پاک فوج نے دشمنوں کے ناپاک عزائم خاک میں ملا دیئے، مشتاق حسین
اشاعت کی تاریخ: 14th, March 2025 GMT
گلگت بلتستان کے وزیر برقیات نے ایک بیان میں کہا کہ فورسز کی حکمت عملی کے باعث کسی بھی خودکش بمبار کو حملہ کرنے کا موقع نہیں دیا گیا، جو ایک بڑی کامیابی ہے۔ اسلام ٹائمز۔ گلگت بلتستان کے وزیر برقیات مشتاق حسین نے جعفر ایکسپریس پر دہشت گردوں کے حملے اور مسافروں کو یرغمال بنانے کے واقعے کی شدید مذمت کی ہے۔ اپنے بیان میں انہوں نے کہا کہ سیکیورٹی فورسز نے پیشہ ورانہ مہارت اور بہادری کا مظاہرہ کرتے ہوئے تمام یرغمالیوں کو بحفاظت بازیاب کرایا اور 33 دہشت گردوں کو انجام تک پہنچایا۔ مشتاق حسین کا کہنا تھا کہ دہشت گردوں نے معصوم شہریوں کو ڈھال بنانے کی بزدلانہ کوشش کی، لیکن پاک فوج اور قانون نافذ کرنے والے اداروں نے ان کے ناپاک عزائم خاک میں ملا دیے۔ انہوں نے کہا کہ فورسز کی حکمت عملی کے باعث کسی بھی خودکش بمبار کو حملہ کرنے کا موقع نہیں دیا گیا، جو ایک بڑی کامیابی ہے۔انہوں نے مزید کہا کہ دہشت گردی کے خلاف جنگ میں پاک فوج کی یہ کامیابی اس بات کا ثبوت ہے کہ ہماری افواج ہر چیلنج کا مقابلہ کرنے کے لیے مکمل تیار ہیں۔ پاکستان کے دشمن کبھی اپنے مذموم مقاصد میں کامیاب نہیں ہو سکتے، قوم اپنی بہادر افواج کے ساتھ کھڑی ہے۔
.ذریعہ: Islam Times
کلیدی لفظ: کہا کہ
پڑھیں:
دشمنوں کو اندازہ ہو گیا دفاع کس قدر مضبوط ہے، فیض اللہ فراق
ترجمان گلگت بلتستان حکومت نے ایک بیان میں کہا کہ جعفر ایکسپریس پر دہشت گردوں کے حملے کے بعد جس طرح پاک فوج کے دستوں نے سخت حالات، مشکل لینڈ سکیپ اور بغیر کسی زیادہ نقصان کے جس چابک دستی اور خوبصورتی کے ساتھ قلیل وقت میں کامیاب آپریشن کر کے دہشت گردوں کا صفایا اور مسافروں کی بازیابی کرائی ہے انتہائی قابل رشک اور حوصلے کا ثبوت ہے۔ اسلام ٹائمز۔ ترجمان گلگت بلتستان حکومت فیض اللہ فراق نے اپنے ایک بیان میں کہا ہے کہ بلوچستان میں جعفر ایکسپریس پر دہشت گردوں کا حملہ قابل مذمت ہے، چند شر پسند ملک دشمن عناصر ملک کو عدم استحکام سے دوچار کرنے کی ناکام کوشش کر رہے ہیں لیکن دشمن طاقتوں سمیت اندورنی خلفشاریوں کو مکمل اندازہ ہو گیا کہ ملکی دفاعی طاقت اس قدر موثر ہے کہ وہ کسی بھی وقت اندورنی و بیرونی دشمنوں کو ملیامیٹ کر سکتی ہے۔ ترجمان نے واضح کیا کہ جعفر ایکسپریس پر دہشت گردوں کے حملے کے بعد جس طرح پاک فوج کے دستوں نے سخت حالات، مشکل لینڈ سکیپ اور بغیر کسی زیادہ نقصان کے جس چابک دستی اور خوبصورتی کے ساتھ قلیل وقت میں کامیاب آپریشن کر کے دہشت گردوں کا صفایا اور مسافروں کی بازیابی کرائی ہے انتہائی قابل رشک اور حوصلے کا ثبوت ہے۔
پارلیمنٹ اور لاجز کی سکیورٹی کو مزید بہتر بنایا جائے،ڈپٹی چیئرمین سینیٹ سے آئی جی اسلام آبادکی ملاقات