12 سالہ یتیم بچے نے دوستوں سے جھگڑے کے بعد خود کو آگ لگا لی
اشاعت کی تاریخ: 16th, March 2025 GMT
لیاقت پور میں عدم برداشت کے بڑھتے ہوئے واقعات نے ایک اور معصوم جان لے لی۔ ترنڈہ محمد پناہ کے علاقے کچی محمد خان میں افسوسناک واقعہ پیش آیا، جہاں 12 سالہ یتیم بچے نے دوستوں سے لڑائی کے بعد دلبرداشتہ ہو کر خود کو آگ لگا لی۔
عینی شاہدین کے مطابق محمد مبین نامی بچے کا دوستوں کے ساتھ جھگڑا ہوا، جس پر وہ شدید پریشان تھا اور اسی دلبرداشتگی میں اس نے خود سوزی کی کوشش کی۔ آگ لگنے سے بچے کا جسم اور چہرہ بری طرح جھلس گیا۔
واقعے کی اطلاع ملتے ہی پولیس موقع پر پہنچ گئی اور تفتیش شروع کر دی۔ پولیس کا کہنا ہے کہ واقعے کی وجوہات کا تفصیلی جائزہ لیا جا رہا ہے تاکہ حقائق سامنے آ سکیں۔
Post Views: 1.ذریعہ: Daily Mumtaz
پڑھیں:
صدر مملکت اور وزیراعظم کی جام مہتاب ڈہر کے قافلے پر فائرنگ کی مذمت
سٹی 42 : صدر مملکت آصف علی زرداری اور وزیراعظم شہباز شریف کی جانب سے رکن صوبائی اسمبلی جام مہتاب ڈہر کے قافلے پر فائرنگ کی مذمت کی گئی ہے۔
وزیراعظم شہباز شریف نے رکن صوبائی اسمبلی جام مہتاب ڈہر کے قافلے پر فائرنگ کی مذمت کی، انہوں نے واقعے میں گارڈ کے جاں بحق ہونے پر افسوس کا اظہار کیا۔
وزیراعظم نے واقعے میں زخمی ہونے والوں کی جلد صحت یابی کیلئے دعا کی ۔
صدر مملکت آصف علی زرداری کی جانب سے بھی گھوٹکی میں ممبر صوبائی اسمبلی جام مہتاب ڈہر کے قافلے پر فائرنگ کے واقعے کی مذمت کی گئی، انہوں نے واقعے میں گارڈ کے جاں بحق ہونے پر اظہار افسوس کیا۔
ماضی کی طرح ایک بار پھر نیشنل ایکشن پلان بنا کر اس پر عملدرآمد کی ضرورت ہے، اسپیکر ایاز صادق
صدر مملکت نے واقعے کی تحقیقات ، ذمے داران کو کیفر کردار تک پہنچانے پر زور دیا ، ساتھ ہی فائرنگ کے نتیجے میں زخمیوں کی جلد صحتیابی کی دعا بھی کی ۔
یاد رہے کہ ڈہرکی کے قریب کھینجو میں مسلح افراد کی جانب سے رکن صوبائی اسمبلی جام مہتاب حسین کی گاڑی پر فائرنگ کی گئی ۔
گوادر انٹرنیشنل ایئرپورٹ کے خلاف عالمی میڈیا میں پروپیگنڈا شروع، انٹرنیشنل فیک نیوز بے نقاب