پشاور: ارمڑ میں مسجد کی دیوار کے قریب دھماکا، مفتی منیر شاکر جاں بحق
اشاعت کی تاریخ: 15th, March 2025 GMT
پشاور: ارمڑ میں مسجد کی دیوار کے قریب دھماکا، مفتی منیر شاکر جاں بحق WhatsAppFacebookTwitter 0 15 March, 2025 سب نیوز
پشاور (آئی پی ایس )خیبرپختونخوا کے دارالحکومت پشاور میں تھانہ ارمڑ کی حدود میں مسجد کی دیوار کے قریب آئی ای ڈی دھماکا ہوا ہے، جس کے نتیجے میں مفتی منیر شاکر جاں بحق ہو گئے۔ترجمان لیڈی ریڈنگ ہسپتال نے تصدیق کی کہ دھماکے میں زخمی ہونیو الے مفتی منیر شاکر دم توڑ گئے۔ترجمان ایل آر ایچ کا مزید کہنا تھا کہ دھماکے میں زخمی 3 افراد ہسپتال میں زیر علاج ہیں۔
قبل ازیں پولیس نے بتایا کہ دھماکے میں 4 افراد زخمی ہوئے، جبکہ پولیس افسران، بم ڈسپوزل اسکواڈ (بی ڈی یو) اور محکمہ انسداد دہشت گردی (سی ٹی ڈی) کے افسران موقع پر پہنچ گئے۔پولیس کے مطابق دھماکا دیسی ساختہ تھا۔دریں اثنا، وزیر اعلی خیبر پختونخوا علی امین گنڈاپور نے اظہار مذمت کرتے ہوئے پولیس حکام سے واقعے کی رپورٹ طلب کرلی۔
علی امین گنڈاپور نے دھماکے میں ملوث عناصر کی گرفتاری کے لیے ضروری اقدامات کی ہدایت کر دی، وزیر اعلی خیبرپختونخوا کا دھماکے کے زخمیوں کی جلد صحت یابی کے لیے نیک خواہشات کا اظہار کیا۔علی امین گنڈاپور کا کہنا تھا کہ ہسپتال انتظامیہ کو دھماکے کے زخمیوں کو بہترین طبی امداد کی فراہمی یقینی بنانے کی ہدایت کی ہے۔قبل ازیں، مشیر صحت احتشام علی نے مفتی منیر شاکر کی شہادت پر اظہار افسوس کرتے ہوئے کہا کہ مفتی منیر شاکر کی شہادت کا سن کر شدید افسوس ہوا۔
مشیر صحت احتشام علی کا مزید کہنا تھا کہ مفتی منیر شاکر ایل آر ایچ میں ابتدائی علاج کے لیے لائے گئے، مفتی منیر شاکر زخموں کی تاب نہ لاتے ہوئے شہادت کے عہدے پر فائز ہوگئے۔ واضح رہے کہ اس سے قبل آج خیبر پختونخوا کے 2 اضلاع لکی مروت اور بنوں میں 4 مختلف پولیس اسٹیشن پر دہشت گردوں کے حملوں کو ناکام بنادیا گیا تھا اور کسی قسم کا جانی نقصان رپورٹ نہیں ہوا تاہم حملے میں 2 پولیس اہلکار زخمی ہوئے تھے۔
.ذریعہ: Daily Sub News
کلیدی لفظ: مفتی منیر شاکر
پڑھیں:
پشاور ؛ تھانہ ارمڑ کی حدود میں دھماکہ، 4 افراد زخمی
سٹی 42 : پشاور میں تھانہ ارمڑ کی حدود میں دھماکے کے باعث 4 افراد زخمی ہوگئے۔
پولیس کے مطابق علاقہ میں مدرسہ کے باہر دیسی ساختہ بم کا دھماکہ ہوا ہے، مسجدکے قریب دیسی ساختہ بم نصب تھا، دھماکے میں مفتی منیر شاکر بھی زخمی ہوگئے، اس کے علاوہ خوشحال، عابد اور سید نبی بھی زخمیوں میں شامل ہیں، جنہیں لیڈی ریڈنگ ہسپتال منتقل کردیا گیا ۔
پولیس کا کہنا ہے کہ ممکنہ طور مفتی شاکر ہدف تھا، تاہم مزید شواہد اکٹھے کئے جارہے ہیں ۔
اسلاموفوبیا عالمی امن، بین المذاہب ہم آہنگی کیلئے ایک خطرہ ہے: مریم نواز
اڈیالہ جیل کے باہر احتجاجی کیمپ کا معاملہ، پی ٹی آئی کا اہم اجلاس طلب