62 فیصد شہری پنجاب حکومت کی کارکردگی سے مطمئن، سروے رپورٹ جاری
اشاعت کی تاریخ: 15th, March 2025 GMT
صوبہ پنجاب کے 62 فیصد شہریوں نے حکومت کی کارکردگی پر اعتماد کا اظہار کیا ہے۔
انسٹی ٹیوٹ فار پبلک اوپینین ریسرچ نے پنجاب حکومت کی کارکردگی جانچنے کے لیے 36 اضلاع سے 6 ہزار شہریوں کی رائے جانے۔
یہ بھی پڑھیں پنجاب حکومت نے ایک اور لیپ ٹاپ اسکیم کا اعلان کر دیا
سروے رپورٹ کے مطابق صوبے کے 62 فیصد شہری پنجاب حکومت کی کارکردگی سے مطمئن ہیں، شہریوں کی جانب سے تعلیم، صحت، انفراسٹرکچر اور امن عامہ پر صوبائی حکومت کی کارکردگی کو سراہا گیا ہے۔
دوسرے جانب روزگار کی عدم دستیابی کے معاملے پر 63 فیصد افراد نے حکومت کی کارکردگی پر ناراضی کا اظہار کیا۔
سروے رپورٹ کے مطابق 57 فیصد شہریوں نے کہاکہ گزشتہ سال کے مقابلے میں صوبائی حکومت کی گورننس میں بہتری آئی ہے، جبکہ 17 فیصد نے کہاکہ گورننس مزید خراب ہوئی ہے۔
24 فیصد افراد سمجھتے ہیں پنجاب میں جیسی گورننس پہلے تھی اب بھی ویسی ہی ہے، اس میں کوئی فرق نہیں آیا۔
سروے کے مطابق صوبے کے 59 فیصد شہری وزیراعلیٰ پنجاب مریم نواز کی کارکردگی سے خوش ہیں، جبکہ 16 فیصد نے ناراضی کا اظہار کیا، اسی طرح 24 فیصد افراد سمجھتے ہیں کہ وزیراعلیٰ کی کارکردگی قابل قبول ہیں۔
یہ بھی پڑھیں پنجاب حکومت کا مقامی ٹیکنالوجی سے تجربہ کامیاب، کہاں کہاں مصنوعی بارش ہوئی؟
57 فیصد شہریوں نے بتایا کہ مریم نواز صوبے کے 57 اہم عوامی مسائل اور گورننس کے چیلنجز کو مؤثر انداز میں حل کرنے میں کامیاب رہیں، جبکہ 36 فیصد نے کہاکہ وہ ناکام رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پنجاب حکومت سروے رپورٹ کارکردگی مریم نواز وزیراعلٰی پنجاب وی نیوز.ذریعہ: WE News
کلیدی لفظ: پنجاب حکومت سروے رپورٹ کارکردگی مریم نواز وی نیوز حکومت کی کارکردگی پنجاب حکومت سروے رپورٹ
پڑھیں:
امریکا پاکستان سمیت 41 ممالک پر سفری پابندیاں عائد کرسکتا ہے، رپورٹ
امریکا میں نئی ٹرمپ انتظامیہ پاکستان سمیت درجنوں ممالک پر سفری پابندیاں عائد کرنے کا سوچ رہی ہے اور اس کے لیے 41 ممالک کی فہرست ترتیب دی گئی ہے۔
بین الاقوامی خبر رسان ایجنسی روئٹرز نے دعویٰ کیا ہے کہ اس کو ملنے والی انٹرل میمو کے مطابق سفری 41 ممالک کو 3 الگ الگ گروپو میں تقسیم کیا گیا ہے، تاہم، یہ میمو ابھی باضابطہ طور پر جاری نہیں کیا گیا ہے۔
رویٹرز کے مطابق پاکستان میمو مین ان ممالک میں شامل ہے جو اگر سیکیورٹی امور بہتر نہ کیے تو انہیں پابندیوں کا سامنا کرنا پڑسکتا ہے۔
پہلے گروپ میں شامل ممالک کے ویزے مکمل طور پر معطل ہوں گے جن میں افغانستان، ایران، شام، کیوبا اور شمالی کوریا سمیت 10 ممالک شامل ہیں۔
رپورٹ کے مطابق پاکستان کو 10 ممالک کے ساتھ ’اورنج لسٹ‘ میں شامل کرنے کی تجویز ہے، جس میں بیلاروس، ہیٹی، میانمار، روس اور ترکمانستان بھی شامل ہیں۔
اس گروپ میں شامل ممالک کے شہریوں کے امیگرنٹ اور سیاحتی ویزے مشروط کیے جائیں گے، تاہم کاروباری مسافروں کو کچھ شرائط کے ساتھ امریکا میں داخلے کی اجازت دی جا سکتی ہے۔
اس کے علاوہ ایک گروپ جزوی ویزہ معطلی والا ہے جس میں ہیٹی، لاؤس، میانمار شامل ہیں جن کے شہریوں کو امریکا میں تعلیمی، سیاحتی اور ایمگریشن ویزوں میں محدود پابندیوں کا سامنا ہوگا۔
یہ بھی پڑھیں:پاک امریکا انٹیلیجنس تعاون جاری رہتا ہے، شریف اللہ کی گرفتاری اور حوالگی کوئی الگ واقعہ نہیں، ترجمان دفتر خارجہ
واضح رہے کہ امریکی صدر ڈونلڈ ٹرمپ نے اس سے قبل اپنے پہلے دور صدارت میں بھی مخسوص ممالک کے شہریوں کے لیے سفری پابندیوں کا اعلان کیا تھا جنہیں بعد میں آنے والے ڈیموکریٹ سابق صدر جو بائیڈن نے 2021 میں منسوخ کرتے ہوئے ’قومی ضمیر پر داغ‘ قرار دیا تھا۔
تاہم موجودہ امریکی انتظامیہ کی جانب سے متوقع نئی پابندی ان ہزاروں افغان شہریوں کو بھی متاثر کر سکتی ہے جنہیں امریکا میں پناہ گزینوں کے طور پر یا خصوصی تارکین وطن کے ویزوں پر دوبارہ آباد ہونے کے لیے کلیئر کیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مصطفیٰ قتل کیس، ملزم ارمغان سے تحقیقات میں اہم شواہد تفتیشی اداروں کے ہاتھ لگ گئے