اسرائیل نے 676 فلسطینی شہداء کی لاشیں روک لیں، تازہ رپورٹ میں انکشاف
اشاعت کی تاریخ: 14th, March 2025 GMT
اسرائیلی قابض فوج نے 676 فلسطینی شہداء کی لاشیں قبضے میں لے رکھی ہیں، جنہیں نمبروں کے قبرستانوں اور ریفریجریٹروں میں رکھا گیا ہے۔ یہ انکشاف فلسطینی شہداء کی میتوں کی واپسی کے لیے قائم نیشنل کمپین نے اپنی تازہ رپورٹ میں کیا۔
فلسطینی خبر رساں ایجنسی وفا کے مطابق، اسرائیلی حکام نے جنین میں حالیہ دنوں فائرنگ سے شہید کیے گئے مزید تین فلسطینیوں کی لاشیں قبضے میں لے لی ہیں، جس کے بعد قابض فورسز کے پاس موجود لاشوں کی مجموعی تعداد 676 ہو گئی ہے۔
رپورٹ میں انکشاف کیا گیا کہ ان شہداء میں 71 فلسطینی قیدی، 60 معصوم بچے اور 9 خواتین بھی شامل ہیں، جنہیں اسرائیل نے ان کے اہلخانہ کے حوالے کرنے سے انکار کر دیا ہے۔
انسانی حقوق کے اداروں نے اسرائیلی قبضے کو جنگی جرم قرار دیتے ہوئے عالمی برادری سے مطالبہ کیا ہے کہ وہ فلسطینی شہداء کی میتوں کی واپسی کے لیے اسرائیل پر دباؤ ڈالے۔
.
ذریعہ: Express News
کلیدی لفظ: فلسطینی شہداء کی
پڑھیں:
جنوبی غزہ میں اسرائیلی ڈرون کی بمباری، 4 فلسطینی شہید
ایک مقامی ذریعے نے اطلاع دی ہے کہ وسطی رفح میں اسرائیلی ٹینک کی گولہ باری سے دو شہری زخمی ہوئے ہیں، جب کہ مشرقی الجنینہ محلے میں عید البشیتی اسٹریٹ پر توپ خانے کے گولے گرنے سے ایک خاتون شہری زخمی ہوئی ہے۔ اسلام ٹائمز۔ جنوبی غزہ میں اسرائیلی بمباری میں 4 فلسطینی شہید ہو گئے۔ رپورٹ کے مطابق مقامی ذرائع نے بتایا کہ اسرائیلی ڈرون نے زیتون محلے میں ایک اسکول کے قریب لکڑیاں تلاش کرنے والے شہریوں کے ایک گروپ کو نشانہ بنایا جس میں ان میں سے چار شہید ہو گئے۔ اس کے علاوہ غزہ کے شمال میں بیت لاہیا میں قابض فوج کے حملے کے نتیجے میں ایک معمر خاتون زخمی ہو گئی۔ جمعہ کو غزہ کی پٹی کے جنوب میں مشرقی اور وسطی رفح پر اسرائیلی ٹینک کی گولہ باری سے ایک خاتون سمیت تین شہری زخمی ہو گئے۔ ایک مقامی ذریعے نے اطلاع دی ہے کہ وسطی رفح میں اسرائیلی ٹینک کی گولہ باری سے دو شہری زخمی ہوئے ہیں، جب کہ مشرقی الجنینہ محلے میں عید البشیتی اسٹریٹ پر توپ خانے کے گولے گرنے سے ایک خاتون شہری زخمی ہوئی ہے۔
وزیراعظم کا سینیئر تجزیہ کار ڈاکٹر رفعت حسین کی وفات پر اظہار تعزیت