ملک دشمن عناصر پاکستانیوں کو فرقہ وارانہ کی بنیاد پر لڑا رہے ہیں، طاہر اشرفی
اشاعت کی تاریخ: 14th, March 2025 GMT
لاہور میں میڈیا سے گفتگو میں پاکستان علما کونسل کے چیئرمین کا کہنا تھا کہ تمام مسلمانوں کو اس سازش کا ادراک کرنا ہوگا، اور دشمن کی سازش کو اتحاد امت سے ناکام بنانا ہوگا۔جعفر ایکسپریس کے یرغمالیوں کو بازیاب کروانے پر پاک فوج کو خراج تحسین پیش کرتے ہیں اور حکومت سے مطالبہ کرتے ہیں کہ ملک دشمن عناصر کیخلاف کارروائی کی جائے۔ اسلام ٹائمز۔ چیئرمین پاکستان علماء کونسل حافظ طاہر اشرفی کا کہنا ہے کہ پاک سرزمین کا ایک انچ بھی کسی دشمن عناصر کو استعمال نہیں کرنے دیں گے، سانحہ جعفر ایکسپریس کی پُرزور الفاظ میں مذمت کرتے ہیں۔ بحریہ ٹاؤن لاہور میں نماز جمعہ کی ادائیگی کے بعد حافظ طاہر اشرفی کا میڈیا سے گفتگو کرتے ہوئے کہنا تھا کہ جعفر ایکسپریس کے یرغمالیوں کو بازیاب کروانے پر پاک فوج کو خراج تحسین پیش کرتے ہیں اور حکومت سے مطالبہ کرتے ہیں کہ ملک دشمن عناصر کیخلاف کارروائی کی جائے۔ حافظ طاہر اشرفی کا مزید کہنا تھا کہ کل پورے پاکستان میں یوم تحفظ ناموس رسالت انتہائی عقیدت و احترام سے منایا جائے گا، جس میں تمام مسلمان بڑھ چڑھ کر حصہ لیں۔ انہوں ںے کہا کہ ملک دشمن عناصر پاکستانیوں کو فرقہ وارانہ کی بنیاد پر لڑا رہے ہیں، تمام مسلمانوں کو اس سازش کا ادراک کرنا ہوگا، اور دشمن کی سازش کو اتحاد امت سے ناکام بنانا ہوگا۔
.ذریعہ: Islam Times
کلیدی لفظ: ملک دشمن عناصر طاہر اشرفی کرتے ہیں
پڑھیں:
ملک دشمن عناصر کا پاکستان کو کمزور کرنے کا خواب کبھی شرمندہ تعبیر نہیں ہوسکتا، میرسرفراز بگٹی
کوئٹہ(اُردو پوائنٹ اخبارتازہ ترین - این این آئی۔ 12 مارچ2025ء) وزیر اعلیٰ بلوچستان میر سرفراز بگٹی کی زیر صدارت امن و امان سے متعلق اعلیٰ سطحی اجلاس بدھ کو یہاں چیف منسٹر سیکرٹریٹ میں منعقد ہوا جس میں حالیہ دہشت گردانہ حملوں، خصوصاً جعفر ایکسپریس پر ہونے والے حملے کے حوالے سے تفصیلی غور و خوض کیا گیا اجلاس میں ایڈیشنل چیف سیکرٹری داخلہ زاہد سلیم نے بریفنگ دی جس میں جعفر ایکسپریس واقعے کی تفصیلات ابتدائی تحقیقات اور سیکورٹی اقدامات پر روشنی ڈالی گئی وزیر اعلیٰ بلوچستان میر سرفراز بگٹی نے اجلاس سے خطاب کرتے ہوئے حملے کو ناقابل برداشت قرار دیتے ہوئے سخت کارروائی کا حکم دیا انہوں نے کہا کہ دہشت گرد ایک انچ زمین پر بھی قابض نہیں رہ سکتے ایسی دہشت گردانہ کارروائیوں کا مقصد پرتشدد ماحول کا تاثر قائم کرنا ہے لیکن ریاست دشمنوں کے ناپاک عزائم کو کبھی کامیاب نہیں ہونے دے گی انہوں نے کہا کہ ملک دشمن عناصر کا پاکستان کو کمزور کرنے کا خواب کبھی شرمندہ تعبیر نہیں ہوسکتا حکومت پوری طاقت سے ان کا قلع قمع کرے گی انہوں نے کہا کہ اب وقت آ گیا ہے کہ ہر قسم کی کنفیوڑن سے نکل کر دہشت گردی کے خلاف بھرپور جنگ لڑی جائے انہوں نے کہا کہ بلوچستان کے امن کو خراب کرنے کی کسی بھی کوشش کو ناکام بنایا جائے گا اور دشمن عناصر کو ہر محاذ پر شکست دی جائے گی وزیر اعلیٰ بلوچستان نے اس موقع پر واضح ہدایات جاری کیں کہ عوام کے تحفظ کے لیے سیکورٹی اداروں کو ہر ممکن وسائل فراہم کیے جائیں گے اور دہشت گردوں کے سہولت کاروں کے خلاف بھی سخت کارروائی کی جائے گی انہوں نے کہا کہ بلوچستان میں امن و امان پر کوئی سمجھوتہ نہیں کیا جائے گا انہوں نے متعلقہ اداروں کو ہدایت کی کہ واقعے میں ملوث عناصر کو جلد از جلد کیفر کردار تک پہنچایا جائے تاکہ عوام میں تحفظ کا احساس پیدا ہو اور دہشت گردوں کو سخت پیغام دیا جا سکے اجلاس میں چیف سیکرٹری بلوچستان شکیل قادر خان، پرنسیپل سیکرٹری بابر خان، آئی جی پولیس معظم جاہ انصاری، آئی جی ریلوے پولیس رائے طاہر، ڈی آئی جی کوئٹہ پولیس اعتزاز احمد گورایا سمیت دیگر اعلیٰ حکام نے شرکت کی اور مختلف امور پر اپنی تجاویز پیش کیں۔(جاری ہے)
اجلاس میں بلوچستان میں امن و امان کی مجموعی صورتحال، انسداد دہشت گردی کے اقدامات اور مستقبل میں مزید سخت سیکیورٹی اقدامات پر بھی تفصیلی تبادلہ خیال کیا گیا۔
پارلیمنٹ اور لاجز کی سکیورٹی کو مزید بہتر بنایا جائے،ڈپٹی چیئرمین سینیٹ سے آئی جی اسلام آبادکی ملاقات