’ایک ہی سڑک پر 30 کرکٹ میچز‘، کرک انفو نے کراچی کی ویڈیو شیئر کردی
اشاعت کی تاریخ: 14th, March 2025 GMT
کراچی(نیوز ڈیسک)کراچی میں جہاں رمضان کا مہنیہ شروع ہوتے ہی مساجد اور دکانوں کی رونقیں بڑھ جاتی ہیں وہیں کھیل کے میدان بھی آباد ہو جاتے ہیں۔ کراچی میں اکثر دیکھا گیا ہے کہ ہر رات تراویح کی ادائیگی کے بعد کرکٹ کا دور شروع ہوتا ہے۔ رمضان میں نوجوان کھیل کے میدانوں کے علاوہ گلیوں اور سڑکوں پر بھی کرکٹ کھیل کرشوق پورا کرتے ہیں۔
سوشل میڈیا پر کرک انفو نے ایسی ہی ایک ویڈیو شیئر کی ہے جس میں کراچی کی ایک ہی سڑک کے 30 مختلف مقامات پر نوجوان کرکٹ کھیل رہے ہیں جس سے ان کا کرکٹ کے لیے جنون دیکھنے میں آتا ہے۔
ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے گئے۔ کرک انفو نے لکھا کہ یہ کراچی میں رمضان نائٹ اسٹریٹ کا جنون ہے۔
The Ramadan night street cricket craze in Karachi ???? #YourShots by Taha Bilal pic.
— ESPNcricinfo (@ESPNcricinfo) March 14, 2025
عمران صدیقی لکھتے ہیں کہ سٹریٹ کرکٹ کے بغیر رمضان نا مکمل ہے۔
نوجوانوں کو سڑک کے اوپر کرکٹ کھیلتا دیکھ کر ایک ایکس صارف نے سوال کیا کہ اسٹیڈیم نہیں جاتے یہ لوگ؟
پاکستان کے معروف اداکار، گلوکار اور میزبان فخر عالم نے لکھا کہ یہ صرف کراچی کی ایک سٹریٹ ہے۔ ملک بھر میں کچھ زبردست ٹیپ بال ٹورنامنٹس اور وائٹ بال ٹورنامنٹس ہو رہے ہیں۔ وہاں کچھ شاندار ٹیلنٹ موجود ہے جو دریافت ہونے کا انتظار کر رہا ہے۔
معظم علی بیگ نے لکھا کہ کراچی میں رمضان المبارک کے مقدس مہینے میں مختلف جگہوں پر نائٹ کرکٹ کا اپنا معیار اور مزہ ہے۔ انہوں نے ویڈیو پر تبصرہ کرتے ہوئے کہا کہ یہ ابھی صرف ایک گلی ہے۔
عبداللہ نامی صارف نے لکھا کہ ’کراچی تو پھر کراچی ہے نا‘۔
مزیدپڑھیں:بحفاظت لاہور اترنے والے پی آئی اے کے طیارے کا لاپتا پہیہ کہاں سے ملا؟
ذریعہ: Daily Ausaf
کلیدی لفظ: نے لکھا کہ کراچی میں
پڑھیں:
کراچی؛ ٹک ٹاک ویڈیو بناتے ہوئے گولی چل جانے سے والدین کا اکلوتا بیٹا جاں بحق
کراچی:سائٹ سپر ہائی وے صنعتی ایریا کے علاقے ایوب گوٹھ میں گھر کے اندر فائرنگ کے پراسرار واقعے میں نوعمر لڑکا جاں بحق ہوگیا جس کی لاش چھیپا کے رضا کاروں نے عباسی شہید اسپتال پہنچائی۔
پولیس کا کہنا ہے کہ متوفی کی شناخت 12 سالہ محمد نواز کے نام سے کی گئی جبکہ واقعہ گھر کے اندر والد کے لائسنس یافتہ پستول سے اتفاقیہ گولی چلنے کا بتایا جا رہا ہے جس کی مزید معلومات حاصل کی جا رہی ہیں۔
اسپتال میں متوفی کے ماموں نے میڈیا سے بات چیت کرتے ہوئے بتایا کہ نواز گھر پر اکیلا تھا اور والد اور والدہ عید کی خریداری کے لیے بازار گئے ہوئے تھے، نواز پستول کے ساتھ موبائل سے ویڈیو بنا رہا تھا کہ اس سے گولی چل گئی جو اس کے سر میں لگی، بچے کے والد کا اسلحہ لائسنس یافتہ ہے۔
انھوں نے بتایا کہ گھر سے واقعے سے متعلق دادی کی کال آئی تھی اور جب گھر جا کر دیکھا تو نواز کی لاش پڑی ہوئی تھی ، متوفی نواز کے قریبی رشتے دار نے بھی میڈیا سے بات چیت کرتے ہوئے بتایا کہ نواز اپنے والدین کا اکلوتا بیٹا تھا جس کے سر پر گولی لگی تھی، شبہہ ہے کہ وہ گھر میں مبینہ طور پر ٹک ٹاک بنا رہا تھا۔ واضح رہے کہ متوفی کے والد کافی عرصے سے بیروزگار ہیں۔
پولیس نے ضابطے کی کارروائی کے بعد لاش ورثا کے حوالے کردی۔
پارلیمنٹ اور لاجز کی سکیورٹی کو مزید بہتر بنایا جائے،ڈپٹی چیئرمین سینیٹ سے آئی جی اسلام آبادکی ملاقات