چیمپئینز ٹرافی جیت! کیا روہت کپتان برقرار رہیں گے؟ نیا سوال اٹھ گیا
اشاعت کی تاریخ: 15th, March 2025 GMT
بھارتی کپتان روہت شرما کی قیادت میں ٹی20 ورلڈکپ 2024 کے بعد آئی سی سی چیمپئینز ٹرافی کا ٹائٹل جیتنے کے بعد قیادت منتقل کرنے سے متعلق خبریں گردش کرنے لگیں۔
میڈیا رپورٹس کے مطابق بارڈر- گواسکر ٹرافی میں آسٹریلیا کے ہاتھوں بدترین شکست اور ہوم گراؤنڈ پر نیوزی لیںڈ سے کلین سوئپ شکست کے باوجود دورہ انگلینڈ کیلئے ٹیم کی قیادت روہت شرما کے ہی سپرد کرنے کا فیصلہ کیا گیا ہے۔
آسٹریلیا کیخلاف شدید تنقید کے باعث روہت شرما نے سڈنی ٹیسٹ میچ نہیں کھیلا تھا، اس میچ میں جسپریت بمراہ نے کپتانی کے فرائض نبھائے تھے تاہم وہ بھی انجری کا شکار ہوکر میگا ایونٹ سے بھی باہر ہوگئے تھے۔
مزید پڑھیں: پاکستان سے شکست پر جان سے مارنے کی دھمکیاں ملیں، مگر کیسے؟
دی انڈین ایکسپریس کی رپورٹ کے مطابق بی سی سی آئی اور سلیکشن پینل نے روہت کو انگلینڈ کے خلاف 20 جون سے شروع ہونے والی پانچ میچوں کی ٹیسٹ سیریز کے لیے بطور کپتان حمایت دینے کا فیصلہ کیا ہے، بورڈ کو لگتا ہے کہ وہ ٹیم کی قیادت کے لیے صحیح انتخاب ہیں۔
مزید پڑھیں: چیمپئینز ٹرافی؛ غیر منصفانہ فائدہ! گواسکر تاویلیں پیش کرنے لگے
دوسری جانب بھارت کو چیمپئینز ٹرافی 2025 کا فاتح بنوانے والے کپتان روہت شرما کا کہنا ہے کہ بین الاقوامی کرکٹ سے ریٹائر ہونے کی افواہیں پھیلائی جارہی ہیں جس کی تردید کرتا ہوں، فی الحال اپنے کھیل اور ٹیم کے ساتھ لطف اندوز ہورہا ہوں لیکن مستقبل کیلئے اپنے آپشنز کھلے رکھے ہوئے ہیں۔
.ذریعہ: Express News
کلیدی لفظ: چیمپئینز ٹرافی روہت شرما
پڑھیں:
جویریہ سعود کے رمضان پروگرام میں انوکھا سوال، ٹریفک چالان سے بچنے کا وظیفہ مانگنے کی ویڈیو وائرل
معروف اداکارہ اور ٹی وی میزبان جویریہ سعود کے رمضان پروگرام کی ایک ویڈیو سوشل میڈیا پر وائرل ہوگئی جس میں ایک کالر نے ٹریفک چالان سے بچنے کے لیے وظیفہ پوچھا کراچی سے تعلق رکھنے والے اس کالر نے بتایا کہ وہ ملیر کے رہائشی ہیں اور روزانہ کی بنیاد پر ٹریفک پولیس ان کا چالان کردیتی ہے ان کا کہنا تھا کہ وہ تمام قانونی تقاضے پورے کرتے ہیں ان کے پاس گاڑی کے کاغذات اور ڈرائیونگ لائسنس بھی موجود ہوتا ہے اس کے باوجود پولیس اہلکار کوئی نہ کوئی بہانہ بنا کر جرمانہ کر دیتے ہیں جس سے وہ شدید پریشان ہیں پروگرام میں موجود مفتی نے نہ صرف کالر کی بات سنی بلکہ ٹریفک پولیس اہلکاروں کو مخاطب کرتے ہوئے کہا کہ وہ موٹر سائیکل سواروں کا خصوصی خیال رکھیں کیونکہ سب سے زیادہ متاثر یہی طبقہ ہوتا ہے ان کا کہنا تھا کہ ایک طرف پیٹرول کی قیمتوں میں بے تحاشہ اضافہ ہو چکا ہے اور دوسری جانب ٹریفک پولیس کی جانب سے مسلسل چالان کیے جانے سے غریب عوام مزید مشکلات کا شکار ہورہی ہے انہوں نے پولیس حکام سے اپیل کی کہ زیادہ تر موٹر سائیکل سوار مزدور اور دیہاڑی دار طبقے سے تعلق رکھتے ہیں جو اپنی روزی روٹی کمانے کے لیے سڑکوں پر نکلتے ہیں، اس لیے ان کے ساتھ نرمی برتی جائے مفتی نے کالر کی درخواست پر چالان سے بچنے کے لیے ایک وظیفہ بھی بتایا اور مشورہ دیا کہ جب بھی ٹریفک پولیس نظر آئے اس مخصوص دعا کو پڑھنا شروع کر دیں تاکہ ان کا چالان نہ ہو جیسے ہی یہ ویڈیو سوشل میڈیا پر آئی صارفین نے دلچسپ تبصرے شروع کر دیے کچھ لوگوں نے اس واقعے کو تفریحی قرار دیا جبکہ کئی صارفین نے یہ بھی دعویٰ کیا کہ ایسے سوالات پروگرام کی ریٹنگ بڑھانے کے لیے کیے جاتے ہیں اور اکثر اوقات جعلی کالرز کے ذریعے ایسے معاملات کو بڑھا چڑھا کر پیش کیا جاتا ہے یہ ویڈیو وائرل ہونے کے بعد کئی لوگوں نے طنزیہ تبصرے بھی کیے اور کہا کہ اب ٹریفک قوانین پر عمل کرنے کے بجائے لوگ وظیفوں پر انحصار کرنا شروع کردیں گے کچھ صارفین نے مذاق میں لکھا کہ اب ٹریفک پولیس کو بھی کوئی وظیفہ بتانا چاہیے تاکہ وہ چالان کرنے کے بجائے عوام کو قانون کی پاسداری پر قائل کرسکیں یہ واقعہ ایک دلچسپ مگر سنجیدہ مسئلے کو اجاگر کرتا ہے جہاں شہری خود کو قانون کے دائرے میں رکھتے ہوئے بھی مشکلات کا شکار نظر آتے ہیں ٹریفک پولیس اور عوام کے درمیان بہتر روابط اور قانون کے یکساں نفاذ سے ہی ایسے مسائل کا مستقل حل نکالا جا سکتا ہے
انوکھی جمہوریہ جہاں کتا اور بکرا بھی صدر بن چکے