اسلامو فوبیا سے ہر سطح پر نمٹنا ہوگا: پاکستانی مستقل مندوب منیر اکرم
اشاعت کی تاریخ: 15th, March 2025 GMT
نیویارک(نیوز ڈیسک) پاکستانی مستقل مندوب منیر اکرم نے کہاکہ اسلامو فوبیا سے ہر سطح پر نمٹنا ہوگا۔
پاکستانی مستقل مندوب منیر اکرم نے اپنے بیان میں کہاکہ کئی ممالک نے اسلامو فوبیا کیخلاف اعلانات کئے، اب ان پر عمل کا وقت ہے، پاکستان اور او آئی سی اسلامو فوبیا کیخلاف سیکرٹری جنرل کیساتھ کام کریں گے، پاکستان نے اسلاموفوبیا کا ایشو عالمی سطح پر تسلیم کرانے میں قائدانہ کردار ادا کیا۔
منیر اکرم نے کہاکہ جنرل اسمبلی میں پاکستان کی اسلامو فوبیا کیخلاف قرارداد منظور ہوئی، 15 مارچ اسلامو فوبیا سے نمٹنے کا عالمی دن منانے کا فیصلہ کیا گیا۔
ان کا مزید کہنا تھا کہ اسلامو فوبیا کیخلاف خصوصی سفیر بنانے کا فیصلہ ہوا تھا، خصوصی سفیر کا اعلان ایک دو دن میں کردیا جائے گا۔
Post Views: 2.ذریعہ: Daily Mumtaz
کلیدی لفظ: اسلامو فوبیا کیخلاف منیر اکرم
پڑھیں:
اسلامو فوبیا کے خلاف مؤثر اقدامات کی ضرورت ہے، عالمی برادری کردار ادا کرے : شہباز شریف
وزیراعظم شہباز شریف نے اسلامو فوبیا سے نمٹنے کے عالمی دن کے موقع پر اپنے پیغام میں کہا ہے کہ یہ دن دنیا بھر میں مسلمانوں کو درپیش چیلنجز کی سنگینی کا واضح ثبوت ہے انہوں نے یاد دلایا کہ 15 مارچ کو عالمی برادری اسلامو فوبیا کے خلاف یکجہتی کا اظہار کرتی ہے اور تین سال قبل اقوام متحدہ کی جنرل اسمبلی نے اس دن کو منانے کا تاریخی فیصلہ کیا تھا وزیراعظم کا کہنا تھا کہ دنیا میں تعصب نفرت اور امتیازی سلوک میں اضافہ ہو رہا ہے جبکہ مسلمانوں کی مقدس علامتوں اور عبادت گاہوں کو نشانہ بنایا جا رہا ہے اس صورتحال میں اسلامو فوبیا کے خلاف متحرک اقدامات کی ضرورت پہلے سے کہیں زیادہ بڑھ چکی ہے انہوں نے کہا کہ یہ دن عالمی برادری کو یاد دلاتا ہے کہ وہ قانون سازی اور پالیسی اقدامات کے ذریعے اس مسئلے کا سدباب کرے پاکستان کو اس اقدام کی اقوام متحدہ میں قیادت کرنے پر فخر ہے اور وہ ان ممالک کی حمایت کرتا ہے جو قرآن پاک کی بے حرمتی کو غیر قانونی قرار دینے اور مسلمانوں کے خلاف تعصب کے خاتمے کے لیے کام کر رہے ہیں وزیراعظم نے اس بات پر زور دیا کہ مذہبی عدم برداشت کے بڑھتے ہوئے رجحان کے پیش نظر آزادی اظہار کی آڑ میں کسی مذہب یا مقدس علامت کی بے حرمتی کا کوئی جواز نہیں ہو سکتا انہوں نے کہا کہ ہر مسلمان کے لیے نبی اکرم صلی اللہ علیہ وسلم کی عزت و ناموس کا تحفظ ایک مقدس امانت ہے اور اس حوالے سے کسی قسم کی توہین یا گستاخی برداشت نہیں کی جا سکتیانہوں نے عالمی امن اور بین المذاہب ہم آہنگی کی ضرورت پر زور دیتے ہوئے کہا کہ دنیا کے تمام مذاہب اور ان کے مقدس شخصیات کا احترام ضروری ہے بین الاقوامی فورمز کو اس مسئلے کی سنگینی کو سمجھنا چاہیے اور نفرت انگیز اقدامات کی روک تھام کے لیے ٹھوس اقدامات کرنے چاہئیں وزیراعظم نے عالمی برادری انسانی حقوق کی تنظیموں اور عالمی رہنماؤں پر زور دیا کہ وہ اسلامو فوبیا کے خلاف آگاہی بڑھانے کے لیے کردار ادا کریں انہوں نے قرآن پاک کی بے حرمتی مساجد پر حملوں اور مسلمانوں کے خلاف بڑھتی ہوئی عدم برداشت کے دیگر واقعات کے خلاف عملی اقدامات کا مطالبہ کیا انہوں نے کہا کہ اقوام متحدہ کی جنرل اسمبلی کے فیصلے کے مطابق پاکستان اسلامو فوبیا سے نمٹنے کے لیے اقوام متحدہ کے خصوصی ایلچی کی جلد تقرری کا منتظر ہے وزیراعظم نے اس دن کو اسلامو فوبیا اور مسلم مخالف نفرت کے خلاف آواز بلند کرنے کے ساتھ ساتھ بین المذاہب ہم آہنگی، مکالمے اور عالمی اتحاد کے فروغ کا موقع قرار دیا وزیراعظم شہباز شریف نے کہا کہ پاکستان اسلام کے محبت اور امن کے حقیقی پیغام کو دنیا میں پھیلانے کے عزم پر قائم ہے اور عالمی برادری سے مطالبہ کرتا ہے کہ وہ اسلامو فوبیا کے خلاف مؤثر اقدامات کرے تاکہ دنیا میں مذہبی رواداری اور بھائی چارے کو فروغ دیا جا سکے
ٹرمپ کی مذاکرات کی پیشکش مستر د، امریکہ کیساتھ مذاکرات مسئلے کا حل نہیں، ایرانی سپریم لیڈر خامنہ ای