بندوق اور طاقت سے مسائل حل نہیں ہونگے، ڈاکٹر عطاء الرحمٰن
اشاعت کی تاریخ: 15th, March 2025 GMT
کوئٹہ میں وفد سے گفتگو کرتے ہوئے جماعت اسلامی کے رہنماء ڈاکٹر عطاء الرحمٰن نے کہا کہ بلوچستان میں بدامنی ہے، روزگار، کاروبار اور بارڈر بند ہیں۔ باہر سے مزدوری کیلئے آنے غریبوں کی بھی شہادتیں ہو رہی ہیں۔ اسلام ٹائمز۔ جماعت اسلامی بلوچستان کے نائب امیر ڈاکٹر عطاء الرحمٰن نے کہا ہے کہ بلوچستان میں بدترین بدامنی کی لہر چل رہی ہے۔ شاہراہیں محفوظ ہیں، نہ ٹرینیں ہر طرف خوف، دہشت، مایوسی اور پریشانی کا دور دورہ ہے۔ حکومت و سکیورٹی ادارے غافل ہیں، جبکہ عوام غیر محفوظ ہیں۔ بولان ٹرین واقعہ قابل مذمت ہے۔ دو دن گزرنے کے باوجود سینکڑوں افراد بازیاب نہ کرائے جاسکے۔ ان خیالات کا اظہار انہوں نے صوبائی دفتر میں وفد سے گفتگو کرتے ہوئے کیا۔ انہوں نے کہا کہ بلوچستان میں سکیورٹی اداروں اور حکومتی غفلت کی وجہ سے مزدور، طالب علم شہری، ڈرائیور اور بچوں سمیت کوئی بھی محفوظ نہیں ہے۔ بدامنی کے واقعات ختم نہیں ہو رہے ہیں۔ روزگار، کاروبار اور بارڈر بند ہیں۔ باہر سے مزدوری کیلئے آنے غریبوں کی بھی شہادتیں ہو رہی ہیں۔ قتل و غارت کا بازار گرم ہے۔ بلوچستان جل رہا ہے۔ ہر طرف نفرت، خوف، جنازے اور لاشیں ہیں۔ انہوں نے کہا کہ بندوق اور طاقت سے مسائل حل نہیں ہوں گے۔ صوبائی حکومت بامقصد اور مخلصانہ مذاکرات کے ذریعے عوام کے مسائل کا حل یقینی بنائے۔
.ذریعہ: Islam Times
کلیدی لفظ: نے کہا
پڑھیں:
بی جے پی عوامی مسائل سے توجہ ہٹانے کیلئے فرقہ وارانہ کشیدگی کو ہوا دے رہی ہے، محبوبہ مفتی
سرینگر میں صحافیوں سے گفتگو کرتے ہوئے ان کا کہنا تھا کہ بی جے پی اپنے مذموم سیاسی ایجنڈے کو آگے بڑھانے کے لیے معاشرے میں دوریاں پیدا کرنےکا کام کر رہی ہے اور وہ مسلمانوں کو خاص طور پر نشانہ بنا رہی ہے۔ اسلام ٹائمز۔ بھارت کے غیر قانونی زیر قبضہ جموں و کشمیر میں پیپلز ڈیموکریٹک پارٹی کی صدر محبوبہ مفتی نے کہا ہے کہ بھارتیہ جنتا پارٹی (بی جے پی) کی بھارتی حکومت عوامی مسائل سے توجہ ہٹانے کے لیے فرقہ وارانہ کشیدگی کو دانستہ طور پر ہوا دے رہی ہے۔ ذرائع کے مطابق محبوبہ مفتی نے سرینگر میں صحافیوں سے گفتگو کرتے ہوئے کہا کہ بی جے پی اپنے مذموم سیاسی ایجنڈے کو آگے بڑھانے کے لیے معاشرے میں دوریاں پیدا کرنےکا کام کر رہی ہے اور وہ مسلمانوں کو خاص طور پر نشانہ بنا رہی ہے۔ انہوں نے کہا کہ زعفرانی جماعت تفرقہ انگیز سیاست کر رہی ہے اور وہ اپنا ووٹ بنک مضبوط کرنے کیلئے فرقہ واریت کو خوب ہوا دے رہی ہے۔ انہوں نے کہا کہ اس وقت معاشی بدحالی اور بے روزگاری عروج پر ہے لیکن بی جے پی کو اس کی کوئی فکر نہیں اور اس کا سارا دھیان مذہبی اختلافات پیدا کرنے کی طرف ہے۔ محبوبہ مفتی نے کہا کہ بی جے پی کی سیاست کے انتہائی سنگین مضمرات ہون گے، اس کی تقسیم کی سیاست بھارت کو عدم استحکام کی طرف دھکیل رہی ہے۔ انہوں نے کشمیریوں پر زور دیا کہ وہ بی جے پی کی فرقہ وارانہ سیاست سے ہوشیار رہیں۔
کراچی میں موسم گرما کی انٹری ، شہر شدید گرمی کی لپیٹ میں