حالات بہتر ہوتے نظر نہیں آرہے، ہرطرف اندھیرا ہے، شیخ رشید
اشاعت کی تاریخ: 15th, March 2025 GMT
راولپنڈی(نیوز ڈیسک) عوامی مسلم لیگ کے سربراہ شیخ رشید کا کہنا ہے کہ حالات بہتر ہوتے نظر نہیں آرہے، ہرطرف اندھیرا ہے۔
تفصیلات کے مطابق عوامی مسلم لیگ کے سربراہ شیخ رشید نے عدالت کے باہر میڈیا سے گفتگو کرتے ہوئے کہا کہ مجھےحالات بہترہوتےہوئےدکھائی نہیں دےرہے، ہرطرف اندھیرا ہے، مجھے اندھیرا ہی اندھیرا نظر آرہا ہے۔
عمرے سے متعلق سوال پر سربراہ عوامی مسلم لیگ کا کہنا تھا کہ میرا عمرےکا سفر بہترین رہا۔
یاد رہے سابق وزیر داخلہ نے سال 2025 سے متعلق بڑی پیش گوئی کرتے ہوئے کہا تھا کہ قبر ایک اور مردے دو ہیں، جو سمجھ رہے ہیں نئے سال میں تبدیلی آجائے گی انہیں بتادوں کوئی تبدیلی نہیں آئے گی۔
حکمران جماعتوں کے حوالے سے سابق وزیر کا کہنا تھا کہ ن لیگ اور پیپلز پارٹی کی کوئی سننے والا نہیں.
انھوں نے بڑوں سے اپیل کی تھی کہ غریبوں کو چھوڑ دو دعا دیں گے۔
Post Views: 1ذریعہ: Daily Mumtaz
پڑھیں:
100 قراردادیں پاس کرلیں۔ بلوچستان کے حالات جوں کے توں ہی رہیں گے، شاہد خاقان عباسی
شاہد خاقان عباسی کا کہنا ہے کہ 100 قراردادیں پاس کرلیں۔ بلوچستان کے حالات جوں کے توں ہی رہیں گے۔ پی ٹی آئی نے تحریک چلانی ہے چلائے، میں کسی تحریک کے حق میں نہیں، یہاں حکومت اوراپوزیشن اپنا اپنا کام نہیں کر رہی ہیں، فیصل کریم کنڈی نے کہا کہ پی ٹی آئی دورمیں قومی سلامتی کے اجلاس میں وزیراعظم ہوتا ہی نہیں تھا۔ پی ٹی آئی کبھی 9 مئی کرتی ہے تو کبھی آئی ایم ایف کوخط لکھتی ہے۔
عوام پاکستان پارٹی کے سربراہ اور سابق وزیر اعظم خاقان عباسی نے کہا کہ اسمبلی 100 قرارداد پاس کر لے بلوچستان کے مسائل حل نہیں ہوں گے، بلوچستان کے حالات قراردادوں سے ٹھیک نہیں ہوں گے۔
شاہد خاقان عباسی نے کہا کہ بلوچستان واحد صوبہ ہے جہاں الیکشن ہی ہوتے، موجودہ حکومت عوامی نمائندہ نہیں، موجودہ حکومت اے پی سی بلا کر بھی کچھ نہیں کر سکتی، پہلے یہ معلوم کریں کہ یہ دہشتگرد بنے کیوں؟عوام پاکستان پارٹی کے سربراہ اور سابق وزیر اعظم نے کہا کہ بلوچ نوجوانوں نے ہتھیار کیوں اٹھائے یہ معلوم کریں، نوجوانوں کی بات سننا چاہئے، انہیں روزگار دینا چاہئے، لوگ ملک دشمنوں کے ہاتھوں کھیل رہے ہیں۔
انھوں نےگفتگو کرتے ہوئے کہا کہ پی ٹی آئی نے تحریک چلانی ہے چلائے، میں کسی تحریک کے حق میں نہیں، یہاں حکومت اوراپوزیشن اپنا اپنا کام نہیں کر رہیں، یہاں وزرائے اعظم کو جیل میں ڈالا جاتا ہے، پی ٹی آئی نے پہلے والا رویہ رکھنا ہے تو سب بے کارہے۔شاہد خاقان عباسی نے کہا کہ پی ٹی آئی کا رویہ غیرجمہوری وغیرپارلیمانی ہے، پی ٹی آئی کو ذمہ دار اپوزیشن بننا چاہئے، مولانا سے متعلق بات بالکل بھی درست نہیں، اپوزیشن کوبات کرنے کا حق ہی نہیں و جمہوریت کیسی؟عوام پاکستان پارٹی کے سربراہ نے پروگرام میں مزید گفتگو کرتے ہوئے کہا کہ آج ملک میں سیاست ایک دوسرے سے نفرت میں بدل چکی، دہشت گردی کا مقابلہ بندوق سے نہیں اتفاق سے ہوتا ہے۔
کراچی، لی مارکیٹ، لکڑی کے گودام میں لگی آتشزدگی پر قابو پا لیا گیا