اسرائیلی فورسز کا ڈرون حملہ، صحافی سمیت 9 فلسطینی شہید ،متعدد زخمی
اشاعت کی تاریخ: 15th, March 2025 GMT
غزہ :اسرائیلی فورسز کا ڈرون حملہ، صحافی سمیت 9 فلسطینی شہید، متعدد زخمی ہو گئے۔
عرب میڈیا کے مطابق اسرائیلی بحریہ کی غزہ ساحل پر بمباری سے ایک فلسطینی شہید، متعدد زخمی ہو گئے۔
غزہ وزارت صحت کے مطابق غزہ پر اسرائیل کی جنگ میں 48 ہزار524 فلسطینی شہید ہوچکے ہیں، 7 اکتوبر 2023 سے اب تک 1 لاکھ 11 ہزار 955 افراد زخمی بھی ہوئے۔
حماس کا کہنا ہے کہ نیتن یاہو جنگ بندی کے کامیاب نفاذ سے خوفزدہ ہیں، غزہ کی پٹی کے محاصرے سے رہائشی اور اسرائیلی قیدی بھوک سے مر رہے ہیں۔
اقوام متحدہ نے مقبوضہ مغربی کنارے میں اسرائیلی آبادکاروں کے تشدد میں اضافے پر مذمت کی ہے، یواین کے مطابق مقبوضہ مغربی کنارے میں اسرائیلی آباد کاروں کے پُرتشدد حملے بڑھ رہے ہیں۔
یواین کے مطابق اسرائیلی آباد کاروں کے 4 سے 10 مارچ کے دوران 16 حملوں میں دو فلسطینی زخمی ہوئے، اس دوران 1400سے زیادہ بھیڑیں اور بکریاں چوری یا ہلاک ہوئیں۔
اقوام متحدہ کے مطابق اس دوران زیتون اور پھلوں کے 380 سے زیادہ درختوں کو توڑ پھوڑ کا نشانہ بنایا گیا۔
ذریعہ: Daily Mumtaz
کلیدی لفظ: فلسطینی شہید کے مطابق
پڑھیں:
خیبرپختونخوا: دو مختلف اضلاع میں آپریشنز، 9 خارجی دہشتگرد ہلاک، 2 جوان شہید
خیبرپختونخوا: دو مختلف اضلاع میں آپریشنز، 9 خارجی دہشتگرد ہلاک، 2 جوان شہید WhatsAppFacebookTwitter 0 15 March, 2025 سب نیوز
پشاور(سب نیوز )خیبرپختونخوا کے دو مختلف اضلاع میں سیکیورٹی فورسز کے آپریشن کے دوران 9 خارجی دہشتگرد ہلاک ہوگئے جب کہ کارروائی کے دوران پاک فوج کے 2 جوان بھی شہید ہوگئے۔پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے مہمند ایجنسی میں خفیہ اطلاع پر کارروائی کی جس کے نتیجے میں 7 دہشت گرد ہلاک ہوگئے۔
ترجمان پاک فوج کا کہنا تھا کہ مہمند ایجنسی میں دہشت گردوں سے مقابلے کے دوران پاک فوج کے 2 جوان بھی شہید ہوگئے، حوالدار محمد زاہد کا تعلق مالاکنڈ اور سپاہی آفتاب علی کا تعلق چترال سے ہے۔آئی ایس پی آر نے بتایا کہ خیبرپختونخوا کے ضلع ڈیرہ اسمعیل خان میں آپریشن کے دوران 2 دہشت گردوں کو ہلاک کیا گیا، آپریشنز میں ہلاک دہشت گردوں سے اسلحہ اور گولہ بارود بھی برآمد کیا گیا۔ ترجمان پاک فوج کی جانب سے جاری بیان میں کہا گیا کہ سیکیورٹی فورسز ملک سے دہشت گردی کے خاتمے کے لیے پرعزم ہیں۔
اڈیالہ جیل کے باہر احتجاجی کیمپ کا معاملہ، پی ٹی آئی کا اہم اجلاس طلب