رمضان نگہبان پیکیج کی رقم میں کٹوتی
اشاعت کی تاریخ: 15th, March 2025 GMT
ملتان(نیوز ڈیسک)پنجاب حکومت کی طرف سے ملتان سمیت جنوبی پنجاب بھر کے مستحق خاندانوں کی مالی امداد کے لئے رمضان نگہبان پیکیج کی امدادی رقوم سے کٹوتیوں کا سلسلہ جاری ہے۔ میڈیا رپورٹس کے مطابق صوبائی حکومت کی طرف سے جاری ہونے والے دس ہزار روپے کے چیک مستحق افراد جب کیش کرانے کے لئے ریٹیلر یا ایجنٹ کے پاس جاتے ہیں تو وہ سینکڑوں روپے کی کٹوتی کر لیتے ہیں اور جو یہ کٹوتی نہیں کرواتا اْسے مختلف حیلے بہانوں کے ذریعے ٹال کر رقم فراہم نہیں کی جاتی۔ امدادی رقوم سے کٹوتی کا یہ سلسلہ ضلعی انتظامیہ اور دیگر اداروں کی کارروائیوں اور ریٹیلرز کی گرفتاریوں کے باوجود تاحال جاری ہے۔ واضح رہے کہ امدادی رقوم سے کٹوتیوں کا سلسلہ بے نظیر انکم سپورٹ پروگرام میں بھی جاری رہا، اُس پر بھی قابو نہیں پایا جا سکا تھا۔ متاثرہ شہریوں نے وزیراعلیٰ پنجاب سے اپیل کی ہے کہ وہ اِس معاملے کی فوری تحقیقات کرائیں اور مستحقین کو مکمل رقم کی ادائیگی یقینی بنائیں۔
مزیدپڑھیں:ایبٹ آباد ؛ اسکول وین کھائی میں گرنے سے 2 بچے جاں بحق، متعدد زخمی
ذریعہ: Daily Ausaf
پڑھیں:
فاطمہ فرٹیلائزر اور عاطف اسلم کی جانب سے رمضان کی مناسبت سے ”فاصلوں کوتکلف “ نعت جاری
لاہور:فاطمہ فرٹیلائزر نے معروف گلوکار عاطف اسلم کے ساتھ مل کر رمضان المبارک کے موقع پر خصوصی نعت جاری کردی۔
عاطف اسلم کی آواز میں یہ نعت ’''فاصلوں کو تکلف“رمضان کے مقدس مہینے میں سامعین کو مسحور کرنے کا باعث بنے گی۔
یہ نعت محبت اور عقیدت کے جذبات کے ساتھ حضور اکرم ﷺ کی شان میں بطور ہدیہ پیش کی گئی ہے۔ اس نعت کے اشعار مدینہ منورہ اور روضہ رسول ﷺ کی زیارت کی خواہش کو بیان کرتے ہیں۔
اس موقع پر فاطمہ فرٹیلائزر کی ڈائریکٹر مارکیٹنگ اینڈ سیلز، رابیل سدوزئی نے کہا کہ ''رمضان غور و فکر، قربت اور شکر گزاری کا مہینہ ہے۔ 'فاصلوں کو تکلف' کے ذریعے ہم مدینہ اور اس کی پرنور فضا کی محبت کااظہار کر تے ہیں‘‘۔
انہوں نے کہا کہ ’’فاطمہ فرٹیلائزر اس بات پر یقین رکھتا ہے کہ رمضان کا مہینہ ہمیں خود شناسی اور شکر گزاری کا درس دیتا ہے اور یہ ان کسانوں کو خراج تحسین پیش کرنے کا بھی موقع ہے، جوہر وقت ہماری غذائی ضروریات پوری کرنے کی تگ و دو میں لگے رہتے ہیں۔''
واضح رہے کہ فاطمہ فرٹیلائزر ایک ایسا ادارہ ہے جو کسانوں کی خدمت اور یکجہتی کے فروغ کے لیے کام کر رہا ہے۔ اس طرح کے اقدامات کے ذریعے کمپنی ایمان، عاجزی اور ملک کی ترقی میں اپنا کردار ادا کرنے والوں کی خدمات کو اجاگر کرتی ہے۔
رمضان کے مہینے میں یہ کلام محبت اور یکجہتی کا پیغام دیتا ہے جو ہمیں دلوں میں مدینہ کی محبت کو سامنے لاتا ہے۔ یہ ویڈیو سرسبز فرٹیلائزر کے سوشل میڈیا پلیٹ فارمز پر دستیاب ہے۔
جنوبی کوریا کے سابق صدر کو رہا کر دیا گیا