صدر ٹرمپ کی اپنے خلاف دائر کئے گئے مقدمات کی مذمت اور احتساب کا مطالبہ
اشاعت کی تاریخ: 15th, March 2025 GMT
ویب ڈیسک —
واشنگٹن – صدر ڈونالڈ ٹرمپ نے جمعہ کے روز امریکی محکمہ انصاف میں تقریرکرتے ہوئے ان پراسیکیوٹرز اور عہدیداروں کا احتساب کرنے کا عزم کیا جنہوں نے ان کے خلاف قانونی مقدمات کی پیروی کی تھی۔
محکمے کے واشنگٹن ہیڈ کوارٹرز میں ایک تقریر میں، ٹرمپ نے جنوری میں اپنی وائٹ ہاؤس میں واپسی سے قبل کی صورتحال کی ایک تاریک تصویر پیش کی۔
انہوں نے کہا،”ہمارے ملک میں قانون نافذ کرنے والے چیف آفیسر کے طور پر، رونما ہونے والی غلطیوں اور زیادتیوں کے لیے مکمل احتساب کا مطالبہ کروں گا۔ امریکی عوام نے ہمیں ایک مینڈیٹ دیا ہے – ایسا مینڈیٹ جیسا کہ بہت کم لوگوں نے سوچا تھا،”
اس خطاب کا کچھ حصہ صدر ٹرمپ کی 2024 کی انتخابی ریلیوں کے مانوس موضوعات پر مشتمل تھا، جن میں سرحدوں کی حفاظت، فینٹینیل جیسی منشیات کے اجزا کی اسمگلنگ اور پرتشدد جرائم کا خطرہ شامل ہیں۔
انہوں نے ڈائس کے ساتھ کاغذی ڈبوں کے ایک ڈھیر کی موجودگی میں تقریر کی جن کا مقصد فینٹینیل نامی ڈرگ کی ایک مقدار کو ظاہر کرنا تھا جس سے لاکھوں افراد ہلاک ہوسکتے ہیں، اور جس کے اجزا بیشتر امریکہ کی جنوبی سرحد سے ملک میں آتے ہیں۔
لیکن زیادہ تر تقریر محکمہ انصاف کے ساتھ ان کے اپنے ماضی پر مرکوز تھی، جس نے ان پر فلوریڈا کے کلب میں خفیہ دستاویزات کو غیر قانونی طور پر ذخیرہ کرنے اور 2020 کے انتخابات میں اپنی شکست کو تبدیل کرنے کی سازش کرنے کے الزامات کے تحت دو بار فرد جرم عائد کی تھی۔
ٹرمپ نے کہا کہ "ہمیں ان دیواروں کے اندر جھوٹ اور زیادتیوں کے بارے میں دیانت دار ہونا چاہیے۔”
خصوصی وکیل جیک اسمتھ نے، جو اب محکمہ چھوڑ چکے ہیں، نومبر کے انتخابات میں ٹرمپ کے جیتنے کے بعد، کسی برسر اقتدار صدر پر مقدمہ چلانے کے خلاف محکمہ انصاف کی دیرینہ پالیسی کا حوالہ دیتے ہوئے ان دونوں مقدمات کو ختم کردیا تھا۔
اس سے قبل وائٹ ہاؤس کی پریس سکریٹری کیرولین لیویٹ نے وفاقی کارکنوں کی حالیہ برطرفیوں کو واپس لینے کے حکم کے بعدجمعہ کو وفاقی ججوں کے اختیار پر سوال اٹھایاتھا۔
لیویٹ نے نامہ نگاروں کو بتایا، "آپ کے پاس نچلی سطح کی ڈسٹرکٹ کورٹ کا ایسا جج نہیں ہو سکتا جو امریکہ کے صدر کی ایگزیکٹو اتھارٹی کو غصب کرنے کے لیے حکم امتناعی دائر کرے۔
صدرٹرمپ کا طویل عرصے سے محکمہ کے ساتھ اختلاف رہا ہے، جو ٹرمپ کی 2016 کی مہم اور روسی حکومت کے درمیان تعلقات کی تحقیقات سے متعلق ہے۔
صدر نے بارہا دعویٰ کیا ہےکہ ان کے خلاف اسمتھ کے مقدمات ان کی سیاسی واپسی اور اقتدار میں آنے سے روکنے کی کوشش کا حصہ تھے۔ استغاثہ نے بار بار ان مقدمات میں کسی سیاسی اثر و رسوخ سے انکار کیاہے۔
ٹرمپ کی نامزد کردہ اٹارنی جنرل پام بوندی نے اسمتھ کے مقدمات کے ساتھ ساتھ دیگر فوجداری مقدمات اور ٹرمپ کے خلاف اقتدار میں واپسی سے قبل لائے گئے دیوانی مقدمات کا اندرونی جائزہ شروع کر دیا ہے۔
صدر ٹرمپ کے اپنے عہدے پر واپس آنے کے بعد سے محکمہ انصاف کے رہنماؤں نے ایک درجن سے زیادہ وکلاء کو برطرف کیا ہے جنہوں نے ٹرمپ کے مقدمات پر کام کیا اور اس شعبے کےمتعدد عہدیداروں کو یا تو ہٹا دیا یا دوبارہ تفویض کیا جو عام طور پر صدارتی انتظامیہ میں اپنے عہدوں پر برقرار رہتے ہیں۔
دیگر موضوعاتصدر ڈونلڈ ٹرمپ نے کہا کہ امریکہ نے روس اور یوکرین کے ساتھ جنگ بندی کی جانب اچھی پیش رفت کی ہے”ہم یوکرین جنگ کے خاتمے کی کوشش کر رہے ہیں،یہ آسان کام نہیں ہوگا۔”
انہوں نے نیٹو سکیرٹری جنرل کے بیان کا حوالہ دیا جس میں انہوں نے کہا تھا کہ صدر ٹرمپ کے بغیر جنگ کے خاتمے کی کوششیں ممکن نہ ہوتیں۔
صدر ٹرمپ نے کہا ہم نے یوکرین کی مدد کیلئے 350 ارب ڈالر خرچ کیے ۔ سابق صدر جو بائیڈن نے یہ جنگ جاری رہنے دی۔انہیں ایسا کبھی نہیں ہونے دینا چاہیے تھا۔
صدر کا کہنا تھا ہزاروں جانوں کا نقصان ہو رہاہے، خاندانوں کا نقصان ہورہا ہے۔اس کے علاوہ روس نے یوکرین کے ہزاروں فوجیوں کو گھیرے میں لے رکھا ہے۔ان کا کہنا تھا کہ میں نے صدر پوٹن سے پر زور درخواست کی ہے کہ یوکرینی فوجیوں کی زندگی کو نقصان نہ پہنچے.
اس سے قبل صدر ڈونلڈ ٹرمپ نےکہا تھا کہ روسی ہم منصب کے ساتھ یوکرین کی جنگ کے خاتمے کے حوالے سے ان کی گفتگو مثبت رہی۔ تاہم انہوں نے ٹروتھ سوشل پر اپنی پوسٹ میں خبردار کیا کہ اس لمحے ہزاروں یوکرینی فوجی روسی فوج کے گھیرے میں ہیں اورایسا قتل عام ہو سکتا ہے جو دوسری عالمی جنگ کے بعد نہیں دیکھا گیا۔
اپنی تقریر میں افغانستان کے حوالے سے بھی انہوں نےسابق صدر بائیڈن پر تنقید کی اور کہا کہ انہوں نے خراب طریقے سےافغانستان سے امریکہ کا انخلا کیا۔
ٹرمپ نے کہا کہ بگرام ایئر بیس اب چین کے قبضے میں ہے۔ انہوں نے کہایہ ایئر بیس چین کے ایٹمی اور میزائل بنانے کے مقامات سے ایک گھنٹے کے فاصلے پر واقع ہے۔
صدر نے کہا، انہوں نے(بائیڈن نے) بہت کچھ پیچھے چھوڑ دیا۔
صدر ٹرمپ نےاس کا بھی اعادہ کیا کہ کہا کہ وہ امریکہ سے غیر قانونی طور پر مقیم جرائم پیشہ افراد کو نکال رہے ہیں۔
یہ رپورٹ رائٹرز کی اطلاعات پر مبنی ہے۔
ذریعہ: Al Qamar Online
کلیدی لفظ: محکمہ انصاف ٹرمپ نے کہا انہوں نے ٹرمپ کی کے ساتھ کے خلاف ٹرمپ کے کہا کہ جنگ کے
پڑھیں:
امریکہ نے اپنے اہم اتحادیوں سے سٹیل اور ایلومینیم کی درآمدات پر 25 فیصد نئے ٹیرف نافذ کر دیئے
بدھ کو نافذ ہونے والے ٹیرف کا اطلاق ارجنٹائن، آسٹریلیا، برازیل، برطانیہ، کینیڈا، جاپان، میکسیکو، جنوبی کوریا اور یورپی یونین کی درآمدات پر ہو گا۔ اسلام ٹائمز۔ امریکہ نے بدھ کو اسٹیل اور ایلومینیم کی در آمدات پر 25 فی صد نئے ٹیرف نافذ کر دیے ہیں جس کے ساتھ امریکہ کے کئی اتحادیوں کو ماضی میں ان ٹیرفس سے حاصل استثنا بھی ختم ہو گیا ہے۔ بدھ کو نافذ ہونے والے ٹیرف کا اطلاق ارجنٹائن، آسٹریلیا، برازیل، برطانیہ، کینیڈا، جاپان، میکسیکو، جنوبی کوریا اور یورپی یونین کی درآمدات پر ہو گا۔ صدر ڈونلڈ ٹرمپ نے اپنے ایک بیان میں کہا تھا کہ اسٹیل کی درآمدات سے "بڑھتے بوجھ " اور امریکہ کی سلامتی کے لیے اس کے ممکنہ خطرات سے بچاؤ کے لیے ٹیرف کا نفاذ ضروری ہے۔ یورپی یونین نے بدھ کو امریکی مصنوعات پر 28 ارب ڈالر کے ٹیرف نافذ کرنے کے منصوبے کا اعلان کیا ہے جن کا اطلاق اپریل سے ہو گا۔ یورپی کمیشن کی صدر ارسلا وون ڈر لائن نے ایک بیان میں کہا کہ بات چیت کے لیے ہمارے دروازے کھلے رہیں گے۔ ہم پختہ یقین رکھتے ہیں کہ جغرافیائی سیاست اور معاشی بے یقینی سے دو چار دنیا میں اپنی معیشتوں پر ٹیرف کا بوجھ ڈالنا ہمارے مشترکہ مفاد میں نہیں۔ اس سے قبل صدر ٹرمپ نے کینیڈا کی تمام درآمدات پر 25 فی صد ٹیرف عائد کرنے کا اعلان کیا تھا جسے مؤخر کر دیا گیا تھا۔
ان کا کہنا تھا کہ وہ کینیڈا پر دباؤ بڑھا رہے تاکہ وہ غیر قانونی تارکینِ وطن اور بالخصوص فینٹینل سمیت منشیات کی اسمگلنگ روکنے کے لیے اقدامات بڑھائے۔ جوابی اقدام کے طور پر امریکہ کی سرحد کے ساتھ واقع صوبے اونٹاریو کے حکام نے سرحد پار 15 لاکھ امریکی صارفین کو فراہم کی جانے والی بجلی پر 25 فی صد لیوی عائد کرنے کا اعلان کیا تھا جس پر ردِ عمل میں صدر ٹرمپ نے کینیڈا پر اسٹیل اور ایلومینیم کے ٹیرف دگنا کرنے کی دھمکی دی تھی۔ امریکہ اور کینیڈا کے حکام کے درمیان منگل کو ہونے والی بات چیت کے بعد اونٹاریو نے بجلی پر لیوی واپس لے لی تھی اور ٹرمپ حکومت نے کینیڈا سے آنے والی اسٹیل اور ایلومینیم کی درآمد کا ٹیرف 25 فی صد پر رکھنے کا اعلان کیا تھا۔ کینیڈا کے سبکدوش ہونے والے وزیرِ اعظم جسٹن ٹروڈو نے گزشتہ ہفتے صدر ٹرمپ کے اقدامات کے جواب میں امریکہ برآمدات پر ٹیرف بڑھانے کا اعلان کیا تھا۔ حال ہی میں کینیڈا کی وزارتِ عظمیٰ کے لیے نامزد ہونے والے مار کارنی نے منگل کو ایک بیان میں کہا ہے کہ ان کی حکومت ایسے اقدامات کرے گی جس سے کینیڈا پر ٹیرف کے اثرات کم سے کم ہوں اور امریکہ کو اس سے زیادہ سے زیادہ متاثر ہو۔
غزہ ملبے کا ڈھیر بن چکا مصر اور امریکا کی جنگ بندی کی کوشش امید کی کرن ہے، اسحاق ڈار