’سلمان خان نے میرا منہ شیشے پر دے مارا، پھر خون دیکھ کر چلتے بنے‘
اشاعت کی تاریخ: 16th, March 2025 GMT
بالی ووڈ کے سپر اسٹار سلمان خان اپنے فلمی کیرئیر میں کئی بار تنازعات کا شکار ہوچکے ہیں، کئی ساتھی اداکار ان کے رویے کیخلاف بات کر چکے ہیں۔
حال ہی میں بالی ووڈ سے وابستہ ماضی کے ایک اداکار ادی ایرانی نے دعویٰ کیا ہے کہ اداکار سلمان خان فلم 2002 میں ریلیز ہونے والی رومانوی فلم ’چوری چوری چپکے چپکے‘ کی شوٹنگ کے دوران انہیں زخمی کرکے سیٹ پر ہی چھوڑ کر چلے گئے تھے۔
ادی ایرانی نے بتایا کہ سلمان نے میرے چہرے کو شیشے کے فرایم سے زخمی کیا جس سے وہ زخمی ہو گئے اور خون بہنے لگا تھا۔ ادی ایرانی نے فلم میں سلمان خان کے دوست کا کردار ادا کیا تھا جنہوں نے دعویٰ کیا کہ انہیں شدید چوٹ لگی تھی لیکن پروڈیوسر کو مالی نقصان سے بچنے کے لیے فلم کی شوٹنگ جاری رکھی۔
ایرانی کا کہنا تھا کہ میرا بہت برا حال ہوا تھا، اگر میں نہ کہتا تو شوٹ منسوخ ہوجاتا، اسے ایک سے دو ماہ کے لیے روک دیا جاتا اور پروڈیوسر کو نقصان ہوتا لیکن میں نے پروڈیوسر کا ساتھ دیا۔
تاہم جب واقعے پر سلمان خان کے ردعمل سے متعلق پوچھا تو انہوں نے بتایا کہ سلمان میرے چہرے پر خون دیکھ کر وہاں سے چلے گئے تھے پھر اگلے روز انہوں نے مجھے اپنے کمرے میں بلا کر مجھ سے معافی مانگی۔
ادی ایرانی کے مطابق سلمان خان کی جانب سے ادا کیے گئے الفاظ یہ تھے کہ ’ادی‘ مجھے بہت افسوس ہوا، میں تمہاری آنکھوں میں بھی نہیں دیکھ سکتا، مجھے بہت برا لگ رہا ہے۔ جس پر میں نے ان سے کہا کہ ٹھیک ہے کوئی بات نہیں ایسا کبھی ہوجاتا ہے۔ انہوں نے مجھ سے بہت اچھی طرح بات کی تھی۔
Post Views: 1.ذریعہ: Daily Mumtaz
کلیدی لفظ: ادی ایرانی
پڑھیں:
میرا نہیں خیال، شریف اللّٰہ کی حوالگی کا ٹرین واقعے سے کوئی تعلق ہو، خواجہ آصف
وزیر دفاع خواجہ محمد آصف نے کہا ہے کہ میرا نہیں خیال کہ شریف اللّٰہ کی حوالگی کا ٹرین واقعے سے کوئی تعلق ہو۔
سیالکوٹ میں جیو نیوز سے خصوصی گفتگو میں خواجہ آصف نے کہا کہ ہوسکتا ہے کہ دہشت گردوں کو دکھ ہو کہ شریف اللّٰہ کو کیوں امریکا کے حوالے کیا گیا۔
انہوں نے کہا کہ میرا نہیں خیال کہ شریف اللّٰہ کی حوالگی کا ٹرین واقعے سے کوئی تعلق ہو، پی ٹی آئی سانحہ جعفر ایکسپریس پر پروپیگنڈا کررہی ہے۔
وزیر دفاع نے مزید کہا کہ اتنے روز گزرنے کے بعد بھی بانی پی ٹی آئی نے واقعے کی مذمت نہیں کی، وہ جیل سے 3 اور 4 صفحات کے خط لکھتے ہیں، اخبارات میں آرٹیکل اور بیانات دیتے ہیں لیکن قومی سانحے کی مذمت نہیں کی۔
اُن کا کہنا تھا کہ اس کا مطلب ہے بانی پی ٹی آئی دہشت گردوں کے ساتھ کھڑے ہیں، ان کی پارٹی کا موٹو بن چکا ہے کہ خان نہیں تو پاکستان نہیں۔
خواجہ آصف نے کہا کہ بانی پی ٹی آئی دہشت گردوں کو افغانستان سے لائے اور اپنے اقتدار کی ضمانت لی تھی۔
انہوں نے کہا کہ آل پارٹیز کانفرنس (اے پی سی) میں شرکت پی ٹی آئی نے مشروط کی ہے، ان کا موقف ہے کہ بانی پی ٹی آئی کو پے رول پر لایا جائے۔
وزیر دفاع نے کہا کہ امریکا کی جانب سے پاکستان پر سفری پابندیاں لگانا نامناسب بات ہے، حکومت نے اس مسئلے کو اٹھایا ہے، ہفتے دس دن میں معاملہ حل ہو جائے گا کوشش ہے کہ سفری پابندی نا لگے۔
انوکھی جمہوریہ جہاں کتا اور بکرا بھی صدر بن چکے