اسلام آباد، فیصل کریم کنڈی کا مسلم ممالک کے سفراء کے اعزاز میں افطار ڈنر
اشاعت کی تاریخ: 15th, March 2025 GMT
نجی ٹی وی کے مطابق فیصل کریم کنڈی نے امت مسلمہ کی وحدت و اتحاد پر زور دیتے ہوئے کہا کہ عصر حاضر کا تقاضا ہے کہ تمام مسلم ممالک یکجا ہو کر امت مسلمہ کے مفادات اور دنیا میں بڑھتے ہوئے اسلامو فوبیا کے رحجان کے خاتمہ کیلئے ٹھوس مشترکہ جامع حکمت عملی تیار کریں۔ اسلام ٹائمز۔ گورنر خیبر پختونخوا فیصل کریم کنڈی نے وفاقی دارالحکومت اسلام آباد میں پاکستان میں تعینات مسلم ممالک کے سفراء کے اعزاز میں افطار ڈنر دیا ہے۔ افطار ڈنر میں قائمقام صدر پاکستان اور چئیرمین سینٹ سید یوسف رضا گیلانی ترکی، ملائشیا، انڈونیشیا، قازقستان، نائجریا، موروکو، بحرین، اعزازی سفیر تیونس، اردن، آذربائیجان، دارالاسلام، سوڈان، شام، تاجکستان، صومالیہ کے سفیروں جبکہ سعودی عرب، افغانستان، ایران، مصر اور لیبیا کےسفیروں کے نمائندے شریک ہوئے۔
افطار ڈنر میں مسلم امہ کے اتحاد، وحدت اور اسلامو فوبیا کے بڑھتے رحجان پر گفتگو ہوئی۔ مسلم ممالک کے سفراء نے عالمی سطح پر امت مسلمہ کے اتحاد کیلئے پاکستانی حکومت و عوام کے کردار کو بھی سراہا۔ اس موقع پر گورنر خیبرپختونخوا فیصل کریم کنڈی نے مسلم ممالک کے سفراء سے افطار ڈنر میں شرکت کرنے پر شکریہ ادا کرتے ہوئے کہا کہ ماہ رمضان امت مسلمہ کے اتحاد، بھائی چارے اور سلامتی کا مقدس مہینہ ہے۔
نجی ٹی وی کے مطابق فیصل کریم کنڈی نے امت مسلمہ کی وحدت و اتحاد پر زور دیتے ہوئے کہا کہ عصر حاضر کا تقاضا ہے کہ تمام مسلم ممالک یکجا ہو کر امت مسلمہ کے مفادات اور دنیا میں بڑھتے ہوئے اسلامو فوبیا کے رحجان کے خاتمہ کیلئے ٹھوس مشترکہ جامع حکمت عملی تیار کریں۔ انہوں نے کہا اسلام امن اور خیر کا دین ہے، جس میں انسانیت کی بھلائی اور دیگر مذاہب کے احترام کا درس دیا گیا ہے۔
وفاقی وزیر مذہبی امور سردار محمد یوسف، وزیراعظم کے مشیر داخلہ پرویز خٹک، ارکان قومی اسمبلی عاصمہ ارباب عالمگیر، سردار فتح اللہ خان میانخیل، چیئرمین بینظیر انکم سپورٹ پروگرام روبینہ خالد، ارکان صوبائی اسمبلی احمد کریم کنڈی، ارباب زرک، پالستان پیپلز پارٹی کے صوبایئ صدر محمد علی شاہ باچا سمیت وزارت امور خارجہ کے افسران نے بھی افطار ڈنر میں شرکت کی۔
ذریعہ: Islam Times
کلیدی لفظ: فیصل کریم کنڈی نے افطار ڈنر میں امت مسلمہ کے
پڑھیں:
اسلام آباد میں غیرملکی خاتون سے کوکین، آئس برآمد
اسلام آباد میں نائجیرین خاتون سے 12 گرام کوکین اور 300 گرام آئس برآمد کرلی گئی۔
اے این ایف نے مختلف شہروں میں منشیات اسمگلنگ کے خلاف کریک ڈاؤن میں 8 ملزمان کو گرفتار کرکے 18کروڑ 86 لاکھ سے زائد مالیت کی 927.204 کلو گرام منشیات برآمد کرلی۔ جی ٹی روڈ راولپنڈی میں اسپتال کے قریب نائجیرین باشندے سے 1.2 کلو چرس، 2 گرام کوکین اور 150 گرام آئس برآمد کی گئی۔ جی 10 اسلام آباد کے قریب نائجیرین خاتون سے 12 گرام کوکین اور 300 گرام آئس برآمد ہوئی۔
نیو اسلام آباد ایئرپورٹ پرمسقط جانے والے مسافر کے سامان سے ایک کلو سے زائد آئس برآمد کر لی گئی۔ ترجمان ایئرپورٹ سیکورٹی فورس ( اے ایس ایف) کے مطابق نیو اسلام آباد ایئرپورٹ پر اے ایس ایف کے عملے نے مسقط جانے والے مسافر سے 1.172 کلو گرام آئس برآمد کر لی۔مسافر نے آئس بیگ میں نہایت مہارت سے چھپا رکھی تھی۔ ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اینٹی نارکوٹکس فورس ( اے این ایف) کے حکام کے حوالے کردیا گیا۔
کراچی انٹرنیشنل ایئرپورٹ پر ریاض جانے والے مسافر کے سامان میں چھپائی گئی 1.490 کلو آئس برآمد ہوئی جبکہ بلوچستان میں واشک کے علاقے ماشخیل سے 500 کلو افیون اور 50 کلو آئس برآمد کی گئی۔ فیصل آباد میں سمن آباد کے قریب سے 291.6 کلو چرس اور 64.4 کلو افیون برآمد کر کے 2 ملزمان کو گرفتارکیا گیا۔
لاہور میں شاہ پور کانجراں میں گھر سے 9.950 کلو چرس، 1.5کلو آئس اور 1.2 کلو افیون برآمد کر کے خاتون کو گرفتارکر لیا گیا۔ کوئٹہ میں بلیلی روڈ کے قریب کار سے 3 کلو آئس برآمد ہوئی۔ ملزم کوگرفتارکر لیا گیا۔
شاہ پور کانجراں لاہور کے قریب ایک اور کاروائی کرتے ہوئے ملزم سے 2.4 کلو چرس برآمد ہوئی۔ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
اڈیالہ جیل کے باہر احتجاجی کیمپ کا معاملہ، پی ٹی آئی کا اہم اجلاس طلب