مساجد اور قرآن کے حقوق سے متعلق مسلمان اپنی ذات پر نظرثانی کریں، مولانا محمد رحمانی
اشاعت کی تاریخ: 15th, March 2025 GMT
ابو الکلام آزاد اسلامک اویکننگ سینٹر نئی دہلی کے صدر نے مسلمانوں سے اپیل کی کہ صبر اور نماز کے ذریعہ اللہ کی مدد حاصل کریں اور ملکی احوال کیسے بھی ہوں صبر کا دامن نہ چھوڑیں۔ اسلام ٹائمز۔ ابو الکلام آزاد اسلامک اویکننگ سینٹر نئی دہلی کے صدر مولانا محمد رحمانی سنابلی مدنی نے کہ کہ مسلمان کی ذمہ داری ہے کہ اللہ کی اطاعت کو انجام دے اور پورے صبر و تحمل کے ساتھ اس راستہ پر ڈٹا رہے۔ انہوں نے کہا کہ مسلمان اللہ کی معصیت کو ترک کرکے اللہ کی مقدر کردہ چیزوں پر صبر کرے اور اپنی ذات کو ہر برائی سے روکے رکھے۔ انہوں نے کہا کہ اس وقت بھارت میں جو حالات چل رہے ہیں اور ہندو شرپسندوں نے جو اسلوب اختیار کر رکھا ہے ہر حالت میں صبر و تحمل اور دین کی طرف رجوع اور اللہ کی عبادت اور بالخصوص نماز کے ذریعہ اس کا سامنا کرنا چاہیئے۔ انہوں نے کہا کہ یہ یاد رکھنا چاہیئے کہ ہم پر جو بھی مصائب اور مشکلات آتے ہیں یہ ہمارے اپنے کرتوت کا نتیجہ ہوتا ہے، اس لئے مصائب کے وقت سب سے پہلے ہمیں اپنے اعمال پر نظرثانی کرنی چاہیئے۔
مولانا محمد رحمانی مدنی نے ماہ رمضان میں مسلمانوں کے مساجد سے جڑنے کو خوش آئند قرار دیا، لیکن اپیل کی کہ مساجد کے حقوق کو بھی سمجھا جائے۔ انہوں نے کہا کہ مسلمان اللہ رب العالمین کے علاوہ کسی سے نہ ڈریں یہ وہ صفات ہیں جو مساجد کو آباد کرنے والوں کے اندر موجود ہونی چاہیئے، لہٰذا ہم رمضان المبارک میں صرف مساجد کو آباد نہ کریں بلکہ ان صفات کو پیدا کرکے آئندہ کے لئے بھی مساجد سے جڑے رہنے کا عزم مصمم کریں۔ مولانا محمد رحمانی نے مزید کہا کہ ماہ رمضان میں مسلمان قرآن مجید سے بھی اپنا رشتہ جوڑ لیں۔ انہوں نے مسلمانوں سے اپیل کی کہ صبر اور نماز کے ذریعہ اللہ کی مدد حاصل کریں اور ملکی احوال کیسے بھی ہوں صبر کا دامن نہ چھوڑیں اور قانون کے دائرہ میں زندگی گزاریں۔ نیز مساجد کے اور قرآن مجید کے حقوق ادا کریں اور اللہ سے اپنا رشتہ مضبوط رکھیں۔
ذریعہ: Islam Times
کلیدی لفظ: مولانا محمد رحمانی انہوں نے کہا کہ اللہ کی
پڑھیں:
موبائل فون صارفین خبردارہو جائیں، نئے سائبر فراڈ سے متعلق وارننگ جاری
ایف بی آئی نے امریکا بھر میں ایک بڑھتے ہوئے سائبر خطرے کے بارے میں خبردار کیا ہے جو ”ریاست سے ریاست“ منتقل ہو رہا ہے اور شہریوں کو نقصان دہ ایس ایم ایس پیغامات یا ”اسمشنگ“ ٹیکسٹس کے ذریعے نشانہ بنا رہا ہے۔
ایف بی آئی حکام آئی فون اور اینڈرائیڈ صارفین سے فوری طور پر مشتبہ ٹیکسٹس کو حذف کرنے کی درخواست کر رہے ہیں۔رپورٹ کے مطابق ایف بی آئی نے امریکا سمیت دنیا بھر “ اسمشنگ“ حملوں کی ایک نئی لہر کے بارے میں انتباہ جاری کیا ہے۔
حکام آئی فون اور اینڈرائیڈ صارفین سے درخواست کر رہے ہیں کہ وہ فوری طور پر مشتبہ ٹیکسٹس کو حذف کر دیں۔’اسمشنگ‘ ٹیکسٹس جعلی پیغامات ہیں جو SMS (شارٹ میسیج سروس) کے ذریعے بھیجے جاتے ہیں جن کے ذریعے صارفین کی ذاتی معلومات، جیسے پاس ورڈ، کریڈٹ کارڈ کی تفصیلات یا دیگر حساس ڈیٹا کو ظاہر کرنے کے لیے دھوکہ دینے کے ارادے سے بھیجے جاتے ہیں۔
“اسمشنگ “ کی اصطلاح ”SMS“ اور ”phishing“ کا مجموعہ ہے، جو لوگوں کی خفیہ معلومات کے حصول کے لئے فراڈ اور جوڑ توڑ کے حوالے سے متعارف کرائی گئی۔ حکام نے صارفین سے کسی بھی مشکوک پیغام کو فوری طور پر حذف کرنے کی اپیل کی ہے۔سائبرسیکیوریٹی فرم پالو آلٹو نیٹ ورکس یونٹ 42 کی رپورٹ کے مطابق پے درپے آنیوالے پیغامات متاثرین کو کریڈٹ کارڈ اور بینک اکاؤنٹ کی تفصیلات سمیت حساس ڈیٹا فراہم کرنے پر آمادہ کرتے ہیں۔
فراڈ کیسے شروع ہوتا ہے؟
ان حملوں کے ذریعے جعلی ڈیلیوری سروس الرٹس جاری کئے جاتے ہیں جس کے بعد صارفین کو لنک پر کلک کرنے کے لئے کہا جاتا ہے۔ان لنکس پر کلک کرنے سے صارفین کو نہ صرف مالی چوری کا خطرہ ہوتا ہے بلکہ شناختی فراڈ کا بھی سامنا ہوتا ہے۔
اسمشنگ پیغامات میں کہا جاتا ہے کہ واجب الادا بل پر عائد سے جرمانے سے بچنے کے لیے فوری اس لنک پر کلک کریں۔یہ لنک کلک کرتے ہی متاثرہ صارف ادائیگی کے پورٹل کی طرف لے جاتا ہے، یہ وہ جگہ ہے جہاں اسکیمرز کے ڈومینز کا وسیع نیٹ ورک کام آتا ہے۔جب متاثرہ شخص ادائیگی کرنے کی کوشش کرتا ہے تو انہیں ایک پیغام موصول ہوتا ہےجس میں دعویٰ کیا جاتا ہے کہ ان کا کارڈ مسترد کر دیا گیا ہے۔
یہ وہ چال ہے جس کے ذریعے اسکیمرز کارڈ کی مزید تفصیل حاصل کرتے ہیں اور انہیں مزید مالی معلومات تک رسائی حاصل ہوتی ہےچونکہ ایپل کا iMessage مشتبہ لنکس کو روکتا ہے، اب اسسکیمرز صارفین کو ہدایت دیتے ہیں کہ وہ URL کو اپنے ویب براؤزر میں کاپی اور پیسٹ کریں، جس سے ان کا پتہ لگانا مشکل ہو جاتا ہے۔
سائبرسیکیوریٹی کے ماہرین کا خیال ہے کہ یہ اسکینڈل ایک فرنچائز ماڈل کے طور پر کام کرتا ہے، اورچینی سائبر کرائم گروپس ان ٹول کٹس کا فائدہ اٹھاتے ہیں۔یونٹ 42 کے مطابق درج ذیل لنکس اورویب اس فراڈ کا حصہ ہیں۔ کسی بھی صورت ان کو کلک نہ کیا جائے۔
dhl.com-new[.]xin
fedex.com-fedexl[.]xin
ezdrive.com-2h98[.]xin
e-zpassny.com-ticketd[.]xin
sunpass.com-ticketap[.]xin
thetollroads.com-fastrakeu[.]xin
سائبر سیکیورٹی فرم McAfee کے مطابق امریکا کے شہرڈیلاس، اٹلانٹا، لاس اینجلس، شکاگو اور اورلینڈو متاثرہ شہروں میں سرفہرست ہیں جبکہ میامی، ہیوسٹن، ڈینور، فینکس اور سیئٹل سمیت دیگرعلاقوں میں بھی یہ سائبر حملے جاری ہیں۔حکام نے جنوری سے اب تک ان سائبر فراڈ میں چار گنا اضافہ نوٹ کیا ہے۔ لوزیانا کی اٹارنی جنرل لز مریل بھی اس فراڈ کا نشانہ بن چکی ہیں
سائبر فراڈ سے بچنے کی طریقے
ایف بی آئی نے شہریوں کوہدایت کی ہے کہ مشکوک متن والے ٹیکسٹ پیغامات ملنے پر درج زیل اقدامات فوری اٹھائیں۔انٹرنیٹ کرائم کمپلینٹ سینٹر (IC3) کے پاس http://www.ic3.gov پر شکایت درج کریں، ٹیکسٹ میں درج فون نمبر اور ویب سائٹ کی تفصیلات فراہم کریں۔اگر ٹول سروس کی عدم ادائیگی کا نوٹس ہے تو ان کی ویب سائٹ پر جائیں یا ان کی کسٹمر سروس سے رابطہ کریں۔کسی بھی اسمشنگ پیغامات کو فوری طور پر حذف کریںاگر ذاتی یا مالی تفصیلات فراہم کردی ہیں، تو اپنے اکاؤنٹس کو محفوظ بنانے کے لیے فوری بنک کو آگاہ کریں حفاظتی اقدامات کریں اور کسی بھی غیر مجاز لین دین پر کمپلینٹ فائل کریں۔لنکس پر کلک کرنے یا غیر متوقع متن کا جواب دینے سے گریز کریں۔سرکاری چینلز کے ذریعے متعلقہ ٹولنگ ایجنسی سے رابطہ کر کے پیغامات کی تصدیق کریں۔اسمارٹ فونز پر ”رپورٹ جنک“ فیچر کا استعمال کرتے ہوئے یا انہیں 7726 (SPAM) پر فارورڈ کرتے ہوئے، اسکیم ٹیکسٹس کی اطلاع دیں اور حذف کریں۔
موبائل فون صارفین اسکیمرز کا آسان ہدف
سائبرسیکیوریٹی فرم زیمپیریم نے خبردار کیا ہے کہ چھوٹی اسکرین والے آلات پر صارفین کی کمزوری کی وجہ سے سائبر جرائم پیشہ افراد تیزی سے ”موبائل فرسٹ اٹیک’ کی حکمت عملی“ اپنا رہے ہیں۔اسمارٹ فونز کی سہولت لوگوں کو ای میلز کے مقابلے ٹیکسٹ میسجز پر کلک کرنے کا امکان زیادہ بڑھاتی ہے ۔
کراچی، لی مارکیٹ، لکڑی کے گودام میں لگی آتشزدگی پر قابو پا لیا گیا