10 سالہ بچے کا ایک منٹ میں پائی کے 280 ہندسے زبانی بتانے کا عالمی ریکارڈ
اشاعت کی تاریخ: 15th, March 2025 GMT
ایک 10 سالہ برطانوی بچے نے ریاضی کی تھیم پر مبنی عام تعطیل ’پائی ڈے‘ کے موقعے پر ایک منٹ میں سب سے زیادہ ہندسے زبانی بتانے کا عالمی ریکارڈ توڑ دیا۔
یہ بھی پڑھیں: جرمنی کا صدیوں پرانا شاہ بلوط کا درخت پریمیوں کا پیغام رساں کیسے بنا؟
برسٹل کے طالب علم البرٹو ڈیولا اراگون نے کہا کہ انہوں نے پائی کو یاد کرنے کا آغاز مارچ 2024 میں اسکول میں ہونے والے ایک مقابلے سے کیا تھا۔
اراگون نے گنیز ورلڈ ریکارڈز کو کہا کہ مارچ 2024 میں میرے اسکول نے ایک حیرت انگیز انعام کے ساتھ ایک دلچسپ پائی ڈیجٹس مقابلے کا انعقاد کیا تھا۔
باصلاحیت اراگون نے پائی کے 150 ہندسوں کو یاد کرکے مقابلہ جیت لیا تھا تاہم اس کے بعد بھی انہوں نے اس پر کام جاری رکھا اور اب صرف ایک منٹ میں پائی کے 280 ہندسے بوجھ کر گنیز ورلڈ ریکارڈ توڑ دیا ہے۔
مزید پڑھیے: سائنسدانوں نے غاروں میں ملے 2 ہزار سال پرانے بیجوں سے درخت اگالیے
پائی ڈے ہر سال 14 مارچ کو منایا جاتا ہے جو پائی کے پہلے ہندسوں کے لحاظ سے رکھا گیا ہے یعنی 3.
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
البرٹو ڈیولا اراگون پائی ہندسے عالمی ریکارڈ گنیز بک آف ریکارڈزذریعہ: WE News
کلیدی لفظ: پائی ہندسے عالمی ریکارڈ گنیز بک آف ریکارڈز پائی کے
پڑھیں:
ائیر پورٹ پر پکڑی جانے والی اداکارہ نے سونے کو کیسے چھپا رکھا تھا؟ تحقیقات میں ہوشربا انکشافات
سونا سمگلنگ کیس میں ہوشربا انکشافات سامنے آئے ہیں جس میں معلوم ہوا ہے کہ بھارتی اداکارہ رانیا راؤ نے دبئی سے سونے کی بسکٹس کو اسمگل کرنے کا ایک پیچیدہ منصوبہ تیار کیا تھا اور یوٹیوب پر اسے اپنے لباس میں چھپانے کا طریقہ سیکھا تھا۔
بھارتی میڈیا رپورٹ کے مطابق سونا اسمگلنگ کیس کے دستاویز میں بتایا گیا ہے کہ اداکارہ رانیا راؤ کو سونے کی وہ کھیپ کس طرح سونپی گئی جس نے اسے گھر واپسی پر پریشانی میں ڈال دیا۔
ایک سینئر آئی پی ایس افسر کی سوتیلی بیٹی اداکارہ رانیا راؤ کو 3 مارچ کو بنگلورو ائیرپورٹ پر اس کے کپڑوں میں چھپائے گئے 14 کلو سونا کے ساتھ گرفتار کیا گیا تھا، حکام کو اسمگلنگ ریکیٹ کے پیچھے اداکارہ کے ملوث ہونے کا پہلے سے ہی شبہ تھا۔
اداکارہ کی جانب سے یہ بھی دعوی کیا گیا ہے کہ اس نے پہلی بار سونے کی اسمگلنگ تھی جس میں وہ ناکام رہی۔ اداکارہ نے تحقیقات کے دوران بتایا کہ اسے ایک انٹرنیٹ کال موصول ہوئی تھی اور اسے دبئی انٹرنیشنل ایئرپورٹ کے ٹرمینل 3 کے گیٹ اے سے سونا لینے کو کہا گیا تھا۔
View this post on InstagramA post shared by India Today (@indiatoday)
دستاویز میں بتایا گیا کہ اداکارہ نے ائیرپورٹ کے کھانے کے لاؤنج (کیفے) میں سفید گاؤن میں ملبوس ایک شخص سے ملاقات کی اور اس سے دو پیکٹ لیے جس میں سونا ایک پلاسٹک میں لپٹا ہوا تھا۔
اداکارہ نے افسران کو بتایا کہ ’نامعلوم شخص‘ چھ فٹ لمبا تھا اور اس کی رنگت گندمی اور امریکی لہجہ تھا۔ مختصر ملاقات کے دوران، وہ اسے ایک کونے میں لے گیا اور سونا اس کے حوالے کر دیا۔
تاہم رانیا راؤ نے پہلے سے ہی اچھی طرح منصوبہ بندی کر لی تھی کہ اسے کس طرح یہ سونا لے کر بھارت پہنچنا ہے۔ اداکارہ نے ائیرپورٹ سے آدھا میل دور اسٹیشنری کی دکان سے چپکنے والی ٹیپ خریدی تھی۔ اسے معلوم تھا کہ اسے ائیرپورٹ پر قینچی نہیں ملے گی، اس نے ٹیپ کے ٹکڑے کاٹ کر اپنے بیگ میں رکھ لیے تھے۔
ڈائننگ لاؤنج میں نامعلوم شخص سے سونا حاصل کرنے کے بعد وہ سیدھی واش روم چلی گئی جہاں اس نے پیکٹ کھولے تو اندر سے 12 سونے کے بسکٹس اور کچھ کٹے ہوئے ٹکڑے ملے۔
اداکارہ نے بتایا کہ اس نے سونے کے اپنے جسم میں اور کپڑوں میں چھپانے کے طریقے کو یوٹیوب سے ٹیوٹوریل دیکھ رکھا تھا۔ اس کے بعد اس نے ٹیپ کا استعمال کرتے ہوئے اپنے پاؤں کے پٹھوں اور کمر کے گرد سونے کے پسکٹس کو چپکا لیا اور چھوٹے چھوٹے ٹکڑوں کو اپنے جوتوں اور جیبوں میں ڈال دیا۔
ڈی آر آئی نے کل عدالت کو بتایا کہ وہ 3 مارچ کو امارات کی پرواز سے بنگلورو پہنچی تھی اور ایک افسر کی مدد سے ائیرپورٹ کی حفاظت سے گزری تھی جو اس اسمگلنگ میں ملوث تھا۔
رانیا راؤ کو ڈائریکٹوریٹ آف ریونیو انٹیلی جنس (DRI) کے اہلکاروں نے ائیرپورٹ سے باہر نکلنے سے صرف چند قدم کے فاصلے پر روکا اور تلاشی پر اس کے قبضے سے سونے کے بسکٹس برآمد ہونے کے بعد اسے گرفتار کیا گیا۔
یاد رہے کہ اداکارہ نے گزشتہ چھ مہینوں میں دبئی کے 27 دورے کیے اور ان میں سے چار صرف 15 دنوں کے عرصے میں تھے جس کی وجہ سے ڈی آر ائی ادارے کو رانیہ مشکوک معلوم ہوئی تھی۔
پاکستان سمیت دنیا بھر میں خواتین کا عالمی دن آج منایا جارہا ہے