حکومت کا پٹرولیم مصنوعات کی قیمتیں برقرار رکھنے کا فیصلہ
اشاعت کی تاریخ: 15th, March 2025 GMT
وزیر اعظم محمد شہباز شریف نے کہا کہ پیٹرولیم مصنوعات کی قیمتیں موجودہ سطح پر برقرار رکھتے ہوئے اس کا پورا مالی فائدہ بجلی کی قیمتوں میں عوام کو منتقل کرنے کا فیصلہ کیا ہے، یہ اقدام ان بہت سے دیگر اقدامات میں سے ایک ہے جو بجلی کے نرخوں میں بامعنی کمی کا باعث بنے گا۔ اسلام ٹائمز۔ وزیر اعظم محمد شہباز شریف نے پیٹرولیم مصنوعات کی قیمتیں حالیہ سطح پر برقرار رکھنے کا فیصلہ کیا ہے۔ ریڈیو پاکستان کے مطابق وزیر اعظم محمد شہباز شریف نے کہا کہ پیٹرولیم مصنوعات کی قیمتیں موجودہ سطح پر برقرار رکھتے ہوئے اس کا پورا مالی فائدہ بجلی کی قیمتوں میں عوام کو منتقل کرنے کا فیصلہ کیا ہے، یہ اقدام ان بہت سے دیگر اقدامات میں سے ایک ہے جو بجلی کے نرخوں میں بامعنی کمی کا باعث بنے گا۔ وزیر اعظم نے کہا ہے کہ بجلی کے نرخوں میں کمی کے حوالے سے ایک جامع اور مؤثر حکمت عملی کے تحت پیکج تیار کیا جارہا ہے جس کی تفصیلات کو حتمی شکل دے رہے ہیں۔ انہوں نے کہا ہے کہ عالمی منڈی میں تیل کی قیمتوں میں ردوبدل کے فرق سے پیدا ہونے والی مالی گنجائش اور دیگر اقدامات سے بجلی کی قیمتوں میں عوام کو بڑا ریلیف دینے کا پیکج تیار ہے جس کا اعلان آئندہ چند ہفتوں میں کیا جائے گا۔ محمد شہباز شریف کا کہنا ہے کہ حکومت سنبھالتے ہی عوامی ریلیف کو ترجیح دینے کا عہد کیا تھا، اس ریلیف سے نہ صرف بجلی کی قیمتیں کم ہوں گی بلکہ اسکا اثر مجموعی طور پر مہنگائی پر بھی پڑے گا اور اس میں مزید کمی واقعہ ہو گی۔ وزیراعظم آفس کے مطابق اس ریلیف کے حوالے سے وزیراعظم بہت جلد قوم کو خود آگاہ کریں گے۔
.ذریعہ: Islam Times
کلیدی لفظ: مصنوعات کی قیمتیں محمد شہباز شریف کی قیمتوں میں کا فیصلہ بجلی کی نے کہا
پڑھیں:
وزیر اعظم جلد بجلی قیمتوں میں کمی کا جامع پروگرام پیش کریں گے، وزیر پیٹرولیم
اسلام آباد: وفاقی وزیر پیٹرولیم علی پرویز ملک نے کہا ہے کہ وزیر اعظم جلد بجلی قیمتوں میں کمی کے حوالے سے جامع پروگرام پیش کریں گے۔
وفاقی وزیر پیٹرولیم علی پرویز ملک نے میڈیا سے گفتگو کرتے ہوئے کہا کہ عوام کو صحت کی بہترین سہولیات کی فراہمی کے لیے کوشاں ہیں۔ اور پنجاب میں بنیادی صحت مراکز کو اپ گریڈ کیا جا رہا ہے۔ عوام کی فلاح وبہبود ہماری اولین ترجیح ہے۔
انہوں نے کہا کہ وزیر اعظم شہباز شریف ملکی ترقی کے لیے دن رات کام کر رہے ہیں۔ اور وزیر اعظم نے ملک کو دیوالیہ ہونے سے بچایا ہے۔ شہباز شریف جلد بجلی قیمتوں میں کمی کے حوالے سے جامع پروگرام پیش کریں گے۔
بجلی کے حوالے سے انہوں نے مزید کہا کہ وزیر اعلیٰ پنجاب نے عوام کو بجلی بلوں میں ریلیف دیا۔ اور بجلی قیمتوں کو کم کر کے معیشت کو مزید مستحکم کریں گے۔
علی پرویز ملک نے کہا کہ عوام کو ریلیف کی فراہمی ہماری قیادت کا ویژن ہے۔ اور سحر وافطار میں گیس کی فراہمی یقینی بنا رہے ہیں۔ سولر سسٹم پر نئے کنکشن کو گراس میٹرنگ پر منتقل کیا جائے گا۔ اور گرڈ پر 3 سے 4 ہزار ارب قرضے کے بوجھ کو کم کرنے کے لیے مشکل فیصلہ کیا گیا ہے۔ پچھلے سولر سسٹم کنکشن میں کوئی ردوبدل نہیں کیا جائے گا۔
دہشتگردی کے حوالے سے گفتگو کرتے ہوئے انہوں نے کہا کہ بہادر جوان سرحدوں پر ملک کی حفاظت کر رہے ہیں۔ اور سیکیورٹی فورسز دن رات ملک میں امن او مان کے لیے متحرک ہیں۔ دہشتگردی کے خلاف جنگ کے لیے تمام وسائل بروئے کار لائے جائیں گے۔ اور دہشتگردی کے خلاف کسی بھی قربانی سے دریغ نہیں کریں گے۔
انہوں نے کہا کہ آئی ایم ایف وفد پاکستان سے مطمئن ہو کر گیا اور وفد نے وزیر اعظم کی کاوشوں کو سراہا ہے۔ ہر آنے والے دن میں حالات بہتر ہوں گے۔ جبکہ اپنی ذاتی پسند نا پسند کو چھوڑ کر ملکی مفاد کے لیے اکٹھا ہونا پڑے گا۔
وفاقی وزیر نے کہا کہ شہباز شریف کی قیادت میں سب کی طرف ہاتھ بڑھائیں گے اور ملکی مسائل کا سیاسی حل نکالیں گے۔ ملکی مفادات پر سیاست کرنے والوں کو عوام کی عدالت میں جواب دینا پڑے گا۔
انہوں نے کہا کہ ماضی میں لیے گئے قرضے حکومتوں کے بجائے عوام کو دینے پڑے۔
کراچی، لی مارکیٹ، لکڑی کے گودام میں لگی آتشزدگی پر قابو پا لیا گیا