گے۔ دھرنا اور لانگ مارچ سمیت دیگر معاملات زیر غور ہونگے اور ہر وہ حربہ زیر غور ہو گا جس سے وکلاء کے مطالبات تسلیم کئے جا سکیں اور تمام معزز مجوز صاحبان سے گزارش ہے کہ وکلاء کی عدم حاضری اور ہڑتال کو مد نظر رکھتے ہوئے یکطرفہ کاروائی عمل میں نہ لائیں اور تمام معزز وکلا سے گزارش کی گئی ہے کہ ہڑتال کے دوران ہڑتال کی خلاف ورزی کرنے سے گریزاں رہیں بصورت دیگر خلاف ورزی کے مرتکب وکلاء کے خلاف بار کونسل کے قانون کے مطابق لائسنز کو معطل کیا جائے گا۔
وزیراعظم کی آئی ٹی ٹریننگ کے منصوبوں پر تیزی سے عمل درآمد یقینی بنانے کی ہدایت